Ропак на денот

Укусот на сељачко однесување на синоќешното деби на Македонија на ЕП го остави Марко Арнаутовиќ кој по третиот гол се истакна со ароганција скроз непотребна, особено на решен меч.

32 годишниот австриски напаѓач постигна гол за 3:1 во 89-та минута и со серија гестикулации и пцовки му се нафрли на Алиоски.

Нејасно е од каде овој бес на Арнаутовиќ, со оглед на тоа што на неговото дрско однесување не му претходеше никаков инцидент. Некои англиски медиуми пишуваат дека се работи за нерасчистени сметки од сезоната кога играа со Џани во Чемпиошип, додека Марко беше играч на Стоук.

Арнаутовиќ не престана со пцуење, а не можеа да го смират ниту колегите. На помош влета и капитенот Алаба кој се обиде да му ја затне муцката.