Веројатно планирала да објави сечено, лепено, монтирано видео од сцената ама видеото стигнало цело, како го тера синот да плаче, иако овој и онака плаче, само веројатно не доволно жално за собирање лајкови.

Група мрцини од една баптистички црква од Вестборо мразат све живо и диво (педери, Евреи, муслимани, други христијани) и се толку напнати, што и еден конзервативец како Бил О' Рајли ги сметаше за идиоти. Дејв Грол од Фу Фајтерс обожава да ги трола. Ова му е третпат. Овојпат им дојде на озвучено камионче, и ги изремети со „You should be Dancing“ нафрлајќи им дека и мајките им имаат играно на таа музика.

Показна пожарникарска вежба во која се палат два идентични контејнера, со различни изолациони материјали. Едниот со полиуретан (малтене ПУР пена), другиот со камена, односно минерална волна. Кога гледа како гори првиот, човек не може да се оттргне од помислата како е кога во него има луѓе кои сета своја доверба ѝ ја дале на државата, да им помогне околу еден вирус што го закачиле. Но, тоа што некаде се ризични материјали, некаде со „по сите стандарди“.

Разочараната девојка знае дека нејзиниот е со друга. И наместо фино лепо да го остави и ајт здраво, упорно решила да види која е таа со која овој ја вара. А тоа не секогаш е најдобро за самодовербата.

Сеанса од оние мамбо џамбо дубари во кои луѓето се учат како да дојдат до посебно ниво на свест на кое ќе знаат самите да се енергизираат и околу себе да направат непробојна аура. Е па, на една јадна тетка уште не ѝ беше подигнат системот. 

Како изгледа кога се има држава и кога таа држава знае да ги испрати своите неповторливи великани. На музика од Енио Мориконе од филмот Професионалец, една од многуте големите ролји на Белмондо. Тоа што човекот почина на убави 88 години живот, не ги спречува душите да затреперат.

Кратка, дејвидлинчовска сцена од некој британски паб кој изгледа како покоен Малнар, таму некаде горе, да ја собрал екипата од Ноќна мора која му е на располагање (а не се малку одјавени: Шева, Станкец, Љубо, Тарзан, Лаки), само за да шенлучат на сметка на Јаран, Брацо и Цезар кои уште се злопатат живи. Не брзаме, ама, доаѓаме!

Мал увид во тоа како се снимаат оние совршени кадри во рекламите за храна и пијалоци, кадри од кои доаѓа вода на уста. Едноставно. Со многу машинерија.

Кога во април годинава објавивме дека Линдеман има песна на руски, пишавме дека „тоа рускиот јазик ги омекнува и најтврдокорните гласни жици“. Неколку месеци подоцна, ете го ѕверот од Рамштајн на Црвениот плоштад, во придружба на три различни воени оркестри. Така се освојува Москва, а не ко оној глупион Хитлер.

Најекстремен елемент во клацкање кој досега го знаевме е тој другиот педер да ти прави сец, тоест палачинка па да си го пеглаш газот на тоа тврдото. Ова е нешто сосема поинаку. Има и трет во играта! А колку и да си подобар од него, не си сигурен дека ќе прифати кога ќе му кажеш, ај, доста беше.   

Некој може да изгуби работа или да биде казнет зашто не завршил на време. И нема да му веруваат дека за сè е виновна каузата БЛМ. 

Дечкото вика дека дал отказ од работа која му носела 100.000 долари годишно, само за да побара од Логан Пол да му даде работа во неговото опкружување. Логан го отфикари на лице место и еве го сега, плаче во кола. Некако и ќеиф ни дојде. 

Речиси кај секој вид еволуцијата има компензирано со по нешто за на крај да се добие генерално ок резултат. Кај некои видови не само што се нема потрудено, туку како активно да работела на нивна штета.

Британскиот комитет за вакцинација и имунизација одби да даде препорака за вакцинирање здрави деца од 12 до 15 години. Запрашан дали постои политички притисок околу ова прашање, вториот човек на комитетот, професорот Ентони Харнден мазно одговара: „Мојата одговорност е кон децата, а не кон владата“.

Викинзите на времето знаеле да ги пренесуваат своите бродови и преку земја, кога не можеле или не сакале да вртат по тоа фјордовите. Илјада години подоцна, смислено е поинакво решение. Тунел, 1.700 метри долг, 37 метри висок, 26,5 метри широк и длабок 12 метри, низ кој ќе можат да минуваат бродови до 16.000 тони. Наместо за два часа, тоа сега ќе се минува за 12 минути. За Кичево-Охрид немаме што ново да кажеме.

Се собрале разбудените праведнички за на цел глас да извикуваат „пароле што страшно звуче“ (Џони Штулиќ). Еден дечко ги шатдафакап-на со само три збора. Ваљда нема да го обвинат за менсплеининг. 

Од Џекс (со мустаќот) научивме дека тој/таа може да е навредливо па да се обраќаме со „ди“ а од неодлучната научивме дека постојат невродивергентни кои можат да се доживуваат како кучиња, мачиња или зајачиња. Мислевте тука е крајот? Дозволете му на овој разбуден зеленокос гоблин да ве подучи како да составувате реечници во кои ќе се спомнува некој што себе се рачуна за бубачка.

"Sweet Dreams (Are Made of This)" e песна од Јуритмикс, од 1983 година. Ни Дејв Стјуарт ни Ени Ленкојс веројатно никогаш не помислил дека таа песна може да се изведе со дузина најразлични електрични апарати.

За почеток на новата школска година, се навраќаме на една од најурнебесно храбрите реклами на таа тема. Храброста не е во сценариото и самата содржина на рекламата (за нов школски прибор), туку во кастингот. Ајде пробајте да погодите кој најмалку може да се очекува во таа улога?

Елвис ја пее и ја свири на пијано Unchained Melody, непосредно откако песната била снимена и неколку месеци пред да почине. Брефта и се бори за здив, ама гласот не попушта. 

Не мора да го знаеш јазикот за да ти стане јасно дека овој телевизиски водител има само убави зборови за новите власти во земјата.

Федерер му праша видео материјали од убавините на Швајцарија а овој вика, јок, не ми се бендисува. Генерално, сосема ја разбираме таа негова логика, освен во денови кога дома драматично ќе окапеме по шалтери или семафори. 

Во спомен на своите загинати војници во нападот во Кабул, американски пабови или гости во истите почнаа да резервираат маси за цела вечер за 13 луѓе со 13 чаши пиво.

Учителка на американски деца, на ТикТок се фали како на малите им го сокрила државното знаме и со мала итрина ги натерала химната да му ја пеат на ЛГБТ знамето. Кака-кики.