Во морето фудбалски натпревари ширум Европа каде среде недела се играат домашни Купови, Брага и Виторија во Португалија одиграа спектакуларен дуел. Гостите водеа 0-2 до 80-та минута кога почна рапсодијата на домашните. Во рок од пет минути им дадоа три гола од кои оној за израмнување на Витиња беше лудачки.

Фудбалерите на Милан испаднаа од Копа Италија откако синоќа Торино со играч помалку од 69-та минута најпрвин го сочува својот гол до крајот, се избори за продолженија, а таму во 114’ минута му го зададе конечниот удар на шампионот. Милан залудно имаше 34 обиди од кои 8 во рамки на голот на Вања Милинковиќ-Савиќ кој бранеше одлично. Стрелец на победничкиот гол за пласман во четвртфинале на Торино беше Ндари Адопо.

Фудбалерите на Саутемптон за 6 минути со два комада го суредија англискиот шампион во Карабао Купот. Репрезентативецот на Мали, Муса Џенепо во џеп го стави голманот Стефан Ортега. Гвардиола за прв пат во кариера е елиминиран во четвртфинале на домашен куп.

Ница го декласираше Монпеље со 6:1, а еден од стрелците беше Енди Делор, кој не изнасмеа од сабајле со потегов. Не веруваме дека некој друг фудбалер успеал вака да си ја намести. Ова е уникатно ремек дело.

Шоуто на светскиот шампион почна уште на првиот меч на ПСЖ после кам бекот од Аргентина или поточно уште пред да почне. Навивач од трибина сними клип со Меси на загревање, кој никогаш нема да го избрише од мобилен. Потоа следуваше дриблинг, како и мајсториска акција и гол со рутинска завршница.

Толку му треба на светскиот првак, само што се врати им покажа како се игра фудбал. ПСЖ го совлада Анже со 2:0 во 18. коло од Лига 1, а Меси го постигна вториот гол преку акција и финиш, како фудбалот да е најлесната работа на светот. 8 погодоци и 10 асистенции сезонава за Лео во првенство.

На 6 август 2006-та Саутемптон се среќава со Дерби во меч од Чампионшип лигата, а слободен удар му доверуваат да изведе на 17 годишно дете од Велс по име Герет Бејл. Веројатно не постои фудбалер на кој му излегол од меморија дебитантскиот гол во сениорската кариера. Бејл на него сигурно бил посебно среќен.

Факт е дека теренот не беше од негова, ама и тој самиот на крај се доупропасти.

На 31-ви октомври 1990-та година во храмот на фудбалот „Сан Сиро“ во Милано, се собраа најголемите светски ѕвезди кои играа ревијален меч на јубилејниот 50-ти роденден на големиот Пеле. Играше репрезентацијата на Бразил против великаните Марко ван Бастен, Христо Стоичков, Енцо Франческоли, Георге Хаџи, Оскар Ругери, Рене Игита и многу други. Пеле чудесен и на 50 години.

Њукасл го совлада Лестер 2:0 во Карабао Купот, а хит број 1 видео од мечот е залетот на Бруно кој собори двајца на терен од кои едниот беше судијата. Како на кечери им влезе.

На 28 јануари Џиџи полни 45 и ја игра, внимавајте добро на бројкава, 28-та сезона во кариерата. Од 1995-та е активен кога Мбапе и Халанд не беа ни родени. Погледнете што му одбрани на Џеко во 91-ва минута во осминафиналето на Купот на Италија.

Интер и Парма одиграа супер интересно осминафинале во Купот на Италија кој го реши дефанзивецот Франческо Ачерби со невообичаен гол со глава. Гостите отворија со голчиштето на Хрватот Станко Јуриќ во првиот дел, а мечот во продолженија го однесе Лаутаро Мартинез дури во 88-ма минута.

Чиро Имобиле му прави изненадување на девојче кое според реакцијата, сигурно повеќе би избрала средба со него отколку да ги има најубавите 100 барбики на светот. Девојчето се блокираше и почна срце да и лупа од возбуда. Каков момент.

Го најавуваат како најплатен спортист на планетата за кој италијански клуб нудел за тоа време, огромни 3 милиони долари. Гостувањето му е во шоуто на Џони Карсон, две години пред да потпише за Њујорк Космос. Пеле кубури со англискиот, ама затоа повеќе ќе се снајде со топката.

На мечот меѓу Виетнам и Индонезија кој домашните го добија 2:0 во рамки од азискиот шампионат, фудбалерот на Индонезијците, натурализираниот Холанѓанец Марк Клок изглуми за награда глума на годината. Од оваа глума произлезе и гужва која за малку ќе отидеше во отворен хаос. А судијата препозна глума па не досуди никаков фаул.

Португалецот ќе го златат со злато во Ријад. За двегодишен договор треба да земе „камиони полни пари“. Веќе се навикнува на тамошните тренинзи во новиот клуб за кој наскоро треба да дебитира, а навивачите веќе смислиле како да го бодрат.

Во ноември 2010-та силниот Интер, само неколку месеци откако со Мурињо ја освои историската триплета, доаѓа на стариот добар „Вајт Харт Лејн“ во Лондон. Во дуел од Лига на шампиони. За Интер уште играа нашиот Пандев, Ето, Снајдер, Киву, Занети, Лусио и други ѕвезди. Но на овој меч се прослави еден млад фудбалер на Тотенхем.

Се работи за меч од групната фаза во ЛШ пред 13 години, на кој Пандев играше за Интер, а Модриќ за Тотенхем. Се појавува млад, надежен, екстра брз и експлозивен бек кој после овој настап станува напаѓачко откритие за кое Реал три години подоцна ќе плати 100 милиони евра.

На 31-ви декември, Депортиво Ла Коруња, некогашниот шампион на Шпанија кој палеше и гасеше по Европа, објави за трансфер на Лукас Перез. Центарфорот потпишал шест месечен договор до крајот од сезоната.

По само 13 натпревари и 3 гола за Лос Анџелес во МЛС каде ја освои титулата, Герет Бејл неочекувано стави крај на кариерата на 33 години. Ја стартуваше во Саутемптон (2005-2007), почна да гази во Тотенхем (2007-2013) и потоа блесна во Реал Мадрид каде направи 100 милионски трансфер.

Со победите во 91-ва против Салернитана и во 86-та против Удинезе, Јувентус успеа да ја задржи одличната серија и оваа година и да стаса до втората позиција на -7 до Наполи. Интересна ситуација беше забележана во судиското продожение на мечот против Удинезе. Алегри урлаше по играчот со број 30, а тоа е 19 годишниот Матијас Суле и му гестикулираше покажувајќи му накај корнер знамето. Дури успеа и жолт да заработи.

Неверојатно но вистинито. Во реонот Пуља, во група Б од тамошната петта италијанска лига, на провинциско дерби меѓу Ноичатаро и Кастелана во неделата, шпицот на гостите Рикардо Сабатели во 18’ минута шутираше далеку покрај голот но судијата Романо од Лече го признал. Цели осум минути домашните протестирале. Овој гол на кра јбил победнички за гостите.

Англискиот шампион во рок од четири дена, два пати го совлада Челси. Прво 0:1 во Премиер лига, па 4:0 во ФА Куп. Сините не знаат кај тераат сезонава. Елиминирани се од ФА Куп и од Карабао Куп и плус во првенство се 10-ти на табела со само 7 победи по 17 кола. Погледне како момците на Пеп си ги играа синоќа при третиот гол.

На Синиша му се врати леукемијата и замина на 16 декември на 53 години, а на Џанлука ракот и почина на 6 јануари на 58 години. Нивниот поранешен клуб Сампдорија ги стави нивните имиња на дресовите на мечот против Наполи. Станковиќ се појави на терен со синовите на Михајловиќ.