Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Како ти успева, Илоне?

Илон Маск е ЦЕО на Tesla и на SpaceX, претседавач во SolarCity, човекот позади Hyperloop и е татко на пет деца. Како стига и што уствари тој прави?

100 филмови што ги имаше годинава

Видеото трае 6 минути и 45 секунди, и за ова време треба да ве потсети на (над) 100 филмови што годинава излегоа во 2013-та. Ако за ништо друго ќе ве потсетат на сите филмови што сте си ветиле дека ќе ги гледате и потоа никогаш не ви текнало на нив.

20 најпуштани нумери за 2013-та во една песна

Затоа што цела година ги вртеа, сега ќе ви бидат доволни 3 секунди за да ви дојде песната. И сите овие 20 песни споени во 1 минута, во микс кој има некаква логика.

Македонија голема ама и универзумот не е за фрлање

Во 1996-та година астрономите решаваат да го насочат моќниот Хабл телескоп кон дел од небото која е најцрна темница, во правец кој не е попречен од ѕвезди и планети. По некое време стигаат снимките. Освестувачко видео, за многу животни перспективи и големини.

Вработеност

Анимиран филм по кој уште еднаш до уши ќе се вљубите во капитализмот, тој поредок со бескрајни можности за работа и исполнување на човечката потреба да се биде корисен и да се служи некому.

Дневното мени на Хантер С. Томпсон

Таткото на гонзо новинарството чиј пичвајз од живот е овековечен во филмот Fear and Loathing in Las Vegas поживеа 67 години. На крај изгледа морал да се самоубие бидејќи судејќи по неговата дневна рутина, природно бил неуништив.

Креветите на децата

Насловот на книгата е Каде спијат децата, и дело е на Џејмс Молисон кој патува околу светот фотографирајќи ги креветите / спалните соби на децата (кога имаат спална).

Зошто астрологијата нема врска, во 1 минута

Астрономија - наука за небеските тела. Астрологија - нагаѓање во празно. Дури и да е точно целото нагаѓање за иднината (а не е), има еден огромен пропуст во основата на која се базира хороскопот - ништо не е на свое место како некогаш.

13 работи што не ги прават ментално силни луѓе

Менталната сила може да се дефинира и преку работите што ментално силни индивидуи не ги практикуваат. Список од 13 карактеристики за Форбс го прави Еми Морин.

(Не)ферка

Едниот има 68 килограми и тренерира боречки вештини, конкретно џиу-џитсу. Другиот има 113 килограми и тренерира кревање тегови. Некако, овие двајца решаваат да се пробаат во нелегална ама организирана борба.

Твитовите на Дејвид Линч

"Секогаш кога ќе видам еднооко џуџе, мојата мачка почнува да зборува наназад". Ако сте му ги гледале филмовите, и на Твитер веднаш ќе му го познаете ракописот.  Плус, во еден од собраниве твитови го има она што секогаш нè интересирало, тој лично да ни објасни што се раскажува во негов филм.

Поглед кој запира

Легендата вели дека маж не може да го пушти во писоар ако некој зјапа во него. Посебно ако зјапа згодна женска. А легендите некогаш треба да се проверат. п.с. дечкото што пушти раце е срцка.

Носталгија за летање

Мала фото ретроспектива како изгледал авио-превозот во 30-тите години на минатиот век. Нема да ви се верува колку од тогаш до сега напреднал... капиталистичкиот инстинкт за екстра профит и вештината што повеќе луѓе да се напикаат на ист лет.

Гол, гол, гол... статива!

Како да ја изненадиш својата девојка со запросување ако таа веќе знае дека секој момент ќе ја запросиш? Дечково знае како. И тоа не еднаш туку серија за... малку. Одличен е, ѓубре едно.

Накривете капа, Александар е наш

За сите луѓе кои секојдневниот умор од беспарица, долгови, валкани влезови, фејсбук идиотизам, забоболка, глупи комшии и други ситници успеваат да го совладаат полнејќи се на историски батерии (алкално антички), имаме 50 минутен рај за уши!

За шака црни попусти

По Денот на благодарноста, чија носечка идеја е дека Американците треба да бидат благодарни за она што го поседуваат, следува Црниот петок на кој истите тие бескрупулозно се борат да купат што е можно повеќе со што е можно поголем попуст. Ова е компилација од снимки од продавниците низ САД за време на Црниот петок.

Kо Американец во шарена мапа

Американци добиваат клот мапа на Европа, само граници без имиња, и во неа треба да напишат која држава кај се наоѓа. Да кажеме дека генерално знаат дека Европа е меѓу Британија и Русија. Да бидеме поштени, не дека ние во иста ситуација би погодиле каде е Алабама или Северна Дакота.

Упатство за тепање со бебе

Ок, звучи сурово ама животни вештини, се животни вештини. Никогаш не знаеш што носи животот и кога ќе ти затреба да можеш да здробиш некој прцул. Еве неколку потези што ќе ви се најдат.

Мустаќот во себе

Додека локалниве мустаклии ни пратат банер да им објавиме (a пред три недели се договоривме, уште брковите млечни им беа), дојде време за де-мен-бер:

Манифестот на Мет Дејмон

Клучни зборови: граѓанска послушност/непослушност, телевизија, тоталитарност, владеење на правото, национални барикади, отпор кон нелегитимните авторитети, право да се трага по среќата...

На џемперот се познаваат пријателите

Таман што фати студот, најдовме колекција џемпери која ќе ни помогне пркосно да му се спротиставиме и да го изигнорираме ладново како жолто светло на семафор. Плус, човекот што ќе се прошета со вас кога ќе носите ваков џемпер бидете сигурни дека ви е најискрениот другар во живот.