Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Остајте „лажни вести“, „лажни мерки“ се проблемот

Оние Кинезите начисто ќе ни го искриват светот и тогаш нема да се работи само за перцепција на работите. Оди па објасни се тогаш со ѕидарот, кројачот, женската.... дали работата е добро измерена.

Напни го, Шабане

Како што на Перхан во она алкохолизирано лудило му личеа трубачи на уво, така и на Снуп дог во оваа негова блажена скаменетост, пасент му легнува баш оваа музика. Марли, Питер Тош, Строубери филдс форевер? Ма не, нешто многу појако.

Шеријатски лајф хак

На Дагестанецов жената му се бунела што не може да поминува подолго време заедно со својата најдобра пријателка. Овој ѝ го решил проблемот на начин кој не го очекувала: ја оженил и нејзината најдобра пријателка. Инклузивност, јеби га.

Црно-бело во боја

Ветувањето на сервисот е дека ќе му аплоудираш црно-бели фотки, а он ќе ти ги врати во боја. И тоа и го прави сервисот. Отприлика.

Љубовна песна на денот: Тостови, тостови

Македонските песни имаат два клучни проблема. Прво, што се 98% љубовни, ко да нема друга тема на светов, и второ, што таа љубов се опишува толку шаблонски, што метафорите на Лукас и Цеца се Ник Кејв за нив. Накратко сакаме да кажеме, кој во песна се осмели уште еднаш да спомне „бакнежи врели“, треба да биде посипан со катран и пердуви и протеран на Криволак. Ама затоа имаме песна која ги решава двата проблеми и сакаме да ја споделиме со вас. Така се прави тоа.

Геј парада ли е, воена парада ли е?

Ќе да е воена парада. Во Египет. Или униформите им се на перење или па може стварно мислат дека непријателот ќе биде обесхрабрен од нивните мускули.

Само глупи нема да се опаметат

Глуви ќе прослушаат, слепи ќе прогледаат.... само глупи нема да се опаметат. Дерен Браун објаснува како најчесто се прават оние измами со луѓе кои ветуваат исцелување со помош на верата.

Не заборавајте, полувреме не носи бодови

Не дека ние не би се зезнале, можеби на друга сума, ама на истата понуда. А понудата е да ти дадат пари ако ти истурат ДВЕ чаши вода на глава.

PCR тестовите не се све и свја

На PCR (Polymerase chain reaction) тестовите денеска се гледа како на животна пресвртница и главен аусвајс за тоа во кој дел од логорот ќе бидете сместени. А многу лошо се интерпетира сето тоа. Ако PCR тест ви детектира присуство на коронавирус, тоа не значи дека сте болен од вирусот. Исто како што ако ви најдат покачено ниво на железо во крвта, не значи дека сте се претвориле во наковална.

Кога ќе влезеш во саглам фамилија

„Тука беше, имам сведоци!“ Сцена од еден италијански филм („Бившите 2: И натаму пријатели“) кој го даваат на Фокс ТВ.

Вака ли концерти во иднина?

Флејминг липс деновиве одржаа концерт во родната Оклахома сити, и како тестирање на концепт на свирка во време на пандемија а и попат да снимат спот. Концептот е и бендот и публиката да бидат во свои меури. Ок, не, фала. Еден меур што го имаме ни е сосема доволен проблем за на концерт.

Сатоши Иши, го викаат Брејвхарт

Сатоши Иши е јапонски ММА борец (од лани има хрватско државјанство) кој има златен медал за џудо од Олимипијадата во Пекинг. Прекарот му е од драматичните моменти кога му вадат крв од прстето. 

Вонегат: Кривата на приказните

Стариот мајстор, најшармерски во свет, на табла ги објаснува основните форми на приказните. Магијата  на пишувањето е во тоа што во суштина само три такви форми се, ама на луѓето никако да им здосадат.

Женски метал бенд од Индонезија? Давај!

Се викаат Voice of Baceprot или скратено VoB, што значи бучава на нивниот мајчин јазик. Фрида е вокал и гитари, Еуис Сити тапани и Види е на бас. Го прават бендот пред 6 години, како средношколки. Хиџабот никогаш не изгледал подобро!

Чејсер за претседател!

Чејсер е куче од овчарската раса Бордер коли за кое се проширува муабет дека има неверојатна способност да памти и распознава предмети. Не еден, 2, 5, 10, не ни 50 ни 100 туку преку 1.000 предмети. Научничкиот евангелист Нил деГрас Тајсон оди да ја провери гласината и на Чејсер му прави тест. Во две фази.

Кој има појака папуча?

Онлајн настава сме виделе како изгледа. Онлајн работен состанок сме виделе како изгледа. Онлајн дружење со пријатели сме виделе како изгледа. А сега да видиме како изгледа кога една онлајн дискусија се претвора во онлајн физичка пресметка.

Америка го заслужува братот

Кање Вест го нема на ливчињата во сите држави ама бара да биде допишан кандидат (во САД може да допишеш име на оној кого го сакаш за претседател). Вест досега има потрошено 6 милиони евра за кандидадурата а спотот е една чудна мешавина од семејни сцени и вселенски летала. „Семејствата се циглите на едно општество“, порачува дечкото кој е дел од тулата на Ким Кардашијан.

3Д безжична пластика

Луѓе од Универзитетот во Вашингтон имаат смислено начин како пластични, 3Д печатени објекти можат безжично да комуницираат со смарт уреди, без батерии и електроника. Ние одма би се кладеле на оваа технологија, само што, три години откако постои, таа не е мрдната никаде. Затоа ние за ништо не се кладиме.

Како Бил Бур рекламира пиво

Кога си Бил Бур, успеваш да се избориш да ти направат ролја која ти лежи на табиетот/имиџот и која не е кринџ за да можеш утре слободно да шеташ по улици и медиуми без да викаат, еве го оној лигушот од рекламата.

Роуан Аткинсон за слободата на говорот

Роуан Аткинсон пред некоја година одржа еден бравурозен говор во одбрана на слободата на говорот. Отрезнувачки поенти за сите амбициозни полицајци на мислите, за сите самопрогласени арбитри на јавниот интерес, фашисти кои мислат дека се борат против фашизмот, пуритански лицемери, јазични пицајзли, суетни адвокатки и слични драматичари кои не само што ни го прават животот невесел, туку немаат појма во какво општество нè буткаат со нивното неуморно ужаснување од сенешто.

Женски муабети

Вистинско уживање е да се слуша разговор меѓу две девојки кои имаат што да си кажат и не лупаат без врска. После еден ваков, сериозно просветителски и еманципаторски дијалог, на човек му паѓа жал што една прекрасна земја ко Америка, спадна на тоа да бира меѓу Трамп и Бајден, или Антифа и Прауд Бојс. Гостинка на Алекс во подкастот „Call Her Daddy“ е лична-симпатичната Лана Роадс. 

Пробудете се морни програмери и програмерки

Премисата е следна: што ако докторите ги интервјуираат за работа како што програмерите ги интервјуираат за работа? (Не дека доктори би дозволиле такво нешто.)

Професори од Харвард, Оксфорд и Стенфорд версус логиката на Филипче и Царовска

Постигнување на имунитет на стадото не е стратегија туку признавање на биолошки факт. До него ќе се дојде вака или онака (со природна имунизација или вакцина). Битно е да дојдеме него со што помалку мртви. Се знае кои категории се најризични за фатален исход. Оттука, општиот катанец прави ненадоместливи штети за децата. Треба да се заштитат старите и другите ранливи а на најмладите да им се овозможи што понормално детство и образование. 30 минути професорска обука на оваа тема. 

Прва лекција за даноци

Момчето радосно го отвора чекот од првата плата во неговиот живот и за првпат дознава колку државата му задржува. Да беше кај нас, фацата дополнително ќе му се скаменеше ако знаеше дека со неговите задржани пари се плаќаат луѓе кои седат дома, специјални обвинители кои земаат мрсни бонуси за да чуваат тајни, невладини кои живеат од владини пари, брусење сонца на шахти, иновации за рачна изработка на керамички производи...