Две кола, два гола на македонските претставници во Хрватска. Стефан Ристовски со гол во 95-та минута му донесе триумф на Динамо Загреб на гостувањето против Осијек. Александар Трајковски влезе во 58-ма минута за Хајдук и постигна гол во 81-ва против Локомотива Загреб на гости, која успеа да израмни дури во 99-та минута од пенал.

Хајдук ја декласираше Локомотива на гости со 5:2 во последното коло од хрватскиот шампионат, а Александар Трајковски експлодираше со хет-трик. Македонскиот репрезентативец на крајот на сезоната доби поголема минутажа и ја искористи да финишира со 7 гола и 3 асистенции на 17 настапи. Хајдук како третопласиран ќе играа квалификации за Конференциска лига.

Хајдук ја совлада Горица 2:1 со пресврт, во претпоследното коло од хрватскиот шампионат. На Александар Трајковски му тргна дури на крајот од сезоната. Има 3 гола на последните 6 средби или вкупно 4. Македонскиот напаѓач го израмни резултат во 30 минута.

И покрај тоа што немаше некој блесок, Саудијците се потсетија на еден мајсторски потег на Александар Трајковски постигнат пред една година во дресот на Ал Фејха. Фантастично изведено.

Хајдук славеше 5:2 над МОЛ Фехервар во пријателски натпревар одигран во Умаг. Александар Трајковски влезе во второ полувреме и изненади со неодбранлив лоб од корнер, а Никола Серафимов беше стартер за гостинскиот тим.

Маестрален ноемвриски старт за македонските напаѓачи. По Елмас и Миовски, мрежата ја тресе и Александар Трајковски кој со својот прв гол за Хајдук, му носи победа на својот тим против Рудеш од 1:0.

Александар Трајковски ќе има убави спомени од првото хрватско дерби како играч на Хајдук. Влезе како џокер и асистираше за победа на големиот ривал Динамо Загреб.

Македонскиот репрезентативец го спаси од пораз Ал Фејха во првата лига на Саудиска Арабија, две кола после оној еврогол од 40 метри.

Каков Ал Наср, каков Роналдо. Погледнете го вие нашиот Алекс Трајковски кој навелемајсторски начин го претвори голманот во гледач. Македонскиот репрезентативец учествуваше со еврогол и асистенција за Ал Фајха кој го совлада Ал Фатех со 3:0. За него ова е трет сезонски погодок.

Ал Наср предводен од Кристијано Роналдо како фаворит одигра само 0:0 против Ал Фејха и се спаси од пораз кој за влакно не го запиша Александар Трајковски.

Александар Трајковски ја крчка формата пред квалификациите за ЕП кои Македонија ги стартува следниот месец. Денеска го постигна третиот гол за Ал Феиха на дуелот против Ал Тавон во 18-тото коло во првенството на Саудиска Арабија. Ја заби силно и убедливо, таму каде голманот нема шанси.

Голем ден во кариерата за јунакот од Палермо кој синоќа го прослави првиот трофеј во кариерата, а тоа е воедно прв трофеј во клупската историја и за неговиот тим. На Алекс му тргна да ги изненадува фаворитите.

Нека стои и нека се врти. Ова е врвно задоволство кое не здосадува. Сите урлаат.

Нека седи ова величествено видео тука, запаметено и запечатено во историјата на македонскиот, ама и во италијанскиот фудбал. Трајко мајсторот на турски, шпански, арапски, англиски, ама и на македонски со коментар на колегата Бранко Илиевски кој го фативме во живо во новинарската ложа на Ренцо Барбера. Убавини.

Македонскиот репрезентативец удри сефте во новата фудбалска средина за Ал Феја. Со својот прв гол, Александар Трајковски им помогна на своите да се пласираат во полуфиналето од кралскиот Куп. Славеа против Ал Батин со 2:1, а тој го постигна првиот гол на мечот по една убава асистенција.

Македонската фудбалска репрезентација дебитираше летово на Европското првенство кое се одигра во 12 земји, а од историското учество ќар имаа и три екипи од Шпанија.

Да се вратиме на убавите работи поврзани за македонската фудбалска репрезентација која синоќа го доби вториот најдобар стрелец во историјата, а тоа е Александар Трајковски кој исто така ги славеше головите пред камера ама покажувајќи срце.

Вечерашниот противник во второто квалификациско коло за Мундијалот во Катар ни е редовен пациент, а последен пат игравме против нив во групната фаза од Лига нации. На Градски славевме 4:1, а најубавиот момент на мечот беше оваа акцииште преку кое го отворивме резултатот.

Конечно шанса во првиот тим за македонскиот репрезентативец кој ја искористи и покажа дека е калибар на напаѓач кој знае сам да се избори за гол позиција надвор од шеснаесетник.

Фудбалерите смислија предизвик кој почнаа да го шират од дома за време на карантинот. Го практикуваат многу играчи, а конкретно овој се однесува на напаѓачите. Кај нашите го почна Нестор.

Легендарниот Кобра го отвори патот за Македонците во најдобрата италијанска лига, а Пандев го поплочи со мермер. Ќе остане забележано дека и некои помлади фудбалери постигнале макар еден гол во Серија А.

Се избација со видео старо 8 години, ама на зарибана лента. На снимката Александар Трајковски и Анте Будимир, тогаш како македонско-хрватско дуо во Интер Запрешиќ, кое сега ќе биде нов тандем во Мајорка. Штосна идеја на шпанскиот прволигаш со довчерашните напаѓачи на Палермо и Кротоне.

Поради катастрофално водење на клубот од управата, целиот макотрпен труд на македонските репрезентативци паѓа во вода. Палермо сонуваше враќање во Серија А со Нестогол и Алекс, а денес стигна гром од ведро небо.