Турска лакрдија на две средби, исходот е раскрварен нос и повредена глава

Навивачите на Фенербахче и Сиваспор синоќа беа ужасни домаќини на меѓународна сцена. Настрадаа Марко Дмитровиќ од Севиља (пак) и Алесандро Бјанко од Фиорентина.

Фенербахче ја совлада Севиља 1:0 во осминафиналето од Лига Европа, ама не оди понатаму поради поразот во Шпанија од 2:0.

Само што помина инцидентот во Холандија минатото коло, каде беше нападнат од навивач на ПСВ, српскиот голман Марко Дмитровиќ пак се соочи со навивачка агресија.

Овој пат од навивач на Фенербахче кој го погоди со предмет во глава.

Fenerbahce fans threw lighters at Sevilla's Marko Dmitrovic.

Don't know how he seems to get this crap every round.pic.twitter.com/AwGJFuFXtB
— Sam Street (@samstreetwrites) March 16, 2023

Судијата го прекина мечот на неколку минути, а на Дмитровиќ му залепија фластер.

Другиот инцидент се случи на средбата меѓу Сиваспор и Фиорентина. Двајца навивачи очигледно фрустрирани од поразот дома од 1:4 и елиминација во Конференциска лига, се симнаа на терен.

Ни крив ни должен во 89-та минута бокс во нос доби 20 годишниот Алесандро Бјанко.