Од љубов, а не од пари е мотото на Јонас Ериксон, судијата кој вечерва ќе го суди дуелот од плејофот за ЛШ, Наполи – Атлетик Билбао.
Судиската кариера ја започнал во 1994. година, кога додека судел и работел друго. Во 2002. станува интернационален судија за ФИФА. Минатата година го судеше Супер куп натпреварот меѓу Баерн Минхен и Челси.
По Мундијалот во Ј. Африка, каде како прв судија го судеше мечот Англија - Словенија, Ериксон летово на СП во Бразил ја делеше правдата на дуелите Бразил – Камерун и Аргентина – Швајцарија.
За разлика од неговите колеги судии, Ериксон не зависи од судиските примања, така што наследството од 10 милиони евра кое го има, му дозволува да суди без тензија и притисок дека може да биде казнет.
Пред некоја година, заедно со неколку пријатели, Ериксон влегол во проектот насловен Иек ин Спорт од една старт – ап компанија во развој, основана во 1993. година во Шведска.
Компанијата се занимавала со купување и продажба на телевизиски права од спортски манифестации.
За само неколку години Иек ин Спорт станала фирма број еден за преноси на најголемите спортски настани, како што се европски и светски првенства во фудбал, кошарка и ракомет и Олимписки игри
Во 2007. година, гигантот Лагардере ја купува компанијата, при што Јонас Ериксон добива 15% од акциите, односно 10 милиони евра. Сума за која еден професионален судија треба да работи три живота.
„Парите не ме прават среќен и не сменија ништо во мојот живот. Најубавата работа која што најмногу ја сакам е арбитражата на фудбалските мечеви и тоа сакам да го правам и понатаму“ – вели Ериксон за сајтот на УЕФА.
Сомнежите за наместен натпревар кој го суди Ериксон, тешко дека ќе може да се префрлат кај него. Оправданието лежи во неговата банкарската сметка.
