Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Америка метричка да е, секој да ја знае

Не само што САД имааат потпишано дека ќе го усвојат метричкиот систем туку сите они нивни будалести мерки како стапки, инчи и галони со кои мака мачи остатокот од светот, всушност им се дефинирани со метрички единици.  

Орангутани, наши луѓе

На посетителка во Зоолошка во Индонезија ѝ паѓаат очилата за сонце во просторот на орангутаните. Ги наоѓа женка, точно ѝ е јасно како се носат, ги пробува и по некое време решава да ги врати, односно да ги трампа за нешто покорисно. Со нула жалење што не станала човек.

Феминистка во стапица

Прашањето е: Ако компаниите помалку ги плаќаат жените од мажите, нели е логично да вработуваат повеќе жени, затоа што се поевтини? Реакцијата сте ја виделе во дебатни емисии: кога наместо одговор, му префрлаш на соговорникот дека е нервозен, дека се поти... А нит е нервозен, нит се поти, само си ти фатен во небрано. 

Вие кога ќе дознаете дека сте бели?

Робин ДиАнџело е автор на извиканата книга „Бела фрагилност“ која  - буквално расистички - сугерира дека белците треба да го признаат примордијалниот грев што се бели. Во ова интервју, таа открива дека сфатила дека е бела на свои 34 години и тоа шокантно сознание трајно ѝ го сменило животот. Се почувствувала толку гласно бела што ѝ било срам да излезе на улица зашто сите ќе забележале дека е бела. Накратко, Робин ДиАнџело, кретен.

Бебиситерки, специјални единици

Школата ги кошта 21.000 долари годишно но затоа после може да очекуваат поголема плата од адвокати, отприлика околу 170.000 долари годишно. Учат боречки вештини, возење кола во опасни ситуации, шијат, плетат, виткаат суши и... не доцнат сабајле по 40 минути.

Олимписко тегнење за уши

Американските староседелци цели 60 години секое лето одржуваат свои Олимписки игри во Фербанкс, Аљаска. На Ескимско-Индијанските олимписки игри можат да се видат секакви дисциплини, од кои ја издвојуваме дисциплината „тегнење за уши.“ Треба и кај нас тоа. Чие уво испадне најјако за тегнење, станува Никола Димитров.

Багерист со краток фитил

Хотел во Ливерпул на багерист кој работел за нив, требало да му исплати хонорар од 600 фунти во петок. Проверувал човекот во петок, сабота, недела, па во понеделник веќе му зоврело, се качил на багерот и им улетал низ предна врата, деконструирајќи им ја рецепцијата. Фанови на вакви потези, на GoFundMe собрале 3.000 фунти донации за праведниот багерист.

Брутална рецензија за Смедеревка

Дечкото пишува под името „Сомелиерско катче“. Ако поради тоа очекувате суптилни рецензентски финеси, шармантно нијансирани сомелиерски оценки и ларпурлартистични описи од типот „на рабовите на вкусот се чувствуваат трагови од ливадско цвеќе низ кое протрчал елен лопатар“, сте се зезнале отприлика исто толку како кога би помислиле дека Смедеревка може и на голо да се пие. 

Разочаран ваксер

Американскиот актер Мајкл Рапапорт (сте го виделе ама небитно) беше доста гласен критичар и хејтер на анти-ваксери (Вакцинирајте се, курви едни! - затворен цитат). И сега, после примени две прописни дози вакцина, врховниот бог Ентони Фаучи вика дека вакцинираните во себе можат да имаат исто вирално полнење како и невакцинираните и дека можат да бидат супер - ширачи на вирусот.

Кокаинскиот блуз на Џони Кеш

Оваа верзија досега не е слушната. Изведена е во април 1968 година, во Карусел Болрум (Грејтефул Дед едно време го држеа местото) и според Кеш, тоа бил еден од најинтимните концерти кои ги имал.

Гладен човек, жив ѓаол

Mожеби е точно дека „ти не си ти кога си гладен“, ама што фали за момент да не си ти туку да станеш бестрашен фајтер? Се тепа и гризе!

Бајден против Бајден

Колку што Џо Бајден има кажано и направено против дилерите на крак, излезе дека син му Хантер толку има направено за дилерите на крак. Некому му текнало да ги спои овие две достигнувања.

Оксана „Челик“ Чусовитина

Што прави денес на 46 години Узбекистанката Оксана Чусовитина? Истото што го правеше и во 1992 на 17 години, се натпреварува на Олимпијада во гимнастика. Чусовитина нема пропуштено ниту една Олимпијада од 1992-ра, и зависи од годината го носи дресот (трикото) на СССР, Германија или Узбекистан.

Товариш Фау Чи

Ако против САД и Западот се води хибридна војна со пропаганда и лажни вести кои внесуваат збунетост и немир на населението, тогаш доктор Ентони Фаучи, со оглед на тоа што сè има кажано само на тема маски, е еден од највредните тајни агенти на руско-кинеската агентура.

Миротворецот

Ќе го познаете сами, во светла кошула е и има телефон во рака. Еден од оние луѓе кои неправедно биваат игнорирани за Нобелова награда за мир.

Приказна за лека брачна ноќ

На свадбата му пришла мајката на жената со која се венча и старата му шепнала во уво: „Сега таа е твој проблем.“ Ова го сведочи Рамон Соса, човекот кој морал да ја лажира сопствената смрт за да биде уапсена жена му која нарачала негово убиство.

Русинот има талент

Павел (и неговата партнерка Алиона) комплетно го збуни целокупното жири на America's Got Talent за тоа колку луѓе гледаат на сцената и како функционира човечката анатомија.

Како се дипли кола

Тоа багеристите знаат да бидат невидени махери. Овој веројатно може и машна да ти врзе.

Реми повторно на Олимпијада

Будалата Реми Галард го имавме во 2016 ама еве го пак со нови олимписки дисциплини. Ако сте на плажа и лежите на стомак, пазете да не ве обесчести во грчко-римски стил.

Тешки муабети за Унгарија

Стивен Сакер го води познатиот, тензичен и но булшит формат на BBC, „Hard Talk.“ Спроти себе го има шефот на унгарската дипломатија, Петер Сијарто. Се зборува за блокираните ЕУ пари за пост-ковид рехабилитација на Унгарија, за сексуалното образование, за извештаите на Фридом хаус, за Пегаз софтверот, за тоа што е популизам а што демократија....

Ботови во предизборен слет

Кога партиски ботови на владеачка гарнитура сакаат да покажат дека ама баш ништо не им недостасува и дека земјата конечно ја чувствуваат како своја.

Најсилниот против најдобриот

Брајан Шо е една мрцина од човек, 2 метра со 180 до 200 кила тежина, кој е повеќекратен победник на Најсилниот човек на светот. Дастин Порие е еден од најдобрите борци во УФЦ и некогашен шампион во лесна категорија, и човекот од кого Мекгрегор си ја скрши ногата пред некое време. Двајцата прво ќе се пробаат во боречки вештини, па после во кревачки вештини.

Клара Цеткин и Роза Луксембург на планина

Овие две хеорини на нашето време покажуваат дека и во младите девојки не згаснал борбениот дух и желбата за учење вештини кои живот значат. Во случајов, која побрзо ќе ги соблече тангите преку шорцеви и потоа - по потреба - на ист начин ќе ги врати во првобитна положба.

Кој високо лета, не плаќа данок

Џон Стјарт пушти одлична, приземјувачка спрдачина со овие гадно богатите Безос и компанија што си ги мерат со кратки и безначајни летови на работ на вселената. „А да платевте данок и да дадовте пристојна плата на аргатите во вашите фирми?“ гласат огромен број коментари.