Истражувачкиот центар од Швајцарија (ЦИЕС) кој во поледно време често прави анилизи кој како и колку троши пари на засилувања, овој пат состави интересна листа со највредните 60 фудбалери од најквалитетните 5 европски лиги.
Табелата, Швајцарците ја направиле со пазарната вредност на фудбалерите според должината на договорот кој го имаат со клубот, позицијата на која играат, возраста и искуството, а сето тоа се однесува на сезоната 2012/2013.
Интересно е што помеѓу 60-те најскапи играчи нема ниту еден фудбалер кој чини помалку од 20 милиони евра. На прво место е освојувачот на четирите „Златни топки" Лионел Меси кој има енормно голема вредност помеѓу 217 и 253 милиони евра, а зад него е неговиот ривал Кристијано Роналдо кој се уште е најскап трансфер во историјата, а сега вреди помеѓу 102 и 118 милиони евра.
На високото трето место се наоѓа напаѓачот на Наполи, Единсон Кавани кој чини помеѓу 57 и 68 милиони евра и за кој постојано се пишува дека летово ќе си замине, а листата на топ 5 највредни играчи ја дополнуваат Еден Азард и Серџо Агуеро. На последното место се наоѓа Лукаку од Челси кој чини помеѓу 22 и 26 милиони евра.
Овие 60 играчи кои според вредноста се најскапи во најсилните 5 европски лиги вкупно вредат 2 милијарди фунти. Прецизните Швајцарци листата ја направиле во евра и фунти.
