Асистенција за сите пари и Standing ovation за Пандев на Сан Паоло

Еден од единствените шестмина странски фудбалери во историјата на Серија А со над 400 настапи и натаму плени и не ја остава рамнодушна италијанската критика со своите игри. Му извади реми на второпласираниот Наполи каде играше три сезони.

„Дами и господа, почит за Горан Пандев, кој на речиси 36 години ги учи “децата“ како се игра фудбал. Игра со срце и желба. Фудбалер кој е симбол на денешницата. Благодарност пред сè за професионалноста која ја имаш“, стои во пофалните зборови за него.

Џенова синоќа му извади 1:1 на гости на тимот на Наполи кој сега е -20 пред Јуве на 7 кола до крај, што значи со уште бод плус Старата Дама ќе ја одбрани титулата.

Резултатот го отвори Мертенс во 34-та минута, на во финишот од првото полувреме проработе балканската врска Пандев - Лазовиќ. Погледне каква топка со очи му даде на Србинот. Мајсториште.

Прандели го извади Пандев во 62-ра минута и заработи аплаузи од домашната публика која не го заборава неговиот придонес. Македонскиот напаѓач играше за Наполи од 2011-та до 2014-та и два пати го освои Купот на Италија.

8 април 2019 - 09:33