Роналдо доби црвен поради лакт, а потоа му замавна на судијата

Таман врза два хет-трика по ред за зголемување на светскиот рекорд кој му е близу 900 гола и еве го пак. Нервозен, гневен и ироничен. Му идеше бокс да му зачука на судијата.

Кристијано Роналдо пак тера по старо, а овој пат ја загуби главата на дербито против Ал Хилал во второто полуфинале од Супер Купот на Саудиска Арабија.

Португалецот очигледно не знае да се носи со порази, што е чудно за еден таков голем фудбалски габарит, а ниту умее да си ги контролира емоциите на терен.

Ал Хилал за 11 минути во вториот дел направи водство од 2:0, а на 5 минути до крајот на средбата Роналдо доби црвен поради тоа што влезе во клинч со играч и го удри со лакт.

Недозаволен од одлуката почна да се расправа со судијата, па дури и ја напумпта тупаницата и му забавна, а потоа кога го напушташе теренот повторно ја истакна неговата препознатлива иронија.

Ал Наср успеа да постигне гол преку Мане во 99-та минута, но само го намали поразот на 2:1.

Ал Хилал, предводен од Милинковиќ, Митровиќ, Нејмар и Кулибали во финалето од Супер Купот ќе игра Ал Итихад на Бензема и Канте, кој славеше исто така со 2:1 над Ал Вехда.

Освен во Супер Купот, Роналдо е многу блиску пред губење на титулата и во првенството, бидејќи Ал Хилал на 7 кола до крај има +12 пред Ал Наср.