Единствениот наш претставник во Лигата на Европа го има најтешкото гостување во третото коло од второто по ранг клупско европско натпреварување. Најлесните гостински соочувања пак вечерва ги имаат Тотенхем, ПСВ и Лацио кои ќе бркаат по три бода.

По победата против Кубан на домашен терен, македонскиот репрезентативец Мухамед Демири со екипата на Сент Гален му гостува на Свонси во второто коло од Лига Европа. На островот ќе патува и нашиот најдобар судија Александар Ставрев.

Откако минатата сезона пишувавме за осуммина наши претставници во Лигата на Европа, од вечерва тоа ќе го правиме само за двајца, Мухамед Демири кој со тимот на Сент Гален е домаќин на руската екипа Кубан Краснодар и Бојан Марковски со Аполон Лимасол го пречекува тимот на Трабзонспорт.