Еден од најдобрите играчи во среден ред побара дрес од еден од најдобрите играчи во среден ред. Кевин тежи 20 трофеи од кои 15 со Сити, Лука има 30 од кои 24 со Реал. Шест години е помал и многу добро свесен за тоа од каква играчина бара дрес.

Првите натпревари од четвртфиналето на Лига на шампиони донесоа неверојатни моменти. Во Мадрид на „Сантијаго Бернабеу“ Реал и Манчестер Сити ремизираа 3:3 во меч во кој не се знаеше кој од кој е поубав гол. Во Лондон Арсенал и Баерн Минхен одиграа 2:2 а гол на „топџиите“ повторно им даде Хари Кејн кој беше исвиркан во северен Лондон зашто беше капитен на Тотенхем.

По големиот успех во Рим, Милано, Фиренца, Торино, Тренто, Римини, Болоња, Белград, Венеција, Цирих и Тирана, изложбата со наслов „Паоло Роси -  златното момче и легендите на фудбалот“, пристигна и кај нас. Да одите.

Практично сите гласааат за светскиот шампион од 2022 со Аргентина. Барем оние анкетираните меѓу кои се Мбапе, Халанд, Де Брујне, Азар, Дејвис, Деклан Рајс, Винисиус и др.

Легендарни 15 секунди со фудбалската икона Диего Марадона во дрес од Франко Барези после натпревар меѓу Милан и Наполи, одигран во 1989-та, година во која Милан освои Куп на Европски шампиони, а Наполи Куп на УЕФА.

И со пеналите се претера. Едни се обидуваат со краток залет, други трчкаат како манекени пред да го изведат, трети му ја подаваат на голманот како на тренинг. Поради аматерскиот удар на 21 годишниот напаѓач на Расинг Сантандер, Жерар Фернандез Кастелано познато Пеке, неговите загубија дома 0:1 од Алкоркон и тоа со три црвени картони им ги собраа бодовите.

Репрезентативниот голман на Нигерија Андре Онана за време на најголемото англиско дерби Манчестер Јунајтед - Ливерпул 2:2 бил уловен од камерите како става вазелин на ракавиците. Ништо нелегитимно, не е забрането, а бивши голмани имаат објаснување зошто се турало.

Интер со пресврт го преброди гостувањето кај Удинезе. Домашните поведоа први во 40’ минута преку еден необичен гол на српскиот репрезентативец Лазар Самарџиќ. Интер израмни од пенал преку Чаланоглу во 55-та минута а Давиде Фратези во длабоко судиско продолжение во 90+5’ минута му донесе три бода на Интер кој е се поблизу до скудето.

Во американската МЛС лига, како и во секоја друга лига има неверојатни промашени зицери. Три се издвојуваат како најголеми.

Таман врза два хет-трика по ред за зголемување на светскиот рекорд кој му е близу 900 гола и еве го пак. Нервозен, гневен и ироничен. Му идеше бокс да му зачука на судијата.

Ал Итихад ја доби полуфиналната пресметка од Супер Купот на Саудиска Арабија против Ал Вехда со 2:1 и ќе игра финале против Ал Хилал. Карим Бензема го прекина долгиот пост кој му траеше од 15 декември и постигна многу брз гол уште пред да истече првата минута од натпреварот.

Фудбалерот на Галатасарај кој играше уште и за Ленс, Тулуз, ПСЖ, Тотенхем, Виљареал и Нотингем Форест, се огласил по повод интервјуто на украинскиот фудбалер Александар Зинченко за БиБиСи каде „јуначки“ од луксузниот дом во Лондон најавува дека ќе одел на фронт ако го мобилизираат.

На 26 февруари натепа 41 година во газот и упорно и упорно не му иде памет. Провоцира, се закача, мава без осет и наместо на тие години да биде пример за цела плејада млади играчи, прави циркузи и редовно добива црвени картони. Изреволтиран од една судиска одлука, на судијата му гестикулираше дека треба да си стави наочари, а овој ни два, ни три го прати на ладење.

Наполи продолжи да тера по свое сезонава, ќе примат три гола, па ќе дадат четири, па ќе примат два и ќе дадат три и така од почеток на сезоната. Во неделата на гости ја победија Монца со 2-4 а вториот гол за гостите кој го даде Матео Политано беше најубав од сите шест на мечот.

Видовте ли што утна Северина? Епа тоа не е ништо во споредба со Нико Шлотербек од Борусија Дортмунд која инаку загуби дома од Штутгарт 0:1. Па ова е потешко да го промаши човек, отколку да го даде. Цел тим се држеше за глава.

Баерн Минхен целосно заслужува да гледа како Баер наскоро ќе ја слави титулата во Бундеслигата. Ај што викендов загубија од дебитантот во Бундеслигата Хајденхајм и тоа со пресврт после водство од 0:2, уште толку се посрамотија со односот. При имиња во тимот како Милер, Кејн, Кимих, Гнабри, Горецка и останатите, само 18 годишниот Матис Тел покажа респект за поддршката на навивачите кои допатувале да ги бодрат. Другите образ ѓон. Ги тераше да се вратат, ама џабе, штикла фатија накај соблекувална.

Јувентус оствари алегријевска победа од 1-0 над Фиорентина и победи првпат после цели 40 дена и 4 меча без триумф со само два освоени бода. Бјанконерите дадоа гол преку стоперот Гати во 21’ минута и до крајот го чуваа резултатот. Уствари полскиот голман Војчех Шчесни им го чуваше.

Партизан со 2-0 го победи Нови Пазар во последното коло од српската Суперлига пред почетокот на тамошното разигрување за титула и опстанок. Лидер на табелата е Црвена звезда со 74 бода, а Партизан има 70 на второ место. На мечот со Нови Пазар холандскиот фудбалер со интересно презиме Ксандер Северина промаши невозможно. Среќа негова што веќе даде 1 гол и водеа.

Манчестер Јунајтед и Ливерпул одиграа 2:2 во сјајното дерби од Премиер лигата. Гостите во првиот дел имаа дури 14 обиди кон противничкиот гол, а домашните ниту еден. Сепак на крајот Ливерпул беше тој којшто спасуваше бод.

Финалето од Супер Купот на Турција кое се одигра синоќа е веројатно најкраткото во историјата на фудбалот. Само што почна, заврши уште во 1 минута и тоа падна и гол.

Интер Мајами одигра 2-2 на домашен терен против Колорадо во осмиот натпревар за тимот на Лео Меси во МЛС лигата. Лионел се врати после три недели, влезе во игра од клупата за резерви а постигна гол после само десетина минути на терен.

Баскијците конечно го скршија четиридецениското проклетство и стигнаа до 24-та титула во Купот на Шпанија. Само Барселона е пред нив со 31 трофеј. Во финалето беа подобри од Мајорка со 4:2, после 1:1 во регуларниот дел од мечот. За МВП е прогласен 21 годишниот Нико Вилијамс кој е мета на Барселона и Арсенал. Му го сврте паметот на својот чувар и го исфрли од игра.

Баер Леверкузен игра чудесна сезона и веќе се на бројка од 40 натпревари без пораз на сите три фронта (Бундеслига, Куп и ЛЕ). За шпанскиот ас ова е само увертира на блеската тренерска кариера која му престои и веќе го има осетот на водење екипа. Покажа страшен почит кон навивачите кои го бодрат тимот цела сезона и фати еден под еден да ги поздравува.

Росарио Централ од Аргентина го доби Пењарол од Уругвај со 1:0 во 1. коло од Копа Либертадорес. Резултатот оди во сенка на инцидентот кој се случи по завршувањето на мечот. Навивач на домашниот тим со сиот памет со камен в лице го погоди и го раскрвари Максимилијано Оливера, кој збесна од нервоза. Можеше око да му истераш бе идиоту.