Пред некој ден во својот дом во Њу Џерзи на 90 годишна возраст почина еден американски безбол играч. Ќе немаше причина да го бележиме овој настан доколку не се работеше за Јоги Бера. За пароли ние го имавме Грунф од Алан Форд, Американците го имаа Јоги.

"Broken India" е фантастичен фото серијал кој ја покажува реалноста зад стилизираните фотки по Инстаграм или државните маркетинг кампањи за промоција на убавините на една земја. Не се сите слики драматични но се доволно впечатливи за да го оживеат прашањето кој што сака да види во една слика. 

Затоа што изборите доаѓаат, а ние пак ќе треба да глумиме дека веруваме на ветувањето дека овој пат ќе биде поинаку, ајде со време да ја навежбаме "да, да, прави си што зборуваш, не си ти таков" фацата. Видеово ги содржи сите елементи што треба да ги има еден политички спот, видете каде сте најслаби со глумењето лудило и добро навежбајте ги тие делови.

Егоцентричниот поглед на светот налага да се чувствуваме дека бегалската криза е нешто што нам ни се случува, дека ние сме тие што страдаме и што сме оштетени од бегалската криза, а не луѓето кои во момент мораат да го напуштат својот живот и да тргнат на "библиско" патување од илјадници километри. Последователно на ова европските и западните медиуми сета работа ја пренесуваат како  - европска бегалска криза.

Збирката повеќе е критика, односно воодушевување од технологијата и критика за тоа колку глупо ја искористуваш оваа невидена технологија што ја имаш на располагање.

Не филозофско или библиско, туку крајно физичко зло - патека за трчање. До сега најпрецизното дефинирање на одвратноста на патеката за трчање доаѓа од затворски чувар од 1824-та: монотоната постојаност, а не нејзината суровост, е она што го сочинува нејзиниот ужас.

Идејата им е да покажат што сè работи на погон од Хонда мотор. Изведбата на сето ова им е спектакуларно комплицирана и мерак за гледање, нешто како анимиран филм за автомеханичари за пред спиење.

Пред нешто повеќе од 8 години, на 29-ти јуни 2007-ма, Епл го пушти во продажба првиот Ајфон. Денес никој не може да го негира неговиот успех и револуционерноста. Пред 8 години беше поинаку.

Малку ни е незгодно да промовираме животни мудрости од некој кој самиот си го одзел животот, додуша на 67 години - доволно време да знае што зборува, иако не секогаш и што прави. Можеби звучи чудно, но гласот на Томпсон е глас на американски моралист, кој често се прави грд и глуп за да ја исмее глупоста и грдоста на светот околу себе. 7 цитати од него кои можеби ќе ви го сменат погледот на реалноста.

Погледнете едно импресивно видео како два дрона направија висечки мост по кој може да оди човек. За кога ќе ве фати гужва на излез од Скопје поради оној мост кај Хиподром кој никако да го завршат.   

Ако е вистина дека "карта е курва", тој е суверен сопственик на ланец бордели.

Вие можете слободно да го сметате за луд, ама, без него, како ќе знаевме дека плутонскиот јазик всушност звучи како Унгарец кој држи аукција во Тексас?

Прашај. Сериозно, само прашај. Прав нарцис никогаш нема да ти сoкрие или па да се срами.

Две пицерии, двете во Њујорк, двете со различен бизнис план, а и генерално став кон животот. Ако се фатите за техникалии (да овие ја продаваат на парче 1 долар, овие цела за 1.000), комплетно ја утнавте поентата.

Нема нешто што може да те утеши после пораз. Ама тоа е само затоа што меѓу тоа нешто, не си ја предвидел ќерка ти.

Две видеа од две сосема различни употреби на популарните летала.

Неколку совети околу жените за жените, шамарање за тие што јадуваат околу жени со мускули и генерално здрав став околу животот.

Триесет преубави мали и живописни места за живеење расфрлани по светов. Спојлер: ја нема Каменица.

Не, не стана Ентони Бордејн, туку стана Дарио Роси, тапанар на се и сешто за кое некогаш си јадел заушки од мајка ти. Од сите овие тави, тенџериња и тигани, Роси вади сериозно бесно техно.