Иако лидерот е многу далеку и се вика Сер Алекс Фергусон кој во периодот од 1974-та до 2013-та седеше на клупата на точно 2.131 меч, сепак вреди да се одбележи утрешниот јубилеј на Карло Анчелоти кој изјави:
„Навистина сум среќен што утре ќе стигнам до 1.000-от натпревар како тренер во мојата кариера. Сега сум подготвен за нови 1.000“.
Па и да останеше на првите 1.000 и да речеше доста е, имам 57 години и сакам да уживам и да не работам повеќе, немаше да има право никој да му замери. Карлето за 22 години стигна до 17 трофеи: 8 со Милан, 3 со Челси, 1 со ПСЖ, 4 со Реал Мадрид и 1 со Баерн Минхен. Тој заедно со Боб Пеисли (Ливерпул) се единствени тренери со три освоени титули во Лига на шампиони.
Неговиот скор како тренер вели вака: 999 меча – 590 победи, 228 нерешени, 181 загубени. По клубови:
Реџана (1995 – 1996) 41 меча – 17 победи, 14 нерешени, 10 порази.
Парма (1996 - 1998) 87 меча – 43 победи, 22 нерешени, 22 порази.
Јувентус (1998 – 2001) 114 меча – 63 победи, 33 нерешени, 18 порази.
Милан (2001 – 2009) 420 меча – 238 победи, 101 нерешена, 81 пораз.
Челси (2009 – 2011) 109 меча – 67 победи, 20 нерешени, 22 порази.
ПСЖ (2011 – 2013) 77 меча – 49 победи, 19 нерешени, 9 порази.
Реал Мадрид (2013 – 2015) 119 меча – 89 победи, 14 нерешени, 16 порази.
Баерн Минхен (2016 - ) 32 меча – 24 победи, 5 нерешени, 3 порази.
НАЈВИСОКИ ПОБЕДИ:
Реал Мадрид – Гранада 9:1 (5 април, 2015) Ла Лига
Челси – Виган 8:0 (9 мај, 2010) Премиер лига
Челси – Стоук 7:0 (25 април, 2010) Премиер лига
Челси – Ипсвич 7:0 (9 јануари, 2011) ФА Куп
Депортиво – Реал Мадрид 2:8 (20 септември, 2014) Ла Лига
НАЈВИСОКИ ПОРАЗИ:
Лацио – Милан 4:0 (11 февруари, 2004) Куп на Италија
Селта – Јувентус 4:0 (9 март, 2000) Куп на УЕФА
Атлетико – Реал Мадрид 4:0 (7 февруари, 2015) Ла Лига
Борусија Дортмунд – Милан 4:0 (4 април, 2002) Куп на УЕФА
Депортиво – Милан 4:0 (6 април, 2004) Лига на шампиони
