Се вика Оливер Струмпфел и минатата недела го сруши рекорд во носење кригли, што сам го постави во 2014. По ново, рекордот е 29 полни кригли со вкупна тежина - 69 килограми.

Возрасен, здрав и физички доминатен примерок на мажјак, искален низ стотици секојдневни битки се соочува со двајца претставници на своето потомство од родот мала ќерка и уште помал син, кои треба да бидат убедени да јадат зеленчук.

Како што расте меракот и филозофијата на рестораните да се глупираат со твојата храна и како ти ја сервираат, така почна да се развива и шири едно меѓународно движење на луѓе кои не можат да ги поднесат неразумните нови трендови во сервирањето храна. Се вика "Сакаме чинии" и има две многу едноставни барања - храна во чинии, пијалок во чаши, и толку.

Човеков се обраќа на секој што е лично и длабоко запознаен со постапката на одложување на секоја можна задача до крајни можни рокови, и пробува да им (ни) помогне, пред стварно да снема време. Од кај знае што треба да се направи? И он е ист таков.

Премиерот на Антигва и Барбуда, за американските медиуми соопшти дека ураганот Ирма има оштетно најмалку 90% од сите објекти и возила на Барбуда, и островот е на раб да биде ненаселив. Воздушните снимки од карипскиот остров само потврдуваат сè што тој кажа.

Луѓево чекале 90 минути за да го видат легендарниот „Летечкиот Холанѓанин“, британскиот воз на парен погон кој сообраќал меѓу 1849 и 1892 година. И ене го, легендарен, бавен таман за да го видиш убаво...

Станува збор за многу пообемна колекција дизајни на кутивчиња кибрит од Источниот блок од 50-те и 60-те години од минатиот век. Ние се фативме за вселенскиот дел од оваа колекција.

Катерина Кампрани е Гркинка чија единствена цел во животот е да те извади од кожа од нервоза и сето тоа успешно го прави под закрила на уметност. Треба да си посебен тип на нечовек за да ти дојде да составиш вакви накази што ти го унепријатуваат раатот.

Ако доволно долго го гледаш човеков каков работи постепено почнуваш да се импресионираш од ваквата чиста и непоматена неефикасност и рамнодушност во работата.

Не дека морско по дифолт е лошо ама дометот на неговата употребливост најчесто е до - дај да сменам нешто денес. Сепак, снимкава покажува едно содржинско дополнување на лепезата на морска храна за кое до сега не сме биле свесни.

За да не бидат прегазувани од бикови Шпанците решија во тие трчањата по град крупната стока да ја заменат со џиновска топка, со тежина од 300 кила. Освен тоа што нема да те наденат на рогови, ништо друго не е подобро.

Кога ќе видиш ни еден од двајцава не греши, само може едниот поправилно ја користи механизацијата што му е на располагање, а другиот е Рус.

Преговорите за брегзит официјално започнаа на 19 јуни 2017, речиси една година по референдумот со кој се побара отцепувањето на Британија од ЕУ. За Британците проблемот не е веќе кој за што гласал, туку како може тој што напињал за заминување од ЕУ да нема блага претстава како да се случи тоа.

Ако можеше Нокиа да ги поврзува луѓето, може и ова нашево, си помислиле луѓето од австралиската индустрија на јагнешко месо. Па смислиле спот со Господ, Исус, Мохамед, Буда, Афродита, Мојсие, Ганеш, оној скиентологот Хабард... Поентата на спотот е троа глупа, ама муабетите се добри (Исус прави стари финти со пресврт), а софрата - боговска.

Уште еден фин момент од паузите на снимањето на Игра на тронови. Пар познати ликови од серијата фаќаат една од раните песни на Том Вејтс, I Hope I Don't Fall In Love With You. Па преубаво.

Како што оброкот не треба да биде само прехранување туку секојдневна церемонија на спокој, така и на подготвувањето храна треба да му се приушти сличен пристап. Земја на потекло: Италија > Сицилија > Сиракуза.

Не е лесно да не можеш да го поднесеш светот, ама некој мора и тоа да го прави. И не се жалиме.

Тоа што за цела твоја демографија може да се состави комплетно автентична реклама од сток видеа, никако не треба да ја пишмани твојата самоувереност во тоа колку си уникатен и неповторлив.

Да не вршиме притисок ама греота е човек да го пројде животот мачејќи се како грешник. Исто и пешадија е решение.

Прав спортски пациент озбилно ќе се загледа во ова, особено во драматичните фото-финиши. На прав спортски пациент ќе му простиме ако нè пцуе за спојлеров: победува порцеланка а нашиот фаворит, троперката, мораше да се задоволи со бронзен медал. 

Како пакет, ова е една многу инспиративна показна вежба во која познат француски фотограф научен да работи со опрема од десетици илјади долари покажува какви велелепни фотки може да извади користејќи само Ајфон, кутија од Биг-мек и рачна лампа. И пред да извршите церемонијално лупање на вашата опрема од ѕид, треба да знаете дека има една цака: откако ќе ја искористи комбинацијата Ајфон, картонска кутија и рачна лампа, работата е довршена со комбинацијата ВСЦО, Фотошоп и Лајтрум (сите три на мобилен).

Дечково не е Ал Банди ама ќе промрчи. Работи како продавач и без прозборен збор знае сè за тебе, и тоа со инсајдерски детални податоци. само врз основа на чевлите што ќе му ги донесеш на каса. Сличностите не се случајни.

До сега најмодерно беше да не можеш да се изгориш од плотната на шпоретот. Кај новиот систем на Босе, и тенџерето останува ладно, иако водата во него врие. Овие што изработуваат подметачи за жешко, време е да почнат да си прават шупелки.

Најстарата родителска финта на светот сè уште функционира беспрекорно.