Ако и на ова се навлечете и заради тоа нас нè мразите, стварно не сме ние криви туку вие треба да одите на некоја бајачка. Прво авторот сам ја повлече Flappy Bird, играта која го предизвика најмасовниот love/hate однос кон една игрица кој досега е виден. После Апстор порача дека нема да ги прифаќа безбројните клонови на оваа игра. И сега, еве ја во адрес-барот, како брајова азбука.

Деновиве се навршија точно 200 години откако Лудвиг Ван Бетовен ја напиша Осмата симфонија, едно од неговите најпотценети дела, меѓу другото затоа што претходи на неговиот завршен симфониски удар со Деветтата. Осмицава некои ја сметаат за брилијантна сатира, за гонзо подигрување со стандардите, за панк-рок во класиката. Кога ќе имате 25 минути за на само со Бетовен, бујрум.

Кај и да е, роботите ќе заличат на луѓе. Штом станат такви, ќе сакаат и мода да тераат. Со таа идеја бугарскиот дизајнер Симеон Георгиев направи дизајни за патики кои ќе ги носат овие наши шминекрски пријателчиња од иднината. Концептите се базирани на сегашните модели Air Max 1 и Roshe Run.

Пред да започне македонската претседателска трка, кандидатите и нивните штабови почнуваат да се фокусираат на оние прашања кои по инерција се сметаат за битни (ЕУ, гео-стратегија, името и други терци со кои минува нашето тажно транзициско гуслање). Затоа сме тука ние да им ги прошириме хоризонтите, со помош на стариот лисец Линдон Џонсон и неговите совети за тоа што еден претседател треба секогаш да им на ум.

Главниот лик со капата е истиот што во тоа време е главен лик на овие простори - ЈБТ. Неговите најголеми гревови во тоа време се преголемата отвореност кон Западот (како во економија, така и во култура) за што добива статус на генерално зло, предавник и нов тип на фашист. Период 1949 - 1951.

Секоја недела глобалната интернет заедница колективно се возбудува околу некои приказни за кои по некое време се открива дека се лажни. Еве што се случуваше последната седмица.

Панкерка со изглед како од учебник за панкери, со родители на кои не им е јасно како ова воопшто се случило и околина регуларно преплашена кога таа ќе се појави, завршува на едно од оние шоуа за трансформација. Магија.

Се вика Леон Луис а песната Candy Licker. Што е работата со него? Дечкото нема жив заб во тоа устата и решава таа своја мана да ја претвори во предност.

Има еден маалски лик кој откако му го презентираа сите дотогаш невидени работи кои ги можеше првиот Ајфон, најнормално праша: A missed calls има? Така главно се користи и најсилниот светски поштар Џемаил, за прати и прими. А има фини и згодни трикчиња./

Ни го пратија клипот и не ни открија што е во него погрешно. И ние си зјапавме и по некое време сфативме. И сега ние не ви кажуваме што е погрешно. Така оди тоа.

Дури и кај најновите модели на автомобили кои држат до својот фенси дизајн, централната команда табла е нерешива енигма и индрустријата никако да направи нешто едноставно и интуитивно а тоа да не личи гротескно како шалтабла од стар Стар трек. Ние би се кладеле дека ова му е мајката. 

Секојдневни предмети (шеќерчиња, упаљачи...) можат да бидат згодни герилски алатки за ширење рекламни пораки или брендови. Да речеме, моливот. Одлични предности: секому е при рака, секој знае да го користи, масовно го има наоколу. А има само една мана: се троши.

Билборд во Чикаго пред натпреварот во хокеј меѓу САД и Канада.

Вил Инглунд од Вашингтон пост веќе некое време известува од Киев. Ова е неговата денешна репортажа од случувањата во градот. Сцената од крајот на видеото посебно ќе ве извади од памет.

Главно нешто што може да се заклучи е дека машките на возраст од 18 до 24 години, сушат лажат. И уште нешто, жените не можат ниту да претпостават колку порно гледаме.

Мерв Грифин е легендарен американски тв водител кој згрна куп пари создавајќи формати како што се Jeopardy! или Wheel of Fortune. Почина во 2007-ма година, со репликата која најчесто ја има кажувано во животот. Малкуцка сменета.

Како што сите знаеме, авионските прозори не служат за ништо бидејќи сите имаат некаква  фабричка грешка поради која не се отвораат. Добро, низ нив можеш да зјапаш во небото ама зошто да не одбереш во какво небо можеш да зјапаш?

Прво, Бруинен е река од книгата / филмовите Господар на прстените. Второ, Халид остана кај Миљацка, оваа ја пејат Лос Кретенос.

Па каже:

"Ја свих ових дана,
преко Рохана,
Орке и Варге прогоним..."

За 2013-та, Brainstorm Digital има работено на The Wolf of Wall Street, Boardwalk Empire, The Immigrant, Discovery Channel's Gold Fever, The Dilema, History Channel's The Men Who Built America, Frost/Nixon, и Going the Distance. Инаку работат на создавање визуелни ефекти.

Сред бел ден, на прометна улица бел дечко на очиглед на сите околу половина час се обидува да украде кола. Никој, ама ниту една жива душа што мина покрај него, не му обрати внимание. По ова на ред доаѓа црнецот. Тој има околу 2 минути.

Симболот на женската сензуалност и нејзината урбана еманципација од јаремот на селото полнат 75 години. Во далечната 1939-та година, на една светска изложба претставени се како револуционерно откритие, заедно со фотографијата во боја, телевизорот и клима- уредот. Веќе првата година прават чудо - продадени се во 64 милиони пара во САД по што машките фантазии веќе никогаш нема да бидат исти.

Видеото да се гледа во состојба на комплетен зен. Откако нема да ви се верува што сте виделе, изгледајте го пак, пак е одлично.