Освоено Светско првенство со Италија, за малку ќе освоеше скудето со Рома, доби Златна копачка како најдобар стрелец во Европа и постигна преку 300 голови во кариерата, но Лука Тони има малку што заедничко со Франческо Тоти, особено не авантуристичкиот дух. Според анализата на ЦИЕС Фудбалската Опсерваторија, едниот е најверен играч во Европа а другиот најмногу пропатувал.
Франческо Тоти, кој 24. сезона по ред го носи дресот на Рома е фудбалер кој останал најдолго во клубот за кој дебитирал. На 28. март 1993. година српскиот тренер Вујадин Бошков му даде некоја минута на малиот Франческо на мечот Бреша - Рома. Тогаш малку кој верувал дека тоа момче од 17 години ќе ја испише историјата на клбуот рушејќи ги сите рекорди.
24 години страст, верност и апсолутна посветеност поради кои им кажа не на многу клубови од Европа. Приказната со Тони е поразлична од оваа на Тоти.
Почна во Модена и смени 15 дреса (Модена, Емполи, Фиоренцуола, Лодиџани, Тревизо, Виченца, Бреша, Палермо, Фиорентина, Баерн Минхен, Рома, Џенова, Јувентус, Ал Наср, Верона) во 22 години кариера. Тој е фудбалерот што најмногу патувал низ Европа.
Две различни кариери одбележани со храбри одлуки, но секогаш опкружени со поддршка од навивачите. Тони уште собира аплаузи а Тоти на скоро 40 години го стана цел Бернабеу на нозе да му аплаудира.
Во Топ 5 лигите во Европа има 29 најверни фудбалери. Оние кои од почетокот на кариерата досега никогаш не го смениле дресот. Во Ла Лига во Шпанија има 14 вакви играчи, а најмногу доаѓаат од Атлетик Билбао (Итураспе, Гурпеги и Сусаета), тројца од Барселона (Меси, Иниеста и Бускетц), тројца од Реал Сосиедад (Мартинез, Гонзалес, Прието), двајца од Спортинг Хихон (Лора е Касес), еден од Виљареал (Бруно Соријано) и еден од Лас Палмас (Висенте Гомез).
Во Лига 1 има 6 фудбалери кои не мрднале од првиот клуб (Каузак, Гоналон, Журдрен, Саихи, Данзе и Перин), додека во Бундес лигата има четворица верни фудбалери (Бадштубер, Баргфреде, Шмелцер и Ховедес). Куриозитет е што сите играат во најголемите германски клубови. Во Италија и Англија има пет најверни фудбалери: Во Премиер тоа се Енди Кинг од Лестер и Тони Хиберт од Евертон, а во Серија А покрај Тоти се Даниеле Де Роси и Џанпаоло Белини кој не го напушти бродот на Аталанта дури ниту во Серија Б.
Што се однесува до оние авантуристите, листата брои 13 „Италијанци“, 6 од шпанската лига, 5 од англиската, 2 од француската и 2 од германската.
Зад лидерот Лука Тони е Маурицио Пиниља кој смени 14 клубови за 14 години кариера напаѓач. Во Италија Чилеанецот меѓудругото играше во Киево, Гросето, Палермо, Каљари, Џенова, Аталанта, како и Интер чиј дрес не го облече иако официјално беше нивен играч.
На третото место на подиумот со играчи кои смениле најмногу екипи е Квеси Апија, напаѓачот на Кристал Палас: 25 години, 8 години професионална кариера и веќе 13 сменети клубови. 12 сменил Хави Гуера од Рајо Ваљекано, а во Италија толку клуба смениле Алесандро Диаманти, Ервин Зукановиќ и Марко Бориело. Во Англија, младиот Андрос Таузенд, играчот на Њукасл досега сменил 11 екипи а има само 24 години.
