Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Види шта су ми урадили од песме, мама

Ова е стара маалска дисциплина, менување на делови од текстовите, за да се добие нешто од типот: "Гив ми роуп, Џоана!" (или како беше онаа од Глориа Естефан ор самтинг "... свињо дебела"). Десетина одлични "препеви" кои заслужуваат да станат официјални текстови од песните.

Гости

Треба да се оди на гости и да се примаат гости. На тоа се држи ова малку од нашиот живот.

Работнички Олимписки Игри

Секојдневно се натпреваруваат во различни дисциплини. Некои од нив веќе ги познавате, но еве ги на едно место - ѕвездите на РОИ, секој од нив поедеднакво фасцинантен како Усеин Болт или Мајкл Фелпс.

Грев или диоптрија

Можеби е добро што никогаш нема да дознаеме на кој алкохол, дрога или некое трето гајле се наоѓа овој јаден женски створ што вака упорно се обидува да си ги облече наочарите.

Комитско, Нов Зеланд

Хака е стар маорски танц со кои се изразуваат колективни чувства. Се користи често во Нов Зеланд, од различни групи и по различни поводи. Една од најчудните апликации е кога хака ќе заигра војската.

Сè за носот

Имаме две очи за да може да гледаме во 3Д, имаме две уши за да можеме да ја одредиме локацијата на изворот на звукот. Но, зошто имаме две ноздрви? Нели е пологично, како устата, да имаме една (добро, поголема) дупка среде лице? Не.

Led Zeppelin - Kashmir

Џими Пејџ призна дека им требале две години воопшто да седнат и да ги прегледаат снимките од повратничкиот концерт на Лед Цепелин во лондонската O2 Арена од 2007-ма. И уште три години да состават ДВД од тоа. И еве ја првата снимка.

Посвојте дете

Не мора да сте идеален човек за да бидете идеален родител. Убер шармантна реклама на тема посвојување.

Се тркале Гугл и Сири

Како изгледа кога симултано ќе провериш (на исти уреди и на иста мрежа) како функционира гласовното пребарување на Apple Siri во однос на новата 2.5 верзија на соодветната апликација на Google? Сте виделе две бесни машини, како се тркаат изедначено од прва до последна секунда? Е па, не така.

Телма и Луиз

Најболен удар врз пензионерите беше укинувањето на идеалните чекчиња и принудувањето на стари години да се расправаат со оние ѓаволски банкомати. Но, некои од нив брзо се организираа во формација: Терај, јас ти чувам грб!

Детска "Апокалипса, сега"

Џими Кимел е цар за интерактивно зезање со помош на публиката (досега омилено парче ни беше ова). Овојпат ги повика родителите да испратат видео како нивните деца реагирале откако ќе им биде кажано дека "им ги изеле бонбоните". Да видите само какo тие ја примаат оваа апокалиптична вест!

30 секунди цицки против рак на дојка

Кампањите за борба против ракот на дојката досега главно се потпирале на шокирање заради подигнување на свесноста за проблемот (груби оперативни резови, уништена самодоверба кај жените...). Една чилеанска рекламна агенција проблемот го адресира од сосема поинаков агол: што мажите губат?

Локална травестија

Да е Јани паметен па да реши да заигра малку на картата на македонската конзервативност и традиционализам. Како се прави тоа? Собираш неколку скопски травестити (ги има, не се секирајте) и сите викаат дека нивни кандидат е - Коце! Можете да ги замислите реакциите? А треба, и онака, што има да изгуби :)

Уништувач на документи (ама намерно)

Некогаш едноставно не можеш да се разбереш на факултет / работа / проект дека тоа што не си напишал некој документ не значи дека си мрза, туку само дека имало поинтересни работи за правење. Едно од можните решенија (барем за кратко) е тој другиот да добие корумпиран документ што не може да го отвори. Го имаме сајтот што ќе ви заврши работа.

Андроид 3 х 2

По два примерока на три типа на апликации за Андроид. Сите се бесплатни и сите добро функционираат. Некои ги имало наоколу, некои се скроз нови. Сите заслужуваат инсталирање.

Како се продава Сеат

Да не чувствува локалниов Сеат дека му вршиме притисок, ама еве како во Русија изгледа презентација на Leon FR.

Кока-кола калкулатор на калории

Една лименка Кока-кола има 139 калории. За да ги потрошите овие треба играте 17 минути баскет или 22 минути аеробик или 32 минути пилатес. Калкулаторот ги има (речиси) сите пијалоци на Кока-кола, а има и посебна опција да ви пресмета колку актвиност ви е потребна да симнете 50, 100, 150 или 200 калории (па после удрете математика).

А ова сте вие на рејв

Правилото е: без разлика колку и да мислиш дека е "јако" како играш гледај тоа да не го правиш пред камера, затоа што никој не е фраер 15 години подоцна.

Момент на вистината

Без разлика кој си, што си и што ти се паѓа, глупо е да се преценуваш и да мислиш дека стварно знаеш што мисли малиот додека блажено те гледа.

Ф1 трка од сите страни

Неколку дена откако му помогнаа на човек да скокне со падобран од многу високо, Ред Бул монтираше панорамска камера од 360 степени на нивниот Формула 1 болид. Еве како изгледа трката кога би му биле качени на ушка на болидот.

Вујко Дру, двојката

Далечниот март 2012-та, го имавме првиот настап на вујко Дру (а.к.а. Кајри Ирвинг, првиот пик на НБА драфтот 2011-та). Сега Дру оди да сврти уште една партија баскет, ама го зема и другар му Вес (Кевин Лав од Тимбервулфс). Плус, Бил Расел.

За писателите - кодоши

Постојат три вида кодоши.