Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Ок, ќе биде апокалипса, не замарај

Експерти треба да се слушаат кога имаш проблем со водоводот или со коленото, не и кога треба да ја предвидуваат иднината. Пред 30 години експерти тврдеа дека денес Малдиви ќе бидат по вода. Денес Малдиви отвораат 4 нови аеродроми.

Упорноста се исплати

Да, само што онаа изрека за убавиот и упорниот, не се однесува на клецање туку на носење жмучки.

Денот на касиерката

Како минува еден нејзин ден и што сè добива како реакција откако че го каже стандардното, добар ден, како сте? Не смета што е малку поднаместено сето ова, после спотови од кампања, сè е добредојдено.

Мене внучко, ме стрелаа

Во паланечкиот протекторат некој дебело се уцвикал. Обвинителството отворило предмет против, против...  Апасиев! За ОЧИГЛЕДНА заебанција пишана на ФБ/твитер. И ете ги, тргнаа бројлерите товени на грантови да пискаат како е тоа фашизам и како дечкото треба да биде набркан од факултет, уапсен, а што да не, и стрелан.  Има ваљда нешто примамливо во тоа што кога ќе го прогласиш противникот за фашист, во своите очи автоматски си стануваш антифашист.

Кога СССР угаси 1000-дневен пожар со нуклеарна бомба

Пожарот почнува во 1963 во Узбекистан и трае 1074 денови. За овој период Советските инженери се обидуваат со се што им дошло на памет. На крај копаат тунел длабок повеќе од 2 километри, во него ставаат нуклеарка и ја активираат. Успешно.

Како престанав да сум прогресивен?

Дејв Рубин (Рубин репорт) порано беше дел од прогресивците Јанг Туркс. Човек да се прашува кој денес не сака да е прогресивен, треба да е паднат од Марс па да не знае што сè во меѓувреме стана „прогресивно“ и какви сè колективистички лудила се сокрија зад тој плашт. Рубин накратко вика, не скршнав јас десно туку тоа левото отиде бестрага. 

Како се вградува 5Г во маските

Српските тоалетоиди деновиве пуштија во оптек јака вест, дека жиците во маските за ковид-19 се во функција на озлогласената 5Г мрежа. Имаме едно видео за тоа како изгледа работата во еден од тајните центри за оваа операција. Која мајка изгубила ИТ син, можеби ќе го го препознае во овој експертски хаб.

Пинк Флојд на вода

Пред 31 година, на 15 јули 1989 година, Пинк Флојд стапнуваат под импресивното осветлување на една масивна платформа на вода во Венеција и одржуваат концерт после кој градоначалникот мора да даде оставка ама затоа Венеција во портфолиото добива еден од најгледаните концерти на сите времиња.

Ги викаат дечари

Таквите знаат со саати да си играат со деца и никогаш да не престане да им биде забавно. Некогаш знааат од нигде никаде да го изненадат детето со некој подарок и да му кажат: Трк кај мама да те види!

Крши ме, само не ме викај грне

Новиве дечки имаат озбилен проблем со приоритетите, не само на политичко туку и на многу поприземно ниво. Пазете го ова возрасно магаре од БЛМ: има конкретен и реален проблем кој му е буквално качен на глава (рипнати му се да го апсат неколку полицајци и членови на гардата) а тој во таква ситуација се дере: „Јас сум жена, не ми се обраќајте родово погрешно!“

Беше малку заебано, ама, немаше комарци

Прскањето против комарци претходниот викенд даде одредени резултати, така што сега комарци има уште повеќе, плус се побесни. Ги изнервираа со некое евтино срање па се дигнаа и оние мамурните кои не планираа да излегуваат викендов. Сега гризат ко териери.

Секој башка будала

Ако треба некому да му опишете какво е времето и светот во кој живееме, ова е прилично репрезентативна снимка.

Фала му на Бога, конечно сме прогресивни

Гад Саад ја адаптира фамозната изјава на Мартин Лутер Кинг „I have a dream“ на денешните прилики. Сосема спротивно на сонот на Кинг во кој неговите деца нема да бидат судени според бојата на нивната кожа туку според содржината на нивната личност, денес на големо во игра се бојата на кожата и племенскиот колективизам.

А се голтаат семките од лубеница?

Ако имате мали деца, не им го пуштајте ова анимирано филмче, постои ризик дека после него, нема да сакаат ни да пробаат лубеница. Или уште пострашно, да ве тераат да им ја чистите од семки.

За туѓи бели (аха! бели! камај!) дворови

Во Америка паѓаат статуи на историски ликови кои поседувале робови или имале врска со ропството на црнечкото население, меѓу нив и оние статуи на основачот на државата Џорџ Вашингтон. Ами Хоровиц сака да провери дали на луѓето им е дојдено да расчистат баш со сите кои имале робови.  

Додаток за автомобилски авто-пилот

Изумителите имаат (правна) потреба да нагласат дека нивниот гаџет не е поврзан ниту поддржан од Тесла. Ќе видите зошто.

Ќути, се работи нешто

Оваа, генерално лузерска реплика конечно добива оправдување, со оглед на тоа каков економски крш направи пандемијата во светот. А допрва, во втората половина на 2020-та, ќе биде невесело. Значи, ако вашата фирма успеала уште да е на нозе, без големи отпуштања и кастрења на платите, слободно можете да кажете: Ќути, се работи нешто.

Запознајте ги новите „Inglorious Bastards“

Компилација од млади воини за социјална правда кои даваат чесен БЛМ збор дека во иднина нема да се расправаат со оние кои викаат „Сите животи се важни“.Туку дека ќе играат тупаниците. А репрезентативна колекција на ликови. Све мој до мојега.

Животот е ризична појава

Листа на 40-тина активности подредени според големината на ризикот преку нив да закачите корона. Од еден до десет. Најбезбедно е да се убедите дека сте филадендрон. 

Силувањето е под видео надзор

Руски модел обвини еден од најпознатите тамошни фотографи дека ја силувал. 26 годишната Дарја Фисун вели дека дошла кај 56 годишниот Сергеј Бремјенев (пред чиј објектив имаат застанато Пачино, Плесецкаја, Бродски...), дека испиле по една чаша вино а потоа монструмот нагрнал на неа, случај кој го пријавила веднаш по излегувањето од неговиот апартман. Ама па Бремјенев има видео снимка од настанот.

Што е системски расизам и како Америка го практикува

Се работи за еден многу очигледен пример во кој преку државни мерки белците во САД во рок од неколку децении успеваат да набијат по 300, 400, 500 илјади долари разлика во однос на црнците. И после оди стигни ја таа разлика. Како функционира целиот процес објаснува Ричард Ротштајн од Институтот за истражување сиромаштија.

Гадот не знае за доста

Знаеме ние за луѓе кои не знаат да прекинат со пиење, ама ваква жед и кај нив немаме видено.

Зошто маските помагаат против ковид-19

По првичната глобална шкртост на лекарската фела за споделување маски со сите нас (што беше со оправдана причина, но не и со оправдано потекло на истата) сега повторно сме вратени на пред-ковид ситуација, и маските го имаат заслуженото место како најдобрата заштита што денес ја имаме против ширење на епидемијата.

Лондон се даде на пиење

Во текот на викендот кој измина, Англија го направи првото големо олабавување на рестриктивните мерки против коронавирусот. Беа отворени пабовите и музеите. Погодувате кај се направи гужвата.