Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Последната пародија на Gangnam Style што ќе ја објавиме годинава

Со оглед на тоа колку и се намерачени на песнава можеме да кажеме дека сме 95% сигурни во насловот. Изведбата е дел од еден неодамнешен хуманитарен концерт во Словенија, а освен двајцата главни ликови кои се комичари, остатокот се членови на регуларен оркестар.

Ова е ТВОЈ живот

Може нема да ви се допадне се што кажа, ама некои работи ќе ви направат разлика. Холсти манифестот, претворен во поинаков постер.

Рингла АК - 47

Дома си, немаш упаљач, ти се пуши = палиш од рингла. Во пустина си, немаш упаљач, ти се пуши = ? Одговор: Калашњинков.

Животот и смртта на 10.000 рози

Сето ова е дело на шкотската уметничка Анија Галакио, која цела соба ја наполни со рози за да "ужива во нивната убавина и да види што ќе се случи потоа." "Ми се допаѓа мешавината на прослава со смрт и распаѓање," објаснува уметничката. Еве како изгледа сето тоа.

Распаљотка

Кик бокс меч со чудесни пресврти. Се лета преку јажина, се вадат ајнцери (!?), ногдауни на сите страни... Забавата започнува по 20-тата секунда.

Можеш да кажеш банана?

На целиот мамурлак, тмурно време и смогови, ова видео направи разлика деновиве.

Оригиналите на Роквел

Норман Роквел е еден од антологиските американски уметници и илустратори на 20-от век, автор на неброени насловни страни, постери и слики. Ова се оригиналните фотографии на некои од неговите најпознати дела.

Вака изгледа добра ТВ

Сред шоу водителот убива од тролање еден од гостите, по основа дека и тој и сопругата прават кариера на најглупите можни начини, како и тоа дека имаат уникатно глупи проблеми. Гостинот станува и си оди. Овие најдоа замена.

За оние што не читале стрипови

Епизода на Астерикс, за едно испокарано село. Се збираат среде ливада за да се тепаат и секогаш им испаѓа нерешено ама сите си одат дома убедени дека испаднале појаки од другиве. А целата прича е заради двајца селски водачи што не можат да се договорат кој да биде поглавица...

Гуми во најава

Обично не пишуваме за гуми за автoмобили, затоа што гуми се гуми и никогаш ништо интересно не се случува на темата (имала една шара, плус минус, ништо страшно). Веројатно по слична основа и на Hankook им се досадило секоја година за истите работи да се фалат. Ова е сосема нов момент.

Ожежи га Дарте

Империјалниот марш од "Војна на ѕвездите" отсвирен во шумадијски виолински клуч. И да е човек Оби -Ван Кеноби, ќе му дојде да се направи Лук Скајвокер.

Снежен град

Ова порано и кај нас се правеше, во Бунец, Маврово. Русите продолжиле. 180 кубици мраз, 150 кубици снег, шарено светло и ете ти фина зимска магија.

Квалификации за избори

Конфликтните лумпен партиски протести и супер достапните социјални мрежи се идеални методи со помош на кои баграта (= глупи, ограничени, гневни, нетолерантни, лоши луѓе) ги доживува своите ѕвездени мигови, станува видлива и нè потсетува дека и тие живеат меѓу нас, на што обично забораваме во "мирнодопски" времиња, кога живееме главно во своите животни референтни системи. Од друга страна, изборите се паметно смислен вентил за испуштање на насобраниот политички притисок, сè додека не ви текне дека сите оние кои ве ужаснале со својот простотилук, ќе имаат глас како и вие. Да потсетиме на едно недемократско но фер решение на Рамбо Амадеус.    

Твитер календар 2013

12 убави, паметни, згодни, писмени, одважни, шармантни и милина од девојки од Твитер се фотографираа за хуманитарни цели. Дванаесет календарски противотрови за годината во која нема да пропаднеме ама не дека нема да се чувствуваме така.  

Проблемот со името

Не, не тој проблем, туку сосема друг. И како ретко кога не е проблемот со Македонија, туку со Холандија. За што се работи? Како прво и прво, не постои држава што се вика Холандија. Барем не би требало да постои.

Зајди, Зајди - Тоше Проески

Како што Џони Кеш знаеше да земе нечија песна и на светот (а и на нејзиниот автор) да му покаже како таа СТВАРНО треба да звучи, така македонската "Зајди, зајди", по којзнае колку години, еден ден се сретна со гласот во кој се чувствува комплетно зрела и исполнета. Без повод, без помен, без годишнини и слични манифестации на колективно лудеење. Само омаж на едно врвно чувство.

Што тоа значи?

Една жена, едно Пежо и еден упропастен бандаж, во Загреб. Таа е доволно љубопитна да застане и да праша: Што тоа значи? Ама наместо да го дочека одговорот (Тоа значи дека си цепаница), продолжува како ништо да не било.

Нова пивска амбалажа

Добра страна е што не бараат кауција. Лоша: пробајте да наздравите со пријателите.

А бре механичаре

Уште откако Филтер 57 ги свртеа правилно, беше јасно дека светот на некогаш трудољубивите автомеханичари веќе никогаш нема да биде ист. Еве до каде отиде работата.

Колку малку ни треба

Цунами мавнало во близина и доаѓа наваму? За пола саат? Да бегаме на запад? Доаѓате?