Гибралтар има повеќе бодови од Германија, Англија и Хрватска

Селекцијата која се радува на победа како да ја освоила Светско, успеа да стигне и до втората победа во својата историја на официјални натпревари и тоа втора по ред, а Светскиот првак од пред 4 години не може да победи. Што ти е фудбал.

До 11 октомври Гибралтар на квалификациски средби имаше скор од 0 победи, 0 нерешени и 22 порази. На 16 октомври има 2 победи, 0 нерешени и 22 порази. Со оглед на нивното фудбалско педигре тоа е голем исчекор кој синоќа го славеа како млади деца.

По сензационалниот триумф против Ерменија на гости за што коефициент беше до 35, најмалата членка на УЕФА го изненади и Лихтенштајн и тоа со пресврт.

Гостите имаа водство од 15-та минута со голот на Салановиќ, но во вториот дел Гибралтарците имаа полувреме од соништата и за само 5 минути го свртеа мечот. Кабрера во 61-ва минута за 1:1, а потоа Чиполина во 66-та за 2:1.

Фудбалерите беа во транс по последниот свиреж

Scenes in Gibraltar pic.twitter.com/FoLgv4WfOC
— tam sellics son (@gibbygibbo1) October 16, 2018

Full time

Gibraltar 2-1 Liechtenstein

That winning feeling twice in a week @UEFAEURO pic.twitter.com/zMQqq6pH3c
— Gibraltar FA (@GibraltarFA) October 16, 2018

Интересно е што сега и тие се во игра за пласман во плејофот за ЕП, бидејќи имаат 6 бодови исто колку Ерменија, Лихтенштајн има 3, а Македонија останува прва со 9.

Но 198-та фудбалска земја во светот за да стигне до тој подвиг прво ќе треба повторно да ја совлада Ерменија со која ќе игра дома, а потоа да слави и на Филип Втори.

Инаку оваа минијатурна земја од 30.000 жители има две победи во Лига на нации, а Германија и Хрватска уште не можат не победат.