Атлетико Тукуман е клуб од северната провинција на Аргентина. Годинава за првпат во историјата играат во престижниот Копа Либертадорес, фудбалска светост во Јужна Америка.
Пред една недела, пред своите гледачи во првиот меч од квалификациската рунда ремизираа 2-2 против Ел Национал од Еквадор. Ваквиот резултат бил разочарувачки и донел голем притисок пред реваншот во Кито (Еквадор) на 2.850 метри надморска висина.
Ваквите услови за игра се вообичаен проблем за ненавикнатите гости, па Тукуман решил да ја следи стандардната процедура. Отпатувале до Гуајакил, град на брегот на Пацификиот во Еквадор со планиран лет до Кито вечерта пред мечот.
Тогаш почнале проблемите.
Тукуман немал средена документација за летот со компанијата LATAM до Кито, а поради тоа што Јужна Америка уште е трауматизирана по авионската несреќа на Шапекоенсе во ноември лани, на Аргентинците не им дале дозвола за полетување.
Управата на Тукуман била сигурна дека вакво сценарио им спремил Ел Национал затоа што правилата во КОНМЕБОЛ налагаат екипата да доцни 40 минути по терминот за почеток, во спротивно другата екипа добива службено.
Времето немилосрдно минувало а Еквадорците иако се бунеле, на крајот прифатиле да играат час и половина подоцна. На крајот фатиле туристички автобус којшто во Кито стигнува во 19:38, на само 12 минути до почетокот на мечот.
Но тука сагата на Атлетико Тукуман не завршила. На аеродромот во Гуајаквил во брзање (сите трчале), ја заборавиле целокупната опрема, па во Кито стигнале без дресови и шорцеви.
Во моментот кога се помириле со службен пораз, на член од управата му текнало дека во градот се наоѓа репрезентацијата на Аргентина до 20 години на првенството за млади играчи. Брзо им се јавиле да им ги пратат до стадионот.
На крајот излегле на теренот како голем аутсајдер и во дресови со други презмиња. Ел Национал бил фаворит за победа и играл пред преполн стадион. Целата одисеја како да ги мотивирала играчите на Атлетико Тукуман кој победија со решавачкиот гол на Фернандо Ѕампедри за големо славје на 58 гостински навивачи кои допатувале во Еквадор да го бодрат тимот.
Fernando Zampedri scores the vital winning goal for #AtléticoTucumán vs #ElNacional to advance in #CopaLibertadores. [via @FOXSportsArg] pic.twitter.com/c8PhRfopms
— Golazo FC (@Golazo_FC) February 8, 2017
Fernando Zampedri festeja con la mirada al cielo el gol de Atlético Tucumán, que avanza en la Libertadores. pic.twitter.com/OxHWGCtEVx
— SportsCenter (@SC_ESPN) February 8, 2017
Еквадорците елиминирани од Копа Либертадорес а во следната рунда со дресови на младинците на Аргентина оди Атлетико Тукуман.
El plantel de @ATOficial después de la hazaña conseguida en Quito. pic.twitter.com/DsH356jHcZ
— Atlético Tucumán Of. (@ATOficial) February 8, 2017
Во следното коло Атлетико Тукуман ќе игра против Жуниор од Колумбија. Веројатно ќе ги средат документите за летот следната недела во Баранкиља.
