Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Антон, ти глуп ли си бе?

Човекот шпарта низ Јакутск (еден од најстудените градови во Русија) и лето и зима, и во вреќи собира ѓубре расфрлано по улиците и парковите низ градот. И така повеќе од 10 години. Парите што ќе успее да ги собере од ова, дал преку продаден отпад, дал преку донации, Антон Василев ги конвертира во помош за најсиромашните во градот. Насловот е едно од прашања што редовно му ги поставуваат на Антон.

Питерсон ликс

Неколку десетина илјади од вас го видеа фамозното интервју на Питерсон со Кејти Њумен кое го објавивме пред пар недели. Сега протекоа и нови, досега невидени моменти од таа конверзација. 

Попаметниот попушта?

Ако е тоа точно, тогаш овде имаме двајца паметни. Само што прво попушти стаклото а потоа и дечкото.

Куглање за Флорида?

Бројката убиени во средното училиште во Паркленд за сега изнесува 17 луѓе, а ужасот од масакрот е само надополнет со болната подлост на планот на убиецот. Според полицијата, убиецот влегол во училиштето за време на часовите, го активирал противпожарниот аларм за учениците да излетаат од училниците и да го наполнат ходникот, по што почнал да пука. Убиецот е вооружен со полуавтоматска пушка АР-15, димни бомби и гас маска.

Овие почнаа врати да отвораат

До сега ги имавме роботите на Бостон динамикс како одат стабилно и демонстрираат рамнотежа (како ниту еден робот пред нив) дури и кога ќе бидат шутнати. По ново, овие четвороножни машини научија да употребуваат квака.

Направи сам: семејна драма

Семејни парови од типот баба + зет, невеста + свекор/свекрва, седнуваат со неколку шишиња алкохол и почнуваат да си поставуваат прашања еден на друг (која по ред ти е ќерка ми, што мислиш за мене, каде прв пат сте имале секс со син ми...). Врват прашања, врви и алкохол. Ако ви држи, слободно пробајте ги прашањава.

Прописен даунхил со точак

Човек што на Водно ти објаснува дека он пази како се симнува со точакот по пешачка патека сред шума (на која меѓу другото има пензионери, деца, кучиња...) е на исто ниво како човек што на излегување од пијанка ти објаснува „ако имам пиено можам да возам кола, ќе пазам.“ Сигурно ќе пазиш, ама зошто некој да зависи од твоето пазење. Најди своја пустелија па внимавај само на својата глава наместо на уште десетици други. Пример како ѕверовиве.

Сите проблеми со лажирање на слетувањето на Месечината

Во 1960-те би било далеку поевтино да се испрати вселенско летало и да да се слета на Месечината, отколку целата работа да се лажира.

Тоа што ја лепиш камерата на лаптопот нема многу да ти помогне

Не дека хакери можат да пројдат преку изолирбанот што го ставаш, ама во моментов имаат толку многу начини да те прислушуваат и снимаат што правиш, што лепенката единствено може да ги ти помогне да се чувствуваш подобро, и ништо повеќе од тоа.

Ноќ во Медисон сквер гарден

Во 1939-та 20 илајди Американци се собраа во Медисон сквер гарден во Њујорк за да го прослават подемот на нацизмот, настан претежно заборавен во американската историја. Целото видео се базира на архивски снимки од настанот.

Колибата наречена желба

Едно од најубавите отварања на врата што можат да ви се случат. Веројатно и едно од најскапите.

А што убаво му беше

Дедо со вообичаена сенилност, во моменти на разбистрен ум дознава колку години има. А има 98. Најчовечка реакција: „Па како брзо така остарев?“ А кога му текнува дека за две години ќе полни стотка, уште почовечки: „Па јас ЌЕ бидам факинг стар човек!“ Преубав.

Рецензија на инцидентот на Трамп

Ако има поголема нејаснотија од тоа како Трамп е претседател на САД, тогаш тоа е - како воопшто се случува фризурата на Трамп. Деновиве на качување во авион, ветерот ја отвори икебаната од коса што американскиот претседател ја носи на глава, и луѓето станаа уште позбунети (и позгорзени).

Последниот „Dirty dancing“ џедај

Ако имаше една носечка порака последниот филм од Ѕвездени војни, тоа е дека танцувањето ги надминува сите разлики и ги решава сите проблеми. Барем во оваа верзија од филмот.

Рок симфониски оркестар

Веројатно ако некогаш дојде денот кога последниот човек ќе ја затвори планетава и ќе се исели на друго место, оваа верзија на „Smells Like Teen Spirit“ ќе оди во позадина. Главниот вокал е 17-годишната Меккена Бреинхолт и е придружена од оркестар и хор од 110 луѓе.

Боб Марли: Како се сака жена

„Најголем кукавица е оној маж кој ќе ја разбуди љубовта кај жената, без намера да ја сака“, викаше растафаријанецот. Па ќе каже:

Како поп треба да доаѓа во црква

Откако генералштабот на МПЦ си ја најдоа мајката (едно ебено интервју не дадоа за на паствата да ѝ го објаснат овој коперникански пресврт), редно е дечињата да ја апгредираат својата појавност и стил. Нормално, пари да бараат од мајка им.  

Аматерска снимка од слетувањето на двете Фалкон ракети

Човеков нашол агол од кој целиот подвиг на Спејсикс изгледа уште поневеројатно и уште повеќе научно-фантастично. Аудиото само создава дополнителна стравопочит.

Не закачај војска

Бил Бур не може да се начуди како тоа од нација на хипици кои своите војници ги третираше како убијци на деца, Американците се претвориле во нација која доживува божја епифанија кога ќе види воени авиони над Супербол. А самиот штос со кој си навлекол гнев е многу буровски - здраворазумен, циничен и генијален: Ајде оној што вози џет да го рачунаме за јунак, ама оној што на писта му покажува во кој правец да летне?

Германецот секогаш одел прв

Прво го пуштаат него а дури откако им се чини безбедно, настапува глутницата. Сцена од полициска акција во Калифорнија.

Љубоморната кралица

Тој и натаму може да си биде кралот на животните, само да му се даде до знаење дека го јадел, ако опашката му мрда по погрешна кралица.

Абсолут вотка нема што да крие

Тоа што ќе го изгледате е реклама на Абсолут. Тие што ќе ги видите угол голи се автентични вработени на Абсолут. Поентата е - ништо не криеме.