Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

За Украина се војува и во Куршевел

Куршевел е името на францускиот алпски ски-ресорт што дури и вашите најбогати пријатели се воздржуваат да го изговорaт да не случајно некој спомне да се оди таму на зимување. Тоа не значи дека кафаните во Куршевел се празни и дека нема кој да оди.

Музиката последна се гаси

Ќерка ја снима својата дементна мајка како е „своја на своето“ само кога ќе седне на пијано и беспрекорно ќе ги свири Шопен и Бетовен. Старата има 92 години, Алцахјмер кој прогресира и ова е една од ретките работи што умее да ги прави сама.  

Кога Русите не се криви, не е интересно

Мик Волас, член на Европскиот парламент не може да се изначуди како толку бргу исчезна интересот за тоа кој е одговорен за саботажата на Нордстрим, учебникарски пример за еко-тероризам во кој се случи најголемото испуштање метан во историјата.

Најстрашното видео што копирајтер ќе го види денес

Рајан Рејнолдс (и агенцијата што му брка работа) за фирмите што ги поседува (Минт, Авиејшн џин...) има пракса да ги лови актуелните трендови и со нив да склопи некоја прилично допадлива реклама, за не многу пари. Трендот што сега го фати е вештачката интелигенција на ЧатГПТ, и ако ова стварно е точно време е копирајтери под итно да одат да упишат курс за бербери или да научат местење гипс картон.

Работник на месецот

Може газдата ќе даде некои покачување, можеби си вика вработениов лабаво местејќи една шипка во дуќанот која набргу ќе му падне точно на стопало на газдата. Ок, ништо страшно, знае тој и вторпат на ист начин да ја намести шипката.

Фекален Џексон Пoлок

Актерот Грег Дејвис порано бил наставник и дечкото е еден од најзабавните раскажувачи на анегдоти кои сe имаат појавено во шоуто на Грем Нортон. Задолжително слушнете ја приказната кога мамурен, по грешка облекол гаќи од мајка му и таков отишол на настава. Рајан Гослинг се преврте од смеење.

Путин е болен од рак, а Кина е на 10 години од колапс?

Питер Зеихан е американски геополитички аналитичар кој со децении се занимава Кина, Русија, арапски свет и слични теми. Деновиве тој гостуваше кај Роган и даде ретко оптимистички (за САД) предвидувања за светот, во кои главно САД во иднината и немаат од што да се грижат, во однос на она што денес се смета за најголема закана - Кина и Русија.

Кое е твоето оправдување што не го слушаш Џони Кеш?

На неколкумина едноставни луѓе од племиња надвор од западната орбита, им ја пуштаат „Hurt“ на Трент Резнор, во нејзината најдобра форма, онаа на Џони Кеш (нема песна што тој ја има обработено а да не е подобра од оригиналот). Одвреме навреме им го паузираат спотот, да им објаснат текст и контекст. Наравоучение: од кое и племе да си, Џони Кеш ќе те дирне.  

„Отишо је свак ко ваља“ - 2022 година

Мало потсетување на сите познати лица кои починаа во 2022 година, во форма на легедарниот омот на Битлси, Сарџент Пепер... Многу се загледавме и многу одново ни падна жал за некои ликови.  Додуша „отишо је свак ко ваља“ е чувството кое го имаме секоја година, кога ќе се потсетиме кој сè отишол, а знаеме каква фукара има останато. 

Не ви смета вам крадење, ви смета вие што не крадете

Босански професор за сржта на лоповлукот на секој еден што има каква било власт на Балканов. Тоа што на толку крадење никој не одговарал, тоа е сосема друг проблем.

Социјален експеримент: пешак со и без цигла

Човек застанат на пешачки на кој стандардно има вир за време и после секое врнење. Еднаш човекот пред вирот е со чадор и мобилен. Друг пат е со чадор и полна цигла. Да видите како циглата врши работа во подобрување на видот на возачите.

Рамбово послание за 2023

Навикнати на постојани сензации, празниот простор неисполнет со сензации почнува да нè плаши. А таа празнина е неопходна за закрепнување на нашата истрошена, изманипулирана, отруена, уморна и збунета свест. Како што на црниот дроб му треба пауза од алкохол и мрсна храна, така и нашата свест треба да се одмори од налетот на информации и впечатоци со кои модерниот живот нè бомбардира од сите страни.

Совет за успешен и хармоничен брак

Празнициве додека се излежаваш на кауч како морж во полукоматозна состојба, а телото се обидува да ги обработи нечовечките количини храна што ги имаш товарено во твојот желудник, од голема корист за твојот брак ќе биде ако со видеово ја потсетиш жена ти дека не пуштила машина за перење. За дополнителен впечаток може да се употребат зборовите „а тебе те мрзи две копчиња да стиснеш“.

Оној еден што мора да се издвои

Туристичка тура со чамец кој проаѓа под мовче па луѓето во него треба само да се наведнат. Не и тој. Тој се качи на мостот со финта дека ќе се врати во чамецот таман кога ќе дојде на другиот крај на мостот. Потфатот ќе изгледаше успешен, ако видеото траеше некоја секунда пократко. 

Сите деца вака да блескаат

Група деца сакаат со песна да ги честитаат божиќните празници. Не се тоа млади од Беверли хилс или од некое кремкасто приватно школо кај што имаат посебни курсеви за вежбање емпатија. Ова е многу подиректно и пооргански.

Отвори го прозорецот да подиши градот

Песната се раѓа во 1994 во Скопје. Ја пишува најдобриот скопски поет Џовани (на органите познат како Јовица Ивановски), после цели 29 години таа излегува од фиока и се сели за Белград, од каде со додаден шмек од Ема & Џими и Јулија Кастелучи, се враќа во родниот град, со спот - омаж за Скопје, градот кој не престанува да ги инспирира и збунува луѓето кои живеат во него.

Ова ли ќе ги слушам до крајот на животот?

Добра заебанција. На дечко му ставаат апарат за слушање. Добра вест: за првпат може да си го сlушне сопствениот глас. Лоша вест: за првпат може да го слушне гласот на неговата девојка.

Кој е за бело, екстра бело?

Има можеби 15 години поминато од ова „филмско“ парче македонска иновативност, неконвенционалност и дрскост.  Штета што немаше кој да го следи „жанрот“ па наместо нешто вакво, телевизиските слотови се полни со досадни и кринџ пораки, темелени на трикотажни синопсиси склопени во „safe mode“.

Неповторливи моменти

Мала видео компилација од моменти кога деца со оштетен вид, со помош на специјално изработени наочари, успеваат да си ги видат своите родители. Монументално ежење и убаво во душата.

Кога ќерка ќе падне во транс

Ќерка од деветто одделение, сосема неочекувано му рекла на татко ѝ дека таа е транс лице. Овој не пружил никаков отпор, не се обидел да ја разубедува, не направил ништо против нејзината слободно изразена воља да биде тоа што се чувствува. Тој имал друга тактика.

Полициско слепило

Група моторџии бесно возат низ град. МИнуваат на црвено, сите, освен еден. Погодете кај кого застана полицијата? Па уште му ја кажува причината: Те застснав зашто турираш ко сељак.

Како се разбраа BBC и Rage Against the Machine

Назад во 2009 година. БиБиСи решаваат во програма да ги имаат и Рејџ. Ама, ги потсетуваат дека ќе одат во живо, дека се работи за пригодна божиќна програма и затоа, да нема некое пцуење или некои безобразни зборови. Еве како изгледаше и звучеше епилогот.

 

Баја Патак полни 75 години

Најпознатата стипса и мрчатор на светот штотуку наполни 75 години, иако беше старка уште од времето. За некои негови совети мислевме дека се чисто зезање, додека македонската транзиција и нејзините перверзни исходи не ни покажаа дека се чиста вистина: „Чувајте ги малите пари, големите пари сами се чуваат“, викаше стариот. Ама, кој да слуша.

Заговор куќа гради

Нам подеднакво глупи ни се и оние тврдења дека сè е заговор, и оние кои ќе ве убедуваат дека ништо не е заговор и дека не постојат злотвори кои зад грб на јавноста се договараат за пакости. Откако нурна во механизмите на Твитер, новиот газда сумира „Сè што важеше како теорија на заговор за Твитер, се покажа како вистина.“