Почина Јохан Кројф

Кројф се смета за еден од најдобрите фудбалери и тренери во историјата на овој спорт. Ја водеше Холандија во ’70-те години и се смета за основач на тоталниот фудбал кој го практикуваше во Ајакс и Барселона, места каде што освои девет лигашки титули и три пати ја освои Златната топка.

 

Тој исто така се смета за тренер кој на фудбалот му донел многу исклучителни нешта. Со Барселона освои четири титули по ред како тренер.

Минатиот месец, поранешната ѕвезда на Ајакс, Барселона и Холандија и покрај тоа што се соочи со тешка болест, сепак не го загуби ведриот дух и изјави:

Кројф, кој беше страствен пушач сè до операцијата на срцето во 1991-ва, лани во октомври објави дека има рак на белите дробови.

Во својата кариера играше и во финалето на Светското првенство во 1974. година со Холандија. Од 1971 до 1973 година освои три европски титули во Европа со Ајакс како играч и беше водечки фудбалер на лалињата со кои загуби од Западна Германија во финалето на СП.

 

Покрај Купот на шампиони, со Копјаниците од Амстердам Кројф 8 пати го освоил холандското првенство, еднаш Интертото Купот, пет пати холандскиот куп, еднаш европскиот Супер Куп и еднаш Интерконтиненталниот Куп.

По Мундијалот и поразот од Западна Германија во финалето замина во Барселона за светски рекорден трансфер од 6 милиони холандски гулдени (2 милиони долари). Во главниот град на Каталонија брзо станал миленик на навивачите и како играч со Барса освои титула во првенството и во Купот.

Како тренер на Ајакс два пати го освои холандскиот куп и еднаш УЕФА Купот на Куп победници. Најславните денови од тренерската кариера ги доживеа во Барселона. Со Каталонците освои: 4 титули во Ла Лига, еден Копа дел Реј, три Супер Купа на Шпанија, еден Европски Куп и еден Европски Супер Куп. Во сезоната 93/94 загуби во финалето од Милан.

Франц Бекенбауер изјави дека е шокиран со веста за смртта на Кројф кој му бил како брат:

Жал и сочувство изрази и Гари Линекер:

Руд ван Нистелрој:

 

Неговите најдобри и поучни цитати од кариерата тука.