Нов топлес напад на ЕУРО 2012

Организаторите на Европското првенство немаат раат од топлес активистките од организацијата „Фемен" кои по трет пат го нападнаа пехарот кој им се врачува на победниците.

По нападите во Киев и Дњепропетровск, топлес активистка од организацијата „Фемен" вчера го нападна трофејот и во градот Лвив.

Како и на претходните напади, девојката на своето тело имаше напишано "FUCK EURO" и се обиде да го бутне пехарот, но обезбедувањето сега реагираше побргу од неа.

Организацијата „Фемен" протестира против Европското првенство кое ќе се одржи во Полска и Украина затоа што според нив првенството ќе придонесе за зголемување на проституцијата во нивната земја.

25 мај 2012 - 13:34