Мирослав Клосе беше еден од хероите на Германија на СП 2014-та кој го крена златниот пехар и беше меѓу стрелците во полуфиналето против Бразил на кој му го нанесоа еден од најтешките порази во историјата.
Најдобриот стрелец во историјата на Германија и Светските првенства со една реченица направи споредба на место меѓу две различни времиња во фудбалот. Она кога се играше со љубов и страст и сега ова кога ги товат со ненормални милионски договори на кои бараат уште толку.
„Фудбалот со кој јас растев не постои повеќе. Денес играчите повеќе се грижат за колите, патиките и нивните имиња да бидат запишани на нив. За мене единствената работа на која мислев беше фудбалот и ништо друго“.
39 годишниот расен стрелец на Германија со рекордни 71 гол е дел од стручниот штаб на репрезентацијата, а неговиот наследник кој го носи дресот со број 11 стартуваше одлично за националниот тим.
22 годишниот Тимо Вернер за 791 минута одиграни за Германија има постигнато 7 голови или во просек погодува на секои 113 минути. Оваа сезона за Лајпциг има 18 голови на 37 средби со што е лидер меѓу Германците во Бундеслигата. Неговата вредност се проценува на 80 милиони евра.
Во контекст на пријателската меѓу Германија и Бразил која е закажана за 20:45, ве потсетуваме на нивното полуфинално соочување на Мундијалот.
