При извлекувањето на ждрепката за групите во второто по ранг клупско европско натпреварување имавме четворица македонски фудбалери, а добивме и "македонски дуел" помеѓу Агим Ибраими и Александар Трајковски кои со своите екипи се паднаа во иста група. Но и двајцата наши репрезентативци веднаш потоа ги сменија клупските бои.
Ибраими од Марибор му се придружи на Горан Пандев во Серија А и настапува за тимот на Каљари, а младиот напаѓач Трајковски кој ни ја донесе квалификациската победа против Велс остана во белгиската лига и од Зулте отиде на позајмица во тимот на Мехелен.
Освен Пандев и Георгиевски кои со Наполи и Стеауа настапуваат на меѓународната клупска сцена, во Лигата на Европа ги имаме играчот од средниот ред Мухамед Демири кој има 19 настапи за македонската репрезентација и дефанзивецот Бојан Марковски.
Во првото коло нашите претставници за противници ги добија најлесните екипи во своите групи. Демири со Сент Гален во А групата го пречекува руски Кубан, а Марковски со Аполон е домаќин на Трабзонспорт.
Група А
Сент Гален – Кубан, Валенсија – Свонси
Група Б
Динамо Загреб – Черноморец, ПСВ – Лудогорец
Група Ц
Салзбург – Елфсборг, Стандарт – Есбјерг
Група Д
Марибор – Рубин Казан, Зулте – Виган
Група Е
Фиорентина – Пакос Фереира, Пандурии – Днипро
Група Ф
Ајнтрахт Франкфурт – Борди, Макаби Тел Авив – Апоел Никозија
Група Г
Динамо Киев –Генк, Тун – Рапид Виена
Група Х
Есторил – Севиља, Фрајбург – Либерец
Група И
Бетис – Лион, Виторија Гимараеш – Ријека
Група Ј
Аполон Лимасол – Трабзонспорт, Лацио – Легија Варшава
Група К
Шериф – Анжи, Тотенхем – Тромсо
Група Л
Макаби Хаифа – Аз Алкмар, Паок – Шахтер Караганда
