Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Оригиналите се преценети

Патот до добар фејк почнува од комплетна незаинтересираност за оригиналот, и со таква почетна позиција речиси и да нема крај на можните комбинации.

Основни лекции по паркирање

Прва лекција, немој да паркираш блиску до пруга. Прва лекција под Б, на тој што паркира блиску до пруга возот за ништо не му е крив.

Русиве ги решаваат најбитните проблеми на денешницата

Како да сипеш Кока кола а да не ти се направи цела чаша пена, па да чекаш пената да слегне за да ја дополниш чашата. Алатката која ќе ви помогне во тоа не е руска ама размислувањето е.

До сладолед никој не дошол потешко

Сме виделе ранети предатори и деца во Африка како полесно доаѓаат до оброк од овој кутар дечко. Викаат, од тогаш само на стапче јаде.

Кругот е малечок, а елените се стока

Иако елените како вид имаат фатено глобално добар пи-ар, работите во Јелоустоун тргнуваат значително на подобро откако во паркот се ослободени 14 волци, кои се толку ефикасни во маскарирање елени што целата популација почнува да бега од дотогашните живеалишта и да се крие во понедостапните предели. Само по ова, започнува комплетната „ренесанса“ на паркот.

Сè што треба да знаеш за себе

Или: зошто најнекомпетентните луѓе мислат дека се најдобри.

Ако Гугл беше човек

Странката: Дали вакцините предизвикуваат аутизам?
Гугл: Имам еден милион резултати кои викаат не, и еден резултат кој вика да.
Странката: Знаев!

Ајвани 2017

Comedy Wildlife Photography Awards е годишен натпревар кој треба да ги извади најсмешните пози во кои годинава било фотографирано некое животно (најчесто во дивина). И не, не се сите грациозни, величенствени и спектакуларни, туку и они знаат да бидат чисто црепови и морони. Ова се дел од финалистите за 2017.

Тематско Луи СиКеј пакетче

Мастурбирање, секс, порно, патриотизам, депресија, расизам и другите теми што брилијантно ги работеше „човекот што го кажува она што сите го мислиме“.

Како да го збеснеш сопственото дете во 1 потег

Еден од непогрешивите начини е - дај му да нацрта нешто што ќе го истетовираш на себе. Што ќе речат некои искусни родители „оди па кажи му после дека мора да јаде боранија“.

Да ви каже нешто Дејв Шапел за Холивуд

Поентата на Шапел е дека за да успееш во Холивуд (шоубизнис општо), посебно за тоа да достигне глобални размери, мора, ама мора, да си ужасно силен како човек (како карактер). Прашањето на Шапел (11 години пред есенва да почнат да се редат секакви непријатности од Холивуд), е што тоа треба да му се случи на така силен човек за да доживее крах, како што се случува да видиме од некои од најпознатите ѕвезди.

Ако продавате кола, набавете си режисер

Жената ја огласува својата стара Хонда за 499 долари. Маж ѝ, режисер, решава малку да ја подбутне работата и да му даде душа на огласот. Хондата (произведена во 1996-та, со поминати 230.000 километри) на крај постигнува цена од 100.000 долари.

Луѓето кои херојски бранат печени прасиња

Интересен и поучен експеримент во Бургер Кинг, прилично индикативен за човековата природа. Луѓето имаат изострен инстинкт да се побунат ако некој им ја „измалтретира“ нивната порција. Кога истото тоа му се случува на човек (во случајов момче) во нивна близина, мнозинството главно нема проблем со апетитот.

Знам каде живее твојата мачка

На јавни хостинг сервери постојат 15 милиони фотографии тагнати со „маче“. Овој проект се ограничува на еден милион слики од кои можеш да дознаеш во која куќа живее сопственикот само затоа што бил горд на своето маче па решил да сподели фотка од него.

Ко те има, тај те нема Ф1 болид

Иако со квалитетни информации (пример како лежат возачите на Ф1 додека возат) и со одлично изведен разговор меѓу водителот и гостинот, главниот лик на видеото е Ф1 болидот на Мерцедес. Технички болидот не е таму, тоа што ќе го видите на клипот е компјутерски генериран болид, и ќе мислите дека измислуваме.

Правила и богати

Ако треба во едно видео да го сведеш избегнувањето данок од ултра богатите мултинационални гиганти, ова е тоа.

Октомвриската револуција во живо на интернет

Октомвриската револуција е „октомвриска“ само затоа што тогаш уште се смета по „стариот“ календар, инаку по денешното броење на деновите се паѓа на 7-ми ноември. Денес е 100 години од Октомвриската револуција, и во таа чест на интернет е поставен „Проект 1917“ или како би изгледала Октомвриската револуција кога од минута во минута би била пренесувана на социјални медиуми, со твитови и фб статуси од Ленин, Троцки, Дан и компанија, снимки од вонредни вести и извештаи од случувањата.

5 работи што станаа поштетни од пушење

Бројот на пушачи меѓу возрасните во САД е паднат од 42% во 1965 на 15% во 2015. Како што оваа опасност почнува да се стишува, така научниците почнуваат своето внимание да го вртат кон животни ризици кои се во подем и зафаќаат се поголем удел од црните статистики.

Инстаграм туристот што не мрда од дома

Агорафобија е страв од отворен простор, јавни места и многу луѓе, и најчесто резултира со самонаметнато затвореништво во сопствениот дом. Џеки Кени е од Нов Зеланд, живее во Лондон, и страда од агорафобија. А и се шета и се плаче. Драмата на Кени значително се стишува кога таа го открива Гугл стрит вју, и сега не се симнува од сервисот. Како што „патува“ низ Стрит вју, така почнува да прави принтскрин од места на кои била и да ги објавува на Инстаграм. Моментално на Инстаграм ја следат над 80.000 луѓе, и чекаат да видат на кое ново место ќе ги однесе.

Кратка историја на Балканот

Место каде што Римјани тепаа Авари за потоа Авари и Словени да тепаат Римјани па после Словени тепаа Келти и Угари за потоа Словените да бидат тепани од Турци и Угари кои се тепаа и меѓусебно за на крај Турците да бидет потепани а на Словените да им остане да се тепаат со Угари.

Да ја вратиме неделата

Kрајно време е да ја вратиме неделата. Ако тоа брзо не го направиме, никогаш веќе нема да ја видиме. А живот без недела, односно, живот без одмор, веќе не е живот, туку тегобен рингишпил кој се запира само еднаш - тогаш кога е доцна за сè.

Кимел традиционално ги порази децата на Америка

Пак истиот предизвик од Кимел до родителите, да им ги земат сите бомбони, чоколатца и какви сè не благца што маливе ги собрале претдходната вечер по куќи, и да им кажат дека ги изеле. Родителите пак повеќе од волни да соработуваат со Кимел против родените деца.

Човекот кој прв ја импровизираше американската химна

До 1968 година, американската химна се пеела канонски строго, како што налага оригиналот. Но тогаш на сатдион излегува еден слеп човек, со гитара в раце и отпејува своја верзија на химната. Оттогаш „The Star Spangled Banner“ никогаш не звучи ама баш исто.

За чистењето токсини

Логиката е дека систем кој милиони години еволуира, се штелува и адаптира, и е поставен така што во секоја негова нова верзија треба да се пренесуваат само подобрените и унапредени функционалности и можности, зависи од тоа дали ти ќе купиш нешто за да му помогнеш да се прочисти и спаси од токсини. Од друга страна па, зошто некој би стоел на патот на вашата клизма?