Њуелс Олд Бојс објави видео од првото интервју на Меси како мал

Првите чекори во фудбалот магичниот Аргентинец ги направил во родниот клуб Њуелс Олд Бојс. Дошол во овој клуб на шест години и постигнал 234 гола на 176 меча во младинските категории. Во 2000-та Барселона го приметила 13-годишниот Лео и на совет на ловец на таленти го повикала во Каталонија. Другото е историја.

Неодамна на Твитер профилот на Њуелс Олд Бојс се појави ретко, досега необјавено видео од првото интервју на Меси после еден натпревар. Стварно уникатни кадри.

Го прашуваат дали е свесен дека го избрале за играч на натпреварот, тој вика: „Не“. 

„Може ли да ни раскажеш за твоите голови пред камера?“
- Топката тргна од Федерико Росо, Григини му ја даде на Лукас, а Лукас ми ја подаде и дадов гол“.

„На кого му го посветуваш вториот гол“?
-Ќе го посветам на татко ми, на чичко ми, на целата фамилија и на сите луѓе кои ме знаат“, вели симпатичниот Лео.

ШТО СЕ СЛУЧИЛО СО СОИГРАЧИТЕ НА МЕСИ ОД ДЕТСТВОТО ВО ЊУЕЛС ОЛД БОЈС?

Њуелс во продолжение на интервјуто, открива и што биднало со соиграчите кои Меси ги споменува во своето прво дадено интервју.

Федерико Росо кратко играл во италијанска Бреша пред да се врати во Аргентина. Сега во моментов игра за Club Agropecuario во аргентинската Насионал Б лига. Лукас кого Меси го спомнува во видеото, е Лукас Скаља, братучед на Антонела Рокуца, жената на Меси.

Интересно, Лионел ја запознал Антонела токму кога бил на гости дома кај Лукас. Скаља играл за првиот тим на Њуелс па после во Америка и Европа (Грција и Хрватска)

11 ноември 2021 - 16:03

Штета ако сте пропуштиле

Леви-Строс каков што (не) го познаваме

Боросани

Во црно-белиот свет, ние сме белите

Есма и песната Реџепова