Правата вест вчера не беше дека Дестро му кажа „да“ на Милан, туку дека конечно преминува од еден клуб во друг како „целосен“ играч, а не половичен, затоа што досега секогаш припаѓаше на два клуба. Формулата 50-50% подразбира еден фудбалер да има договор со два клуба, кои меѓусебно би се договориле за која екипа да игра.
Првото искуство со договор пола-пола, Матиа Дестро го имаше во јули 2010. година. Дестро беше дел од младинската генерација на Интер предводена од Оби, Сантон и Калдирола. Со младинците на миланскиот клуб освои сè што можеше и беше најдобар стрелец на екипата, но кога требаше да заигра за првиот тим, се јави Џенова која купи половина од неговиот договор со Интер.
Како Ранокија во Милано, така и Дестро во целост стана играч на Џенова во јануари 2010. година. Сепак тоа не траеше долго, затоа што во јули 2011. година, Сиена купи половина од договорот на Дестро со Џенова. Токму во Тоскана, во дресот на Сиена Дестро одигра одлична сезона и даде 12 голови во првенството, со што ја заинтересира Рома за неговите услуги.
Францускиот тренер на Рома, Руди Гарсија тешко наоѓаше место за него во нападот покрај Тоти, Жервињо, Итурбе и Љаиќ, по што „волчицата“ реши да ја прифати понудата на Милан.
„Дали сум целиот свој овде“?, се насмеа Дестро синоќа на презентацијата во Милано, каде речиси сигурно ќе има повеќе простор за игра од Рома.
