Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Ја сакате ли Лили?

Лили е од оние досадните, што одат по човек и не го оставаат да мрдне без нејзиниот поглед. Ама е идеална за оние кои сакаат нонстоп некој да ги следи за да имаат чувство дека се важни. Таквите плаќаат по 500 долари за да ја имаат Лили. Ќе ви се свиѓа.

Што се сменило на Земјата откако сте се родиле?

Треба да ја пробата оваа нова интерактивна веб страница на BBC.

Песна за одјава

Дојде време од часната старина Дејвид Летерман да се прости еден од неговите најдраги и најчести гости, Том Вејтс. Пред него и Џорџ Клуни за првпат ја изведе својата нова песна, "Take One Last Look". Ова е за тебе, Дејв....  

Кога девојка ти долго пие кафе

За две работи треба да те бива за ова. Прво, да имаш девојка. Другото во клипот.

Во лудиот свет на Елон Маск

Додека стигне книгата за подемот на дотком милијардерот, низ неколку цитати за ставовите на Елон Маск за девојките (им треба 10 часа внимание неделно) и за електричните автомобили (тие бараат многу повеќе).

Спрингстин кај Летерман, сефте

Годината е 1993-та. Дејвид Летерман признава дека во 11,5 годишното постоење на "Late Night" постои еден човек кој не успеал да го донесе во емисија. Босот. Брус Спрингстин вечерта е таму. И забива вака.

Животни лекции од Брус Ли

Има вистини што имаат рок на излупена банана - темнеат по само неколку часа од нивното изговарање. Но има и такви кои се безвременски, а нивната тежина се зголемува со секој божји ден. Брус Ли знаел по нешто за нив.

Парадоксот на AC/DC

Минатиот април, Малколм Јанг ја напушти AC/DC, групата која со брат му Ангус ја формираше во далечната 1973-та година. На само 61 година, гитаристот ги заборави она малку рифови од кои се сочинети хитовите кои не се забораваат. Докторите утврдија дека се работи за деменција.

Од мали нозе сè е исто

Малата (гледајте ја како власт) лапала а знаела дека не смее. Ама знае и дека таткото (гледајте го како народ) нема да се лути ако за лапањето не останат трагови. Затоа, прави коалиција со мајка ѝ (гледајте ја како медиуми) да ја забушат работата. Класика.

Кога работите се гледаат од горе

Наш човек обожава да ја посматра ситуацијата озгора, за да ја сфати големата слика на она што се случува. Фино тоа, освен кога погледот од горе е единствениот поглед на својот живот. Како кај овие фудбалери кои не гледаат ништо пред себе ама затоа имаат монтирано опрема да се гледаат од птичја (гео-стратешка) перспектива. Судијата исто. Комплетно дезориентирано лудило.

Јади како стварно да вежбаш

Првата е жена која крева два пати поголема тежина од нејзината, вториот е маж, новинар, кој ќе се обиде еден ден да јаде како Двејн Џонсон.

Човек на човека му јапонски ТВ сценарист

Во игра која слободно може да се квалификува за некое следно продолжение на "Пила" се среќаваат две Јапонки и една бубашваба. Правилата на играта се многу порасипани отколку што може да замислите.

Чип, компјутерот од 9 долари

За 9 долари не добиваш монитор, тастатура, маус или пак маус пад , ама за тоа добиваш процесор од 1 гигахерц, 512 МБ рам и 4 ГБ меморија, плус вградено ВиФи и Блутут.

Ништо без пријатели

Ако немате партиска врска или роднинска или која и да е друга врски што пали денес, тогаш за своето вработување не е лошо да имате еден ваков пријател.

Владимир Путин, лидерот од малку зборови

Истиот човек што на пола поп сцена им ги извади зборовите и музиката, сега реши да му посвети малку внимание на Путин. Изгледа подобро од што и да е до сега.

Од вас поштените.....

Порно индустријата ги има своите AVN PORN AWARDS. Кремот на социјалниот живот и глобална влијателност ја има својата МЕТ GALA вечера. Поглед набрзинка:

Турско песок кафе

Кафеџилница сред Акаба, Акаба сред Јордан, Јордан сред пустина. По истата логика како што ти ладиш пиво во река.

6 часа Фотошоп во 90 секунди

Ова е дело на Елизабет Мос, девојката што работи како главен ретушер во Реар Диџитал Арт во Њујорк. Видеото се развива на ист начин како што се развива твојот вкус за девојки / дечковци после секое пиво.

Металика, мој (обратен) друг

Дечково ја свири Enter Sandman од Металика обратно а потоа го пушта видето обратно. Чудесии што нема да им текне..

Витни Хјустон е жива

Само што џанакот денес живее и работи во форма на дебелко кинеско момче. Репертоарот и е тој па тој ама пее уште подобро од некогаш.

Погледнете си го телото

Бескорисен ама интересен визуелизатор на вашето тело. Подесувате неколку параметри и гледате како изгледате и како би изгледале кога би вежбале (толку и толку саати неделно).

Животни версус лубеница

Кога ќе видите како добродушниот нилски коњ смачкува цела лубеница како да е манчмелоу, ви станува јасна глобалната статистика зошто од нив гинат повеќе луѓе отколку од лавови или ајкули.

Мајчин контра протест

Балтиморски протести. Млад и бунтовен дечко, маскиран и спремен за лута пресметка со полицијата. Но, го наоѓа мајка му....

Разјарениот бик

Ете во што е разликата меѓу бик и вол. Да беше вол, ќе го убедеа дека внатре му е убаво.