Имаме ново видео од незаборавната прослава на Трабзонспор кои по 38 години се радуваат на шампионската титула во Турција. Велат дека во Истанбул на славјето биле меѓу 250.000 и 300.000 навивачи. Врвно.

Селски босански фудбал со фантазија од завршница. Е ова е 9-ка со убиствен инстинкт за гол. Ја искина мрежата.

Едно од најсимпатичните видеа после лудачкиот кам бек на Реал Мадрид против Сити. Зошто си отидовте порано од стадион? Со ќерка ми сум и не сакав да биде тажна. Ама сигурен дека ќе ја свртат.

Прегоре човеков. Дајте му одмор.

Навивачите на Ајнтрахт кои одат на гостувања во бројка, колку Кавадарци што има жители, конечно дочекаа нешто што го заслужуваат со оглед на чопоративната страствена верна поддршка по која се рекордери во Европа.

Вест Хем се соочи со елиминација во полуфиналето од ЛЕ со вкупни 3:1 од Ајнтрахт Франкфурт, а најголемиот срам на мечот го изеде Дејвид Мојс, кој фрустрациите му ги истури на детето што собира топки. Судијата веднаш му го покажа патот кон соблекувалната, a Шкотланѓанецот се извини после мечот.

Се работи за римјанин и навивач на Рома, кој до два наврати им беше тренер. За поврзаноста пак со премиерлигашот и нивните навивачи зарем треба да потсетуваме? Во 138 години клупска историја дочекаа прва титула во Премиер лига под негово водство во 2016-та. Овациите од двете страни Раниери емотивно ги прими.

Рома и Феенорд се први финалисти во новоформираното трето по ранг клупско европско натпреварување. Португалецот е во транс и во солзи и може да стане прв тренер со трофеј во ЛШ, ЛЕ и Конференциска лига.

Легендарниот селектор на Југославија кој почина на 1 мај на 81 годишна возраст, беше тренер на Штурм Грац осум години (1994-2002) во кои им донесе 8 трофеи. Клубот тоа не го заборава и му организираше комеморација на стадион која траеше 81 минута, а ковчегот беше поставен на терен.

Тешко е да се оцени колку вредат ПСЖ и Манчестер Сити и колкава им е моќта во пари, со оглед на тоа што газдите им се арапски милијардери, а Челси е инаку актуелен првак на Европа. Сите овие три екипи, меѓу главните конкуренти за трофејот, ќе се молат догодина да не им падне Реал во ЛШ.

Направија пиротехничко шоу, фрлаа столици, стопираа коли. Цел град беше во транс, општо лудило, а врвната компилација ја има погодете кој? Рено Марко.

Легендарниот напаѓач на Сити изеде нови нервози во ЛШ. Првиот меч го следеше заедно со Балотели, а овој пат со друг соиграч од нападот на Манчестер, а тоа е Карлоз Тевез. Не можеше да и поверува на завршницата.

Јуве пред четири години го платија 40 милиони, а Сити во размена со Данило го направија најскап десен бек. Но на Жоао Кансело името и вредноста нема да му помогнат како да се координира во одбрана. Додека погледне кај се топката и Бензема, отиде возот.

Реал Мадрид приреди драма и пол во реваншот полуфиналето од ЛШ и само што Родриго ги даде двата гола во рок од 90 секунди, вредни продолженија, падобранец со албанско знаме го прекина мечот. 

Да, имаше и такви несреќи кои после голот на Марез си заминаа од стадион, па после се шуткаа надвор како муви без глави. Пак да си одите порано.

Се појави еден статистички податок дека Реал Мадрид во 89-та минута имал 1% шанси да оди понатаму. Како да не одлепат.

Само 90 секунди му требаше на кралскиот клуб да го уништи и деморализира Манчестер Сити кој никако да ја оствари целта наречена Лига на шампиони. Имаа 4:3 од првиот дуел и водство од 0:1 до 90-та минута и пак се елиминирани.

52 годишниот Ерик Тен Хаг кој од 2017-та успешно го води Ајакс, од сезоната 2022/2023 стартува со нов предизвик наречен Манчестер Јунајтед. Навивачите се нестрпливи и веќе почнаа да му пејат.

Кога ќе го пуштите видеото, 100% ќе помислите дека смешката ќе биде во тоа што фудбалерот ќе им падне од носилки. Ама не, друг е штосот.

Не дека треба да ги набројуваме, ама ајде. Карло Анчелоти на вечера со Фернандо Јеро, Роналдо, Луис Фиго и Рафаел Надал. Велат дека ги части за титулата.

Делуваа збунето, конфузно и не можеа никако да се поврзат, а Виљареал ги надигра во првите 45 минути и се избори за 2:0, резултат за продолженија. Ама во второ полувреме се појави друг Ливерпул на терен, кој за 12 минути со три комада ги смачка Шпанците. Со пласманот во финале испишаа нова историја за англискиот фудбал.

Во сенка е на Левандовски и важи за еден од најпотценетите, кој пали и гаси како играч од среден ред, крило, втор напаѓач, најистурен напаѓач. Универзален фудбалер кој повеќе од заслужено го има статусот на клупска легенда.

Додека во Европа привршува ЛШ, во Јужна Америка се игра групната фаза од Копа Либертадорес. Палмеирас има 4 од 4 во А групата, а синоќа му пукна петарда на гости на Индепендиенте Петролеро од Боливија. Бразилезот Рафаел Веига постигна хет-трик, а на еден од головите гледач беше и голманот.

Шпанско англиската пресметка донесе супер интересно и возбудливо полуфинале во реваншот од ЛШ. По едно полувреме им припадна и на двете екипи. Виљареал запна, целосно го надигра фаворитот и се избори за 2:0 на полувреме, но реакцијата на момците на Клоп во вториот дел беше жестока со 3 гола за 12 минути.