Игра за Реал, зема 350.000 евра неделно и со сила ја славеше титулата

На Герет Бејл дефинитивно му дише главата. Колку и да е гневен кон некој или нешто во клубот за што прашање е и дали има право, ако е вистински професионалец ќе го одработи договорот до крај како што е редот, а не да се однесува како Балотели да му е брат.

Додека Кралевите ја слават шампионската титула број 34, нема сведок на овие фотографии и видеа кој не се зачуди и не му фати сеир на Герет Бејл.

Велшанецот во 2013-та го направи трансферот за кој сонува секој фудбалер. Од Тотенхем замина во Реал за 100 милиони евра, освои 13 трофеи, се стекна со богатство и слава и пак не е среќен и задоволен.

На мечот против Алавес го уловија како ја става маската над очи за да дремне додека неговите колеги се потат во борбата за титулата.

И како да не е свесен дека го гледаат и сликаат, во следното коло против Гранада зема со реквизити од клупата за резерви двоглед да си прави и ич уво не го боли за мечот.

И на трет меч во низа, синоќа против Виљареал беше врвот. Изгледаше како воопшто да не го допира тоа што тимот во кој веќе седма сезона му дава астрономска плата, слави титула.

Бејл сезонава беше стартер во Ла Лига само 12 пати, а на последните 10 меча за Реал по паузата доби само две шанси од клупа. Веројатно на тој начин го искажува револтот, со максимално непочитување кон клубот.

Неговиот договор истекува во 2022-ра, а шпанските медиуми пишуваат дека со ова недолично однесување сака само да го испровоцира Флорентино Перез предвреме да се ослободи од него за што би требало да добие обештетување во износ од две плати.

Иронијата е поголема, затоа што Бејл е најплатен фудбалер на Реал со годишна плата од 17 милиони евра годишно.

Инаку со проблематични однесувања на Бејл, Кралевите почнаа да си имаат работа уште од минатото лето, а се започна кога скокнал претсезонски натпревар за да оди да игра голф. Весникот Марка без размислување го спружи на насловна, а навивачите почнаа да го свират.

17 јули 2020 - 11:40

Штета ако сте пропуштиле

Недраг ми е Фокс ама негово цензурирање ми е уште понедраго

Ѕвездената прашина на старото Скопје

Коста Рурки и Мики Бургов

Каква идеја!