Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Откажете се од пушење со помош на печурки

Конечно да наидеме метод за одвикнување од цигари на кој би му дале шанса. Неколкупати. Да, да, ТИЕ печурки.

Вака се слуша претседател

Моќниот Лукашенко си кажа. И луѓето го послушаа!

Иде Дунав, сред трговски

Поплавата во провинција во Кина во голем дел е предизвикана од Ел Нињо, Ел Нињо пак во голем дел е предизвикан од Кина.

Не се закачајте со кинеска стјуардеса

Кинеските стјуардеси не ги обучуваат да се смешкаат и да бидат љубезни со патниците. Ним тоа природно им доаѓа ако успеат да ја завршат обуката.

Замрзнати работи vs. чекан

Без разлика колку и да се труди дечково да го сврти видеово на наука, многу повеќе се работи за најосновен мерак да кршиш замрзнати предмети пред камера со забавена снимка. И излгеда баш така добро како што си замислувате.

Колата што ќе ги снима сите реклами за коли

Прилично е грд, и не е нешто многу автомобил колку што е скелет на кој компјутерски ќе може да се надодаде маската од кој било автомобил, ама предвидувањата се дека ова е иднината на рекламите за автомобили.

Зошто Џејмс Меј беше отпуштен во 1992

Во тоа време водителот работи како уредник во Аутокар магазинот, а една од задачите му е да го состави годишниот каталог на авто-тестови на отворено. Под составување на изданието се подразбира и да ги напише текстовите, или барем воведите за него. Премногу добра шанса за Меј за да не ја искористи.

Исланд се сака и во 94-та минута

Ова што ќе го чуете е исландскиот коментатор од вчерашниот пренос од натпреварот меѓу Исланд и Австрија. За тие што не се запознаени, Исланд во 94-та минута дадоа гол со кој одат во осмина-финале, без голот, имаше шанси само дома да одат.

Фиќо е за ебачи

Одличен пример како со маркетиншка луцидност се доловува посакуваната таргет група на производот, а притоа да се избегне баналноста и вулгарноста која, ете и ние, ја избегнавме во насловот.

Кратка туристичка хорор приказна

Не е немање клима, валкани чаршави или општо лошо сместување, не им се расипал автобусот или дека "шоферот не пушташе клима пошто му дуваче во грб", не е ниту лоша храна или "на 8-ми ден ни снема пиво во ол-инклузивот," туку е банкомат на плоштад, сред Виена, и како може да се разбудите без скршена пара на кредитната картичка.

Актерите и оригиналот

Десетици биографски филмови и визуелна споредба меѓу глумците што ја одиграле улогата и ликот што го глумат.

А ова е твојот мозок на храна

Исто како професионалните маалски муабети за тоа која храна како ти влијае на трицепсите, бицепсите и стомачните, само на научна основа и наместо мускули избран е мозокот.

Веројатно најбрзиот пит-стоп во историјата на Ф1

Ај види што можеш да направиш за нецели 2 секунди (1,92), ај сега види дечкиве што можат да направат за нецели 2 секунди. Видеото е од трката во Баку, во болидот е Маса, а механичарите се на Вилијамс.

Девиците од бугарскиот пазар на невести

Новинарка посетува ромско семејство во Бугарија кое за кратко време треба да ги продаде своите две ќерки на пазарот за невести. Таа е загрижена како тоа родителите може да си ги продаваат ќерките, родителите се загрижени како тоа ќерките може да не ги слушаат околу тоа што тие им имаат одбрано за потенцијален зет. По ова, оди на прошетка со некои од девојките.

Брегзит според Британец во Америка

Почнува со "Британија, родното место на Битлси, а сепак Ринго Стар на светот," па натаму станува само посериозно како за сегашните последици пред Брегзит (минатата недела беше убиена пратеничка, која според нејзиниот убиец била предавник затоа што се залагала против излегување од ЕУ), така и за земјата вон ЕУ, која и како аутсјадер пак ќе мора да се води голем број правила од Брисел.

Јапонскиот Доналд Трамп

Премалку халуциногени супстанци имате во себе за да разберете јапонско видео во кое Доналд Трамп станува светски лидер и ги исполнува мечтите на една тинејџерка. Полесно е да запамтите дека Трамп на јапонски се пишува вака: トランプ

Шварценегер за денешните бодибилдери

Ситуацијата е дека еден од најголемите бодибилдери на сите времиња, е изваден од памет од тоа како изгледаат неговите колеги што денес се натпреваруваат.

Грга Питиќ, прататкото на Алибаба

По повод статијата за Алибаба (Она што ние го продаваме е подобро од оргиналот), легендарна сцена од филмот Црна мачка, бел мачор.

Толеранција, затоа што парите на сите ви се исти

Мекдоналдс за Еуро 2016 со кампања за помирување, или ако ништо друго барем толеранција меѓу навивачите (бидејќи ретко кој бизнис видел ќар од закрвени навивачки орди).

 

ГСМ Арена за овошје

Ги има сите модели на овошје, со сите можни информации што може да те интересираат или не, поделени по групи и плус може да споредуваш најразлични овошја.