По двата убави гола против Штутгарт, Немања Радоњиќ даде голчиште и на гостувањето против Милан со кое и даде надеж на Црвена Ѕвезда дека може до позитивен резултат против фаворитот. На поранешниот српски репрезентативец не му е непознато италијанското тло, бидејќи до скоро беше член на Торино.

Фрчеа голови на вечерашните втори средби од 6. коло во ЛШ. 34 комада на 9 натпревари. Во дерби пресметките, големи победи остварија Јувентус и Барселона, Арсенал, Штутгарт и Феенорд славеа убедливо, а Црвена Ѕвезда загуби на Сан Сиро со гол во 87-ма минута.

27 години делење судиска правда од кои 19 меѓународна, над 1.000 домашни натпревари, 148 меѓународни, непристрасност, популарност, имиџ. Неговото име и презиме станаа поим за македонски судија. Му судеше и на Меси, а мечот го одработи чисто како солза. Ниту еден картон не извади.

Се појави вест која од првин делуваше дека е зафрканција и будалаштина, дека на тренинг на Манчестер Сити четворица фудбалери промашиле пенал на празен гол без голман. Фил Фоден, Џек Грилиш, Илкај Гундоган и Ерлинг Халанд. Ова не е шала веќе со Сити.

УЕФА прашува чија одбрана е најјата од синоќа, на Бекер или Куртоа? Погледнете и проценете сами. Инаку Бразилецот го мина Пепе и стана голман со најголем број натпревари за Ливерпул во ЛШ без примен гол. Не се гледаат секој ден вакви паради со две раце.

Еден од најдобрите и најтрофејните тренери на сите времиња, Јосеп Пеп Гвардиола минува низ необичен период за неговиот клуб Манчестер Сити кој се соочува со судски процес по 115 точки во кои го кршел финансискиот фер плеј во Премиер лига. А и резултатски не им оди како се навикнати.

Ред Бул Лајпциг и Астон Вила го одиграа можеби најинтересниот натпревар во Лига на шампионите синоќа а истиот го добија гостите 2:3. По мечот едниот од помошниците судии почна да плаче.

Баерн Минхен го почасти Шахтјор Доњецк со 5 парчиња на гости. Мајкл Олисе даде еден од пенал и еден од игра. Без пардон им влезе во шеснаесетник и на крај го седна на земја голманот.

Едниот син на Руни се вика Каи. Има 15 години и тренира во младинските категории на Манчестер Јунајтед, игра во шпицот, напаѓач како татко му. Искористил една прилика во клубот да го посети музејот посветен само на кариерата на големиот Вејн кој релативно рано на 31-32 години ја заврши кариерата. Каи на Инстаграм објавил видео од сите трофеи и признанија на татко му. На оваа социјална мрежа Каи го следат преку 290.000 луѓе.

Кол Палмер му даде два гола од пенал на Тотенхем, едниот со паненка. Знае да го искористи како трик удар од 11 метри, ама не знае од каде потекнува.

Со топка можеше сè, па дури и да танцува со неа кога ќе ја прими. Такво чувство, таков осет е вродена дарба, талент каков што се гледа на стотина години.

Лидерот во Серија А му пружи силен отпор на европскиот првак, а во второ полувреме и го надигра, но го плати цехот со слабата одбрана. Статистички беше и подобар со вкупно 20 удари спрема 10 на Реал или 9:6 во рамки на гол. Посед на топка 55%-45%. Може многу да жалат за утката на Матео Ретеги кој доби локум топка од Лукман.

Во првата вечер од 6. коло во Лига на шампиони, Интер за првпат прими гол сезонава и тоа во судиско продолжение кај Баер Леверкузен и изгуби минимално. Реал Мадрид успеа да го преброди Бергамо, а ПСЖ покажа дека уште има што да каже до крајот. Бојан Миовски го пропушти мечот Жирона - Ливерпул поради повреда, а Стефан Ристовски и Аријан Адеми ремизираа со Селтик.

Лидер во Серија А не е повеќе Наполи, ниту Интер, туку Аталанта која 14 меча не знае за пораз и гази со 9 победи по ред. Викендов го совладаа Милан, а претходно Наполи и Рома на гости. Вечерва на Бергамо го пречекуваат Реал Мадрид. Во 5 кола немаат загубено натпревар во ЛШ.

Нема наука која може да го објасни празноглавието на некои фудбалери чиј тим страшно драматично брка гол за поволен резултат, а они во тие моменти прават глупости, се караат, се влечат, се тепаат и просто губат време. Манчестер Јунајтед изгуби дома од Нотингем Форест 2:3 во саботата вечер. Погледнете на што изгуби 20-ина секунди Андре Онана додека бркаа гол.

Рикардо, едно од трите деца на тренерот на Лацио Марко Барони игра за Албинолефе во Серија Ц. И тој не е единствен кој се чуди на неверојатните резултати на неговиот татко кој ги изненади баш сите, па дури и оние кои го избраа.

Едгар Давидс, Џенаро Гатузо, Серхио Рамос, Пепе...Сите овие се нула за Илија Донов од Силекс, кој на играч на Вардар му влезе со две нозе, но ја промаши и топката и нозете. Многу лошо. Малку е црвен за ваква малоумност.

Поранешниот англиски репрезентативец кој најголем дел од кариерата ја мина во Манчестер Јунајтед, од февруари годинава е член на Сеул каде има 26 настапи и 6 асистенции. Новинарот Ли Сунгмо за него рече дека е најголемиот трансфер во историјата на јужнокорејскиот фудбал. Забавно им е.

Љано дел Беал е мало местенце (мало за шпанска демографија) со 1.337 мештани. Се наоѓа кај Картагена, во регионот Мурсија во Шпанија. Во ова место игра мало фудбалско клупче, Депортиво Минера. Ја имаа таа историска среќа, на ждрепката за 3. коло во шпански Куп на Крал да им падне големиот и славен Реал Мадрид. Првпат во историјата ќе играат против „кралевите“ а тоа беше причина да се радува старо, младо, машко и женско.

Левиот бек на европскиот шампион Шпанија и на Челси, Марк Кукуреља синоќа направи два катастрофални кикса во првиот дел откако се лизна во клучни моменти и тогаш Тотенхем искористи два подароци од него и даде два гола. Кукуреља веднаш отиде да ги смени копачките кај клупата за резерви а после мечот објави фотографија како ги фрлил во канта за ѓубре.

Челси игра во неверојатна форма и од екипа за потсмев под водство на младиот италијански тренер Енцо Мареска, сега стана сериозен кандидат за шампионска титула во Премиер лига. Зад лидерот Ливерпул се само -4 бода. Синоќа го совладаа големиот и лут ривал Тотенхем на гости и тоа после негатива од 2-0.

Врвната иновативност од која може да профитираат луѓето со оштетен или целосно загубен вид е на Каљари. Измислиле минијатурен фудбалски терен на кој има плочка, која всушност се движи во реално време со топката на терен. Во раце го имаат цел натпревар. Браво за идејата.

Ако на Камп Ноу на секој натпревар треба да се следат потезите на Ламин Јамал, на Бернабеу не застанува да импресионира човекот кој е 22 години постар од него. Реал Мадрид ја совлада Жирона на гости 0:3, Миовски одигра 58 минути, а конечниот резултат го запечати Килијан Мбапе на асистенција на Лука Модриќ. Обрнете внимание како му ја даде, но прво како го сочека. Пас со мозок.

Со триумфот од 3:0 над Нотингем Форест, Манчестер Сити ја прекина лошата серија од 6 порази и едно реми, ама денес пак не успеа да победи и одигра само 2:2 на гости против Кристал Палас. На социјалните мрежи се појави видео од Гвардиола во кое се гледа како му се сипа на навивач откако овој го испровоцира дека пак загубиле. Наводно случкава е после поразот од Ливерпул.