По четири натпревари без победа од кои еден пораз во Куп и три нерешени во првенство, Манчестер Јунајтед славенички ја почна новата 2018-та освојувајќи 3 бода на гости против Евертон.
Црвените ѓаволи славеа 0:2 со головите на Марсијал и Лингард, но за играч на мечот беше прогласен Пол Погба. Французинот доби поголема слобода во играта, беше срцето во средниот ред и ги намести двата гола.
Оваа сезона тимот од Олд Трафорд дефинитивно има друг Погба за разлика од лани. Тогаш имаше 4 асистенции на 30 меча, а сега има 7 на само 12 средби, што е неспоредливо и плус има уште многу да се игра до крај.
Погба во просек мести гол на секои 149 минути во Премиер лигата, што е рекорд оваа сезона во конкуренција на играчите кои имаат по минимум една асистенција. Синоќа на Гудисон Парк имаше комплетирано 51 од 61 додавање и 81 допири со топка.
Оваа сезона велат дека постои Манчестер Јунајтед со Пол Погба и Манчестер Јунајтед без Пол Погба. Еве зошто:
Поминаа 435 дена откако Пол Погба загубил натпревар во Премиер лигата (23-ти октомври 2016-та против Челси). Од тогаш на 34 средби има скор од 21 победа и 13 нерешени, а Манчестер Јунајтед без него има 5 порази.
435 - It's now 435 days since Paul Pogba last ended on the losing team in a Premier League game (October 23rd 2016 v Chelsea). Since then he's played in 34 games (W21 D13 L0), while Man Utd have lost five games without him in this period. Talisman. pic.twitter.com/PS8DL3s326
— OptaJoe (@OptaJoe) January 1, 2018.
Погба во својот поранешен клуб направи кам бек на 8 август 2016-та откако потпиша 5 годишен договор за сума од 105 милиони евра со што го сруши рекордниот трансфер на Герет Бејл. Мино Рајола од тој трансфер ќари 27 милиони.
На Гудисон Парк беше расположен и за трикови
А усреќи и едно од децата кое собира топки
На 13 март оваа година ќе се видат со наш Јане.
