Не сме сигурни дали е ова случајно или секој од овие филмски ѕвезди со договор го има заштитено правото како ќе се појави на филмскиот постер. А дека има некоја закономерност - има.

Зошто да не ги израдуваш луѓето кога знаеш каков мерак им правиш. Плус, не дека не те плаќаат за тоа.

Залудни се сите заседавања на спортски федерации, судиски организации и мозгања за технолошки иновации. Секогаш ќе се најде начин да се одоброволи судија на еден натпревар. Демо.

Што правиш кога си муслиман и верник и истовремено фан на Бетмен, а премиерата на новиот филм се поклопува со првата ноќ на Размазан? За оваа и другите дилеми околу филмови, видеоигри и стрипови за време на Рамазанските пости, во филмот - пазете добар наслов - First Knight of Ramadan. 

Уште еден доказ дека Кинезите ќе го покорат светот а сите ние ќе ги служиме како робови. Но сикирики, барем мраз за пијачките нема да мора да им носиме.

Ниту е глуп, ниту е ретардиран, само е машко. Ќе си го направи он меракот, и покрај тоа што знае дека таа до него по ова едно 6 месеци ќе му го уништува животот на секој можен начин што ќе и дојде. Рок на заборавање - никогаш.

Од старт треба да ти е сомнително ако 8-годишно дете се појавило на сред уличен натпревар во брејкденс и уште им се чатали на големите. Малиов е ѕвер.

Зимоска го имаа "The art of flight" документарецот со најблесавите бордери и скијачи што можат да се најдат. Летното издание се вика "Where the trail ends" и е со велосипедисти.

Оружје кое треба да го поседува секој дом во летниот период. Шмајзер за муви, со кој на непријателот истовремено му нанесуваш и рана и сол. Пар грама бербат не е ништо во однос на ќеифот директно да се погоди гадот. Инсектициди се за кукавици!

Како што ние одиме на прошетки по планини и езера, така Норвежаните одат на Гренланд да гледаат глечери. Од време на време на некој глечер ќе му се пушти некоја санта, и тогаш се случува ова.

Ова е "копиљ" во неговата најчиста форма, по енциклопедија. Пази што му текнало, во десетина пакетчиња чипс става лаксативи и сè тоа комплет го остава на плажа за галебите да го изедат. Галебите нормално дека ќе го изедат.

На премиерата на последниот Бетмен, во близината на Денвер, 24 годишен дечко уби 12 лица и рани десетици други. Без разлика колку е трагичен настанот, еве како целата приказна ќе се развива во медиумите. Шаблонот е тој, само веста се менува.

Во поглед на дизајнот, германската канцеларка е прилично конзервативна со нејзините "те једно те исто" костумчиња. Но, што се однесува до боите, си сака жената да проба различно.

Германската канцеларка носи те једно те исто, ама затоа кај боите не штеди.

Две недели по завршувањето на олимписките игри, борбата продолжува на Параолимпијадата во Лондон.

Се вика Сергеј Михалок и основач е на белорускиот бенд Лјапис Трубецкој. Не знаеме многу за него, само забележавме дека со текот на времето малку од малку го има сменето својот имиџ.

Во Axe знаат дека најдобар начин да му продадеш нешто на маж е да споиш две жени, па макар и да треба да ги гледа како се масираат.

"Изгледаш како да си му украл панталони на џуџе!", е дел од супер реметот кој еден татко пред камера му го прави на својот син тинејџер фаќајќи го како сака да излезе надвор со оние ужасно тесни и ниски фармерки кои се носат на половина газ. И после го тера да чучне. Остатокот од семејството си живее регуларно.

Не дека има 6 години, не дека сам има научено да лупа на тапани, не дека ја знае "Pretender" од Фу Фајтерс, туку затоа што планира "уште едно 30 години да се занимавам со тапани и после тоа ќе може да станам хокеар."

Grabbers, ирска хорор комедија, режија Јон Рајт. Може сме утка ама сценариото ветува: мал ирски остров бива нападнат од грозни вонземјани. По некое време селаните сфаќаат дека единствен начин да останат живи е да бидат нон-стоп пијани. Ако изеде пијан човек, мрцината умира во страшни маки. Ма браво. 

Мажите мислат дека тие ги носат само затоа што добро им стојат. Не, не, тие цел свој живот го носат внатре! И не е толку чудно што сè може да собере една женска чанта, чудно е како успеваат да најдат нешто во нив.