Ако ви се лежи во затвор, исвиркајте ја химната

Во период на тензија меѓу кинеските власти и луѓето од Хонг Конг кои протестираат за независност, денес на мечот Хонг Конг - Бахреин од квалификациите за Светско првенство 2022 беше исвиркана кинеската химна. И тоа во услови кога можеш да заглавиш затвор ко од шала.

На стадионот можеа да се видат пароли „Борба за Хонг Конг“ и „Моќ за Хонг Конг“, а редарските служби и обезбедувањето дури и фотографирале поединци кои ја исвиркувале кинеската химна. Кина во октомври донела нов закон за државна химна, според кој секој оној што ќе покаже непочит кон химната може да биде затворен до три години. 

14 ноември 2019 - 15:43