Кој на туширање заглавил, кој во микс зона, трет на муабет застана со некој. Лионел Скалони ги потсеќа Аргентинците дека на спиење треба да се оди.

Норвешка не жали за елиминацијата во четвртфинале од Англија во 93-та минута. Напротив, слави на големо. Никогаш во историјата не завршила во топ 8 во свет.

Франција живее во златна фудбалска ера во која станаа светски прваци 2018, па вицепрваци 2022, за вечерва од 21 преку Шпанија да бркаат ново финале. Ако оваа е златна, тогаш каква е онаа која освои Светско 1998, па Европско 2000. Младите не треба да гуглаат. На тацна им е сликава. Страшна банда.

Челси лани на овој ден го освои Светското клупско првенство, прво во долга формат со групи за кој и не се крена нешто возбуда. Како да го заборавивме тоа првенство, ама кај можеш него да го заборавиш. И Џани му го кажа да се тргне, а овој остана со нив да слави. Ѕенѕаше во место и ракоплескаше. Не знаеше кај тера.

Репортер го застанува Меси и драгоценото време со најдобриот, место за интервју, го користи да му искаже благодарност и да му даде симболичен подарок за тоа што го прави. Погледнете ја детската насмевка на Лео, кој му возврати со прегратка.

Се стопи Светското. 33 од вкупно 39 дена отидоа. Останаа уште полуфиналињата, финалето и мечот за трето место. Битно забава уште има. Да видиме Рикелме што прави по улици.

Идејата за ново, второ по ред проширување на Светските првенства изгледа не е само муабет за чаршија. Џани Инфантино е сериозен во идејата. Ќе профитира ли Македонија од ова?

Врвните напаѓачи газат на Светското. Кејн има 6 гола, Халанд 7, Мбапе и Меси по 8. Дарко Панчев во свој стил ја објаснува улогата на фудбалерите кои играат на негова позиција.

Јаник Синер го одбрани трофејот на Вимблдон откако во финалето беше подобар од Александар Ѕверев со 3:1 во сетови (6-7, 7-6, 6-3 и 6-4). Со овој триумф, прворангираниот играч на АТП ја потврди својата позиција на врвот и стигна до петтата Гренд слем титула во кариерата. Синер води против Ѕверев 11:4 и стана десетти тенисер кој одбранил Гренд слем турнир.

Дури четворица сериозни кандидати во борба за вредната награда „Златна копачка“ за најдобар стрелец на Мундијал до крајот. Што мислите кој е најблизу?

Големата ѕвезда на Атлетико Мадрид Хулиан Алварез е јунак на гаучосите. Постигна прекрасен гол во продолженија при резултат 1-1 против Швајцарија и го скрши тврдиот отпор на ривалот. Алварез со спектакуларен погодок ги ослободи своите од големиот притисок па после Лаутаро Мартинез само ја потврди победата: Аргентина - Швајцарија 3-1.

Фудбалерите на Англија станаа трет полуфиналист на Мундијалот откако со 2-1 (1-1, 1-1) после 120 минути, после продолженија на стадионот „Хард Рок“ во Мајами ја совладаа Норвешка. Јунак Џуд Белингем.

Актуелниот светски шампион Аргентина тешко се избори за пласман во полуфинале откако после продолженија го скрши отпорот на тврдиот орев Швајцарија која играше повеќе од половина час со играч помалку.

Европскиот шампион Шпанија е втор полуфиналист на Мундијалот, откако по голема борба ја доби Белгија со 2:1. Микел Мерино втор пат по ред е човек на одлука. Против Португалија во 91-ва, овој пат во 88-минута. Сене Ламенс киксна на голот, откако го замени Куртоа кој се повреди. Фабијан Руиз го отвори резултатот во 30-та минута, 11 минути подоцна израмни Де Кетеларе. Полуфиналето Франција - Шпанија се игра во вторник со почеток од 21 часот.

„Целиот притисок е врз Англија, ние може да играме опуштено. Англија е голем фаворит и мислам дека вие новинарите треба да направите уште поголем притисок врз нив пред натпреваро“, ги насмеал Халанд англиските новинари.

Постои веројатност дуелот од четвртфинале меѓу Англија и Норвешка да биде одложен или терминот да му биде поместен поради најавите од метеоролозите за екстремни горештини во Мајами.

Одиме зад камерите на француската фудбалска репрезентација или поточно онаму каде што ретко се снима, а тоа е на ручек. Рајан Черки се наметнува како шеф на кујна, па уште им бара по 25,80 евра од порција.

Очекувано после секој настап на мароканската репрезентација, без разлика дали е на Светско првенство или Куп на африкански нации, членови на мароканската дијаспора во Холандија, Белгија и Франција прават хаос по улиците.

Избраниците на Дидие Дешамп преку Шпанија или Белгија ќе бркаат трето финале на СП по ред. Во 2018-та ја добија Хрватска, во 2022-ра загубија од Аргентина. Се острат за трето финале и нова титула.  Атмосферата им е на врвно ниво.

Франција е многу моќна и опасна репрезентација која ита кон трето мундијалско финале во низа. Напаѓачкото трио уште на тренинг ќе ти го земе паметот, а не па кога судијата ќе означи старт. Погледнете ги што им направија.

Матеј Гаштаров има 19 години. Роден е во Скопје. Првите фудбалски почетоци ги направил во Вардар. Во август 2024-та година овој фудбалер од средниот ред кој игра како последен играч за врска премина во Црвена звезда.

Веднаш по триумфот на Франција 2-0 над Мароко во осминафинале за пласман во четвртфинале, Килијан Мбапе притрча до отвореното студио на германската државна телевизија каде како стручен коментатор на Светското работи големиот Јирген Клоп. Се гушнаа, разменија по некој збор а Јирген и мафна на мајка му на Килијан која била голем навивач на Ливерпул.

Репрезентацијата на Франција е прв патник во полуфинале откако вечерва рутински и без поголеми проблеми го совлада Мароко 2:0 (0:0). Голманот на Мароко Буно му одбрани пенал на Мбапе кој беше направен врз него во 28' минута, но подоцна ѕвездата на Реал Мадрид го матираше мароканскиот ветеран.