Адеми јунак на дербито, ја реши Ријека на крај со пресврт

Во македонската пресметка во Хрватска, на која настапија сите тројца наши репрезентативци, Аријан Адеми и Стефан Ристовски слават многу важна победа во трката за титулата против Дарко Велковски.

Човек на одлука на дербито на колото во хрватскиот шампионат беше Аријан Адеми кој со гол во 86-та минута му донесе златни 3 бода на Динамо Загреб.

Со голот на Гнезда Черин, домаќините го отворија резултатот и тоа по само 6 минути игра, но гостите потоа беа подобри и заслужено ја зграпчија победата.

8 минути пред голот на Адеми за победа, резултатот го израмни Емрели.

Адеми го одигра цел меч и капитенски и го реши можеби и клучниот меч за титулата. Ристовски играше до 76-та минута, a Велковски до 82-ра.