Една од најголемите опасности во Бразил се мотори (најчесто кросови) со двајца вооружени момци на нив, кои пресретнуваат обични граѓани по улиците на Бразил и во најдобар случај само ги ограбуваат. Во најлош, на лице место ги убиваат. Заради ова Бразилци не се штедат ни себе ни своите возила во уништувањето на ваквата напаст.

Постар, ама добар скеч на BBC. Дечко и девојка отишле на романтичен викенд. Целиот идеален сет-ап доживеал дебакл кога таа од него побарала со неа да сподели за што размислува во моментот. А тој глупиот, ја сфатил озбилно и искрено ѝ кажал на што мисли. Што секогаш - секогаш! - е лоша идеја.

TED Talks и локалните TEDx-и натаму во суштина се супер формати на кои може да се слушнат паметни и инспиративни концепти и идеи. Само што, со текот на времето, почнуваат да се трупаат и фејкери и во презентациите да има многу „празни верглања“. На пример.

Две различни визии за иднината, едната на генијалниот Артур Кларк а другата на човек кој ќе стане Нобеловец ама ќе го тандркаат до Охрид по оној глупиот пат па ќе мора да им каже на домаќините да си ги направат патиштата. Кларк беше номиниран во 1999 година но никогаш не стана нобеловец. Кругман никогаш не стана визионер.   

Заради секакви олеснувања на кривичниот закон во САД, во одредени сојузни држави и најдрски кражби во продавница не се третираат како кривично дело, па лопови влегуваат и само си земаат што сакаат. Неколку продавници под брендот Бест бај решија дека нема веќе да ги трпат кражбите, па самите вработени почнаа да се организираат и да ја бранат продавницата и робата.

Војната во Украина изминативе месеци и нема некои херојски битки гради во гради туку главно се троши артилериска муниција, а и така се гине, во ров, од проектил што, за разлика од војников, не си го чул или касно си го чул.

Австралиска сенаторка, по потекло од домордното население на островот, регуларно избрана на избори, и покрај сите гласови што стојат зад нејзе, нема да може да го тера својот мандат доколку во полагањето заклетва на Кралицата Елизабета не се откаже од зборот „колонизаторска“ пред името на Елизабета.

Ник Кејв како уметник и музичар не е податлив MTV материјал но сепак добиваше внимание и признанија, особено со атрактивните дуети со Кајли Миног и сл. Во далечната 1996 година, најпристојно што може, Кејв им пиша на луѓето од телeвизијата зошто во иднина да го прескокнат кога ќе им текне на награди. 

Двaјца неверојатни дечки за 100 дена, опремени само со „срце, руке и лопата“ направија чудесна јазбина за одмор, со скара, со базен, си сички екстри. Малку е да се каже, алал вера, момци.

Британски вегани се организираат да празнат рафтови со млечни производи во супермаркети за луѓе да не можат да стигнат до истите, под претпоставка дека на производителите на млеко им прави разлика дали нивните производи некој ги купил за консумирање или за активизам.

Зеленски објавил мапа на Украина од пред 2014 и освојувањето на Крим. Медведев со објаснување дека „претседателот на Украина бил на психотропни супстанции“ кога ја објавувал мапата, објави своја верзија на мапа за истиот регион базирана на информациите од „западните аналитичари“.

Имал и има Балканот стандарди, без разлика како тоа му личело на некого, само зависи дали некој бил доволно воспитан за да ги следи. И една суптилна порака дека кафана не е кафана ако има мало пиво. А за келнерката едно авансно извинување.

Место објаснувања, пушти му го др. Сафет Кудузовиќ да зборува во твое име. И може на прва да изгледа радикално ама ќе видите дека Кудузовиќ е полн со разбирање и дека тој е за тоа да се оди на море, во јануари или февруари бидејќи „март е веќе касно“.

Еминем тежи 230 милиони долари. Со толку пари во себе, му се бендисал саат и му свртел на менаџерот да го праша дали може да си го дозволи. После си го купил ама сега носи друг, евтин, пошто тој скапиот нејќе да го изгребе. E, тој и таков Еминем има напишано песна „Lose Yourself“.

Белата куќа е во рововска битка, ем на Википедија, ем на прес-конференции, за сите да разберат дека САД не се во рецесија. Против кого е битката? Против новинари, самите себе и економски експерти.

Ау, какво „клизечи“ видео направиле Русите или пак некои нивни фанови. Ги набројуваат сите можни предности и поволности кои ги има Русија во моментов и на крај закуцаваат со повик „Време е да се преселите во Русија“. И уште подрско потсетување: „Не одолговлекувајте, зимата доаѓа“.

Којзнае на која дрога, угол гол им се појави на луѓето на чардак, проба да се бори со домаќинот и кога виде дека не ја бива работата вака, реши да ја продолжи ноќта одлетувајќи преку оградата. А може само пиел Редбул па буквално го сфатил она дека ти дава крилца.

Новото правило за проверка на сертификати за ковид-19 во Кина налага дека човек треба да е на колена со изваден телефон додека на надлежниот проверувач не му се врати потврда на смартфонот дека се е во ред со клекнатиот.

На снимка која е незамислива во денешно време, што заради военото осилување на Кина, што заради погубната зависност на американската економија од Кина, тројца американски Конгресмени (меѓу кои и Ненси Пелоси) одат на Тиенанмен плоштадот (сосе камермани и новинари), вадат натпис во сеќавањето на „тие што загинаа за демократијата во Кина“ и полагаат три цвета на споменикот на мачениците.

Белец се решава на гнусен потег и облекува, ни помалку ни повеќе, мексиканско сомбреро, наметка и  става вештачки бркови. Вака маскиран оди и прашува луѓе дали неговата облека им изгледа навредлива. И сите му потврдуваат дека комплетчето му е навредливо. Сите до еден, освен сите Мексиканци кои ги праша.

Украински граничар на белоруските колеги од дистанца има да им порача дека држи граната во рака и „Алаху Акбар“. Пред да се ескалира на реплики со Калашникови, Украинците си го прибраа колегата.

Ако треба ЕДНА дефиниција за демократија да запамтите и суштински да разберете, оваа е таа. Остајте она дека демократијата е владеење на демосот (народот, луѓето). Како што знаете од секојдневниот опит, таа дефиниција ама баш ништо не ви врши работа. Ова е тоа:

Од поздравувањето со Трамп пред заминувањето од Тампа, Флорида, по митингот што го имаше таму.

Дечко гледа оглас за работа на излог на еден дуќан. Бараат сметководител. Плата 35.000-40.000 фунти. Им се јавува и вика, затворајте оглас, го имам одговорот.