Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Вака не се работи

Момент од жива програма на една сиријска телевизија кога блиску до репортерот се случуваат две експлозии на терористи самоубијци. Јаден човек....

И за корисничка поддршка се потребни двајца

Телефонските разговори меѓу корисник и корисничка поддршка обично тонат во клисурата на изгубеното време заради две погрешни премиси:

Бразил не дава втора шанса

Видеото почнува како уште едно од оние видеа на кои се палат моторџиите, и во неполни 4 секунди се претвора во прописна Квентин Тарантино сцена. Целиот клип е сниман во Сао Паоло со камера монтирана на кацигата на моторџијата.

Изолирани песни

Само вокалот и тишината околу него, без ниту еден инструмент. Интимност на ниво како Боуви или Марвин Геј да ви пејат во ваша соба. Сите песни се земени во оригинал како што биле за спот и потоа им е тргната целта музиката.

Ентони Бордеин дозна за Македонија

Тоа е добрата вест. За малцинството идиоти во мнозинскиот народ имаме и лоша вест: за добрата вест треба да му заблагодарат на Албанец.

Топ 10-те Дилберт стрипови на авторот на Дилберт

Во 1989-та Скот Адамс го објавува привот стрип за Дилберт, кој истовремено е и првиот стрип на кој главниот фокус му е што се случува на работа и во канцеларија. Ова се десетте омилени Дилберт стрипови на Адамс.

Час по филм

Кратка лекција за снимање филмови во која се опишани 5-те техники на рускиот режисер Пудовкин. Човекот е малку познат надвор од филмски кругови, ама неговите техники ги има во секој подобар филм што во последниов век е сниман во Холивуд и низ светот.

Синдикалка на денот

Ненси Салгадо, самохрана мајка на две деца, 10 години на минималец во Мекдоналдс, неуморна во битката да се покачи сатницата на 15 долари. И има петља да го прекине говорот на врховниот господар на компанијата, Џеф Стратон.

Овен Вилсон како Локи

Том Хидлстоун (оригиналниот Локи во Авенџерс) го имитира Овен Вилсон како би изгледал кога би ја имал улогата на Локи.

10-те најскапи возењa

Во предвид се влезени сите можни форми на возила, од автомобили до носачи на авиони и ракети. Рангирањето е направено според тоа колку пари чини да се мине една милја со нив.

Детето што прерано порасна

Човек е најмногу подготвен да се соочи со себе дури во моментот кога ќе го достигне дното заради своите постапки. Никогаш не е пријатно да се гледа кога вакви егзистенцијални проблеми ќе спопаднат мало дете.

Снимени сте

Кога на снимател ќе му утрне ногата од седење покрај кошаркарско игралиште. И ред други слични работи.

Чакаларов на крстопат

Знаеме дека тагата е сè уште свежа од вчерашната трагедија која се случи на кружниот во Ѓорче и дека е многу бесчуствително уште сега да чепкаме по оваа тема, ама, туборг ор нот туборг, прашањето е сега: класична раскрница или кружен тек? Со дилемата се занимаваат Митбастерс.

Како да го оставиш Џон Стујарт без зборови

Малала Јусафзаи е пакистанската ученичка која минатата година (на 14-годишна возраст) беше застрелана во глава од Талибанците, заради тоа што се бореше за правото девојчињата да можат да учат во основно образование. Деновиве стигна да гостува кај Џон Стујарт, еве што имаше да му каже.

Што гумиче има оваа?

Ги знаете сите оние чешми што капат и чија единствена задача на овој свет е да нè нервираат со својот звук? Е па, им ја најдовме Матицата. Гад!

Големиот Гетсби, пред и после

Би можеле да им завидуваме на актерите од филмот Големиот Гетсби (Леонардо Ди Каприо, Кери Малиган) заради гламурозните сетови во кои го снимале филмот. А тие, кога ќе се врателе од снимање, само зелени чаршафи памтеле.

Дотако сам дно живота

Јунуз на гитара и Рон со својот глас, двајца од 'оние луѓе кои сè уште сакаат да го почувствуваат мирисот на душата, или барем да ѝ го слушнат гласот'.

Запад vs. Исток

Не се работи за тоа кој е подобар, туку кои се разликите. Девојката што го прави ова (Лиу Јанг) родена е во Кина, а од 14 години живее во Германија. Сината боја е Германија, црвената е Кина.

Том Хенкс теорија

Што ако секој филм со Том Хенкс е само еден дел од епската приказна за неговиот живот. Целото патешествие од Форест Гамп до Капетанот Филипс.

Арнолд наместо Арнолд

Дечково е подобар Шварценегер од Шварценегер, барем во зборењето, на бенч сигурно нема да му оди подобро.

Банкси за Талибанците

Култниот уличен артист Банкси на својот Јутјуб канал постави видео кое почнува со документарна снимка со некакви муслимански бунтовници. Имаат базука и се спремни нешто да разнесат во воздухот. Пукаат, се слуша стандарднотот "Алаху екбер" а потоа ситуацијата станува Банкси.