Сезонава младиот Карлес Алења тренира со првиот тим на Барселона а дебитираше на мечот со Бетис на кој Каталонците неочекувано доживеаа дебакл (2:4) на „Камп Ноу“. Карлес тогаш ги одигра последните 21 минута.
Синоќа, во триумфот на Барса против Виљареал од 2:0, Алења исто доби 20 минути (влезе место Артуро Видал), но ги искористи максимално добро - го даде првиот гол во Ла Лига и тоа во 87 минута:
Пред две години, на 30 октомври 2016 Алења во меч од Копа дел Реј против Хераклес постигнал гол.
За Алења велат дека е наследник на големите мајстори кои потекнуваат од Ла Масија. Уште пред две години Алења кој е роден во каталонското градче Матаро бил еден од лидерите во тимот на Барселона Б. Минатото лето заработил непријатна повреда но сезонава тренерот Валверде го гледа со првиот тим и веќе му дава повеќе шанса.
Алења одигра добро и се очекува и во среда да добие шанса во Копа дел Реј.
„Сè е полесно со Меси, само тој може да види такво додавање. Ја дава топката каде што сака и излегуваш еден на еден. Многу сум среќен што дадов гол на Камп Ноу. Ми се оствари сонот. Добро работиме и му создаваме главоболка на тренерот да го одбере тимот. Знам дека работам добро и сега мора да ги искористам шансите кои доаѓаат“, изјавил после мечот 20-годишниот Карлес Алења.
Интересно, на Алења синоќа за голот му асистираше Меси, неговиот идол од детството па до ден-денешен.
Карлес целиот живот сонувал да игра со Меси. Но да се оствари оваа негова животна желба не било баш едноставно. Тој во клубот дошол во 2005 година кога имал само 7 години.
Таа сезона Лионел беше прекомандуван во првиот тим после дебито во 2004-та.
Карлес Алења ја поминал целата своја кариера во академијата Ла Масија паралелно со маестралните партии на Меси во првиот тим. Интересно е што Меси го постигна првиот гол за Барселона на асистенција на Роналдињо, неговиот идол а сега Алења се израдува на гол на додавање на својот омилен фудбалер.
Important 3 points 💪💪💪💪 Congratulations @3gerardpique, you remembered defenders can score 🤣🤣🤣 and #CarlesAleña for your first league goal pic.twitter.com/P2NAYpjobO
— Luis Suarez (@LuisSuarez9) December 2, 2018
Дел од неговиот раскошен талент:
