Ханси Флик ја одбрани титулата со Барселона која му носи за сега 100% учинок 2/2 во Ла Лига. Тоа успех кој практично го прави втор пат во кариерата. Првиот пат со Баерн сезоните 2019/2020 и 2020/2021.
Тогаш стигна и до Куп, Супер Куп, ЛШ, Супер Куп на УЕФА и Светско клупско првенство, сите во деби сезоната 2019/2020.
Но трофејот на Барселона донесе и други интересни лични успеси. Жоао Кансело стана прв играч во историјата на европскиот фудбал кој успеал да освои четири од петте најсилни европски лиги.
Низата ја почна со Јувентус 2018/2019, па ја продолжи со Манчестер Сити три пати 2020/2021, 2021/2022, 2022/2023, па со Баерн 2022/2023 и сега со Барселона.
Има титула и со Бенфика 2013/2024, која не спаѓа во топ лигите во Европа. Но успехот му е уникатен бидејќи е еднствен.
Во три од петте лиги, има повеќе фудбалери кои освојувале титули, а тоа се Кристијано Роналдо, Златан Ибрахимовиќ, Дејвид Бекам, Арјен Робен, Кингсли Коман, Артуро Видал, Максвел, Тиаго Алкантара.
Како тренер, единствен кој успеал да слави во сите 5 е Карло Анчелоти. Италијанскиот стратег се радуваше со Милан, Челси, Баерн, ПСЖ и Реал.
Ако на квиз на некој му се падне прашање кој има повеќе титули во Ла Лига, Јамал или Роналдо, може многу лесно да клизне.
Звучи неверојатно, но вистинито. Јамал на 18 години има три комада: 2022/2023, 2024/2025 и 2025/2026, а Роналдо само две 2011/2012 и 2016/2017 во 9 сезони на Бернабеу.
Lamine Yamal wins his third LALIGA title, surpassing Cristiano Ronaldo, who won two league titles during his time at Real Madrid 🏆🏆🏆 He's only 18 years old 🤯
— ESPN FC (@espnfc-m.bsky.social) May 10, 2026 at 10:59 PM
[image or embed]
