Удинезе ја забележа најчудната победа сезонава во Серија А, откако со два гола во длабоко судиско продолжение (90+3’ и 90+7’ минута) го решија Торино. И двата тима се во сигурната зона, а чуди она што го направи стоперот на гостите, 22-годишниот Алесандро Бонџорно кој е на еден жолт картон од суспензија, па сакаше намерно да добие сега со Удинезе за да го пропушти мечот со Венеција следно коло и да биде спремен за градското дерби со Јувентус.

Градските дербија во Италија носат посебен набој и многу тензија. После видеото со насилничкото однесување на редар, се појави ново, овој пат од тензијата на крај меѓу Тео Хернандез и Лаутаро Мартинез. Првиот доби црвен на крај и замина во соблекувална, а вториот ја направи сељачката и отиде да го плукне. Михајловиќ кога го плукна Муту во ЛШ, осум кола го казнија.

Глупо е веќе да кажуваш дека е ветеран и да го прашуваш дали сезонава му е последна бидејќи има 40 години, особено после ваква најава за кам бек. Него ај сега прашајте се дали некој од вас може барем да се задржи вака со нозе неколку секунди? 

Англискиот ФА Куп е најстарото фудбалско натпреварување на светот. Во овој турнир учествуваат стотици тимов од фудбалската пирамида, а први стартуваат оние од најнизок ранг. Со тек на време доаѓаат и големците од Премиер лига и Чемпионшип, ама секоја година има некоја „нагазна мина“ од четврта, петта, шеста лига кој прави сензација.

Во 4. коло од мексиканската Лига МХ, Атлас со 2-1 го совлада Сантос Лагуна и со 10 бода е на второ место на табелата. Пред крајот на првиот дел, голманот Камиљо Варгас дегажира снажно до противничкиот гол. Таму Хулио Фурх со маестрален штоп ја смирува топката која што залетан во гол ја шутира Хаиро Торес. Баш фраерски гол.

Африканскиот Куп на нации се игра 65 години, а селекцијата на Сенегал синоќа го освои за прв пат откако го победи Египет на пенали. Наш човек кој живее во Италија начекал голема група на Сенегалци кои слават за историската титула. Ни прати клип. Во транс се.

Данило Ињатенко има 24 години. Со фудбал се занимава од 2009-та година. Играл во матичниот Металург Запорожје, па после доаѓа во Шахтор Доњецк каде не доби ниту една шанса и го праќаа на позајмици во други клубови.

Српскиот центафор како нов член на Старата дама, се качи на стол после ручек и го избра италијанскиот хит „Una volta ancora“. Ама не покажа некои вокални способности, па среќа другите се уфрлија и ја кренаа атмосферата.

Навивачите често знаат да претераат со изигравање бесни глисти на терен, ама понекогаш и редарите губат памет. На дербито Интер - Милан му се сипаа на навивач и му направија туш како да е Ел Чапо во прашање, а еден од нив му влезе со боксови. Тео Хернандес и Ромањоли тргнаа да ги смират.

Парижаните пукнаа петарда против Лил на гости. Конечниот резултат е 1:5, меѓу стрелците беше и Меси, а ремек делото на мечот го има Мбапе.

Убаво изнедување и голема чест за македонскиот репрезентативец и покрај тоа што го немаше на терен.

Садио Мане ја доби битката против Мохамед Салах во финалето на Африканскиот Куп на Нации. Прва титула во третото финале за Сенегал против рекордерот Египет со седум титули.

Во ситуација кога Реал вечерва го немаше ударното напаѓачко дуо Бензема - Винисиус, за трите бодови против Гранада се погрижи Марко Асенсио со опасен и неодбранлив удар.

Ете толку му требаше на 75 милионското засилување на Јуве кој го одбележа јануарскиот преоден рок со трансферот од Фиорентина. Само неколку дена по промоцијата, го облече дресот на најтрофејниот италијански клуб и со мајсторски лоб го матираше голманот на Верона. 18-ти сезонски погодок за Душан Влаховиќ, исто колку Имобиле со кој се бркаат секое коло.

Борбата за врвот во Серија А допрва ќе станува возбудлива и неизвесна по конечниот исход на миланското дерби. Го нема Ибра, ама има друг ветеран кој со гол шоу направи спектакуларен пресврт. 

Или треба да си многу неинтелигентен за да го направиш ова или многу добро да се офајдиш од спортска, трето нема. Инаку дилетантов е од Мароко.

Навивачите и фудбалерите на Ренџерс ќе треба што поскоро да го заборават дебаклот на Селтик Парк. По заминувањето на тренерот Стивен Џерард во Астон Вила, Ренџерите паднаа во форма а Селтик е во победничка серија и на табелата сега води со 1 бод повеќе. А коментаторот на клупската ТВ на Ренџерс, Том Милер како да пренесуваше од гробишта.

Со 22 чисти одбрани на четири премиерлигашки дуели во јануари од кои блескаше најмногу против Вест Хем и Брентфорд, Де Хеа заслужено ја доби наградата за најдобар играч во Премиер лига за првиот месец во годината. Шпанскиот голман го доби истото признание и во клубот во избор на навивачите што значи дека ја добива трет месец по ред.

По голема и жестока борба на секогаш жешкиот „Сан Мамеш“ во Билбао, домашниот Атлетик со гол во самиот финиш го совлада Реал Мадрид 1:0 и се пласираше во полуфиналето на Кралскиот Куп. На овој начин Баскијците им се омаздија на „кралевите“ за поразот во финалето на Суперкупот пред еден месец во Саудиска Арабија.

Во квалификациите за Светско 2022 Канада е прва во КОНКАКАФ зоната со 4 бода пред САД и Мексико на три кола пред крајот. Канаѓаните синоќа го совладаа Ел Салвадор на гости со 0:2. Мечот го отвори ветеранот од Бешикташ Атиба Хатчисон (38) со најчудниот гол кој паднал сезонава.

Откако Канаѓаните, покрај одличната игра со која се на добар пат да одат на прво Светско првенство после 1986-та, смислија рецепт да ги носат ривалите во градови каде поради минусни температури мачки и глувци спијат заедно, сега истото тоа го направија и Американците.

Можно е само да замислиме каков тактички генијалец е Марсело Бјелса кога величини како Јирген Клоп и Пеп Гвардиола во него покажуваат со прст на новинарски прашања кој е за нив пример за следење од кого научиле многу. Сега Бјелса има збор-два за разликите и сличностите на двајцата најдобри тренери на денешницата.

Во рамки од португалската Примеира Лига, Спортинг Лисабон славеше убедливо 1-4 на гости кај Белененшеш и со 50 освоени бода ја продолжи трката за титулата со Порто кој има 56 бода на првото место. Од сите пет гола најубав беше оној на домаќинот преку капитенот Абел Камара.