Новески се прости од Мајнц на величествен начин

Битолчанецот кој долги години го носеше дресот на македонската фудбалска репрезентација доби неверојатна чест во својот втор дом - Мајнц каде за последен пат го носеше дресот на омилениот клуб. Среќно понатаму Николче.

Легендарниот македонски фудбалер се прости од фудбалот на ревијален меч во Мајнц пред полни трибини каде тренери беа Јирген Клоп и Томас Тухел.

На „Опел Арената“ во Мајнц синоќа дојдоа повеќе од 10.000 навивачи кои на прекрасен начин се поздравија со човекот кој цели 11 години го носеше нивниот дрес. Ревијалниот дуел меѓу тимот на Мајнц и тимот на Новески заврши 8-5 за првите кои ги предводеше харизматичниот тренер на Ливерпул, Јирген Клоп.

Стоперот е роден во Битола на 28. април 1979 година. Како анонимен фудбалер го напушти битолски Пелистер и тргна на пат за Германија каде самостојно ја градеше кариерата. Новески веќе подолго време редовно тренира во Битола и се одржува во форма а во август беше дел од голем хуманитарен натпревар којшто го организираше Дирк Новицки во Германија.

 

3 септември 2017 - 11:13

Штета ако сте пропуштиле

Од Африканецот

Република Билобил

Итно да ѝ се препише чучавец

Проверка да, државен не