Ѝ го намалиле џепарацот под 2.500 долари а наместо колата што ја сака, планираат да ѝ купат Мерцедес Ц класа! И на крај безмилосно ја дотепаа со идејата нешто да работи. Мајка на 15 годишна тинејџерка, дојдена по помош, едно 10 години предоцна.

Празничната атмосфера е во самиот шпиц и никому не е сеедно: едни се радуваат и едвај чекаат да се докршат вечерта а други најрадо би го преспале периодов и би се разбудиле некаде посл Стара нова, кога атмосферата ќе се врати во нормала. Може е до нас, ама некако ни се чини дека вториве сè повеќе ги има.

„Не веруваш во Господ??? Е па, нема да добиеш ништо за Божиќ!!“ Хмм, ни Имануел Кант не би можел да смисли подобар аргумент. И на крај ѝ вика „Добро“ а таа, како ѝ секоја мајка, му враќа „Не, не е добро!“

„I cannot believe this is the end (oh no). I still feel your love inside me. I still sing your words. I make a wish as your star falls...“ Ако мислите дека се ова стихови од некоја лигушка љубовна песна, точно е. Само што овде субјектот не е девојка, дечко или трансџендер, туку факинг Велика Британија и нејзината одлука да излезе од романтичната врска со ЕУ.

„Не сме со сите“ ако успеваме да заборавиме на оние наши кои се сами. Осамениот дедо најде брутален начин како да го потсети својот пород дека одвреме-навреме треба да бидат заедно.

Мислевме дека финтата е нешто во тоа љубопитното куче, дали ќе го јаде или не. А после кучето го тргнаа ама се отвори мрежата.

Илузионистички трикови кои можете да ги вежбате секојдневно. Додека не ве избркаат од продавница или не ѝ збоктисате на теткицата на каса.

Ако мислите дека вам денов не ви е баш најсреќен, погледнете ја оваа дневна доза к'смет.

Пред точно 14 години на интернет осамна „Нума, нума“ едно од оригиналните вирални видеа (што е посебен подвиг во време кога Јутјуб се уште не постои). Додека содржината му е чиста идиотштина, она што е дражесто околу него е што потсетува на времиња кога немаше семоќни социјални мрежи кои го следат и продаваат секој твој клик и интерес, кога деновите не ги минуваш зјапајќи во екранот на мобилниот, и кога технологијата беше само алатка а не зависност.

„Jingle Bells“ отпеана на ромски, сосе трилерчиња, сосе сликички од преубави деца. Чујте ја песната и кога ќе ги видите на раскрсница да бришат шофершајбна, или на маса да ви продаваат жижици, дајте некој денар и прашајте се „Do they know it's Christmas time?“

Дали сите валии се затворени, протерани или потепани? И целата нивна свита? А секогаш доаѓаат нови, и доведуваат своја свита, и ги повторуваат глупостите на своите претходници, бидејќи поинаку не можат. И така во круг, без престан.

Од легален дел имаш „гуруа“ кои ги советуваат кинеските компании како да бидат позабележливи на Амазон. Од нелегален дел има сè од лажни рецензии и купување сопствени производи за кревање на рејтингот, до поткупување вработени на Амазон за да ти избришат негативни коментари. Уште една работа, Амазон моментално брои над половина милијарда производи.

Официјално видео  на чикашката полиција за запознавање на своите луѓе со православието, неговите храмови, верувања и обичаи. Фино. Е сега, МПЦ има американско -канадска епархија преку половина век  (51 година). Не се ни спомнуваат. Голема работа завршиле сите тие македонски владици и попови.

„Напредните“ и „прогресивните“ ама баш ништо не научија од лекцијата со Трамп. Додека милиони луѓе пиштат од реални проблеми (губење работа, социјална сигурност, цели фамилии спијат по коли затоа што останале без куќа заради невратен кредит), овие се дрндаат со темата дали божиќните колачиња треба и понатаму шовинистички да се викаат „gingerbread mаn“ или треба тоа да се замени со родово неутралното и политички коректно „gingerbread person“. На следните избори, не за Трамп, за некој ко Љубе лигавиот ќе гласаат од инат.

Дали на некој од овие би им значело нешто ако им објасниш дека тоа што им се случи е само лоша среќа, и нема никаков причинско-последичен однос со нивното постење во космосот?

Предмети и (слики од) згради од поранешна Југославија под наслов „Бетонска утопија“ некое време беа изложени во њујоршкиот Музеј на модерна уметност (МоМА). Ние знаеме како го имаме доживеано и изживеано сето ова, дај да видиме странциве што викаат.

Меѓу останатите работи што ги кажува Пај, една важи за речиси секоја ситуација: „Деновиве има голем број луѓе кои изгледа како да веруваат дека со тоа што нема да дозволат некое мислење да биде емитувано, некако ќе успеат да го искоренат тоа мислење. Не го искоренуваат, само го потиснува, а тоа создава презир.“

Се возиш со лифт, запира на некој спрат, се отвора вратата од лифтот и ја гледаш Мишел Обама како скока на јаже! Ете, такви финти им прават со Џими Фалон. Да не замислуваме локални примери, да не ја упропастуваме добрата финта.

Џереми Корбин прописно го наеба во парламентот откако за време на една тирада на Тереза Меј, во брада си прокоментира нешто што звучи како „Глупа жена!“ Подоцна, тврдеше дека рекол „stupid people“ а не *stupid woman“. Е, така веќе може.

Позамашна збирка сочни филмски навреди и пцовки, вешто накалемени на една разиграна денс матрица. Оф, оф, фак офф.

Диња „им објаснува на соите деца“ како се запознале со татко им. Таа му пишала „свињо смрдлива“, тој ѝ пратил фотографија од својот пенис. Таа му рекла дека не е сега тоа тема, ама... 

Да не бевме заколнати на вечна верност кон НАТО и на ексклузивна љубов кон западните вредности, ова ќе нè дирнеше во срце. Песната некогаш масовно се имаа пеено по работни акции на покојната Југославија, посветена е на легендарниот партизански командант Сава Ковачевиќ, а словенските браќа од Украина некако се сетиле па предводени од прекрасната Маргарита Мелешко, пакосно нè потсетуваат како беше да се имаат луѓе кои вредат да се слават.

Црепот одбрал на своето единствено тело на светот да ја овековечи Анџелина Џоли и за тоа дедицирал „топ банер“ позиција, на левата надлактица. Го оставил боцкачот (ќе видите зошто не го викаме „тату артист“) со мирна рака да го заврши своето делo и ете, конечно доаѓа моментот тоа да се обелодени. Пазете ја вие таа фаца како полека сфаќа дека со калеш Анѓа ќе мора засекогаш да живеат заедно! Или барем додека некоја ампутација не ги раздели.

Кога ќе се отвори тунел па ќе тргнеш низ него. За да видиш дека и на другиот крај е некако исто (срање). Па ќе посакаш да се вратиш онаму од кај што си тргнал. Ама малку ќе задоцниш со одлуката. Тоа е.