Комуникациски упатства од воркшоп на Природниот музеј на Л.А. во кој на белите им се препорачува да бидат свесни (и да се срамат, нормално) од своите привилегии и да зборуваат со едноставен јазик (небаре обоените по дефиниција се поглупи па нема да разберат). Наведени се и карактеристики на белиот супрематизам во науката. Меѓу другите - перфекционизмот и објективноста. Шејм, шејм!

Додека новиот холандски министер за здравство излегува на бој пред камерите на тема ковид и слично, во позадина старите логистички служби крајно професионално ги одржуваат конекциите што ги имаат.

Сер Дејвид Атенбороу сведочи на уште едно чудесно сложена коалиција во природата. Цвет кој цвета само ноќе, само седум часа, за само едно животно. А сепак, користа од овој соживот е обострана.

Велс Фарго Центарот во Филаделфија е матичната сала (центар) за Филаделфија 76 (кошарка), Филаделфија Флаерс (хокеј) и Филаделфија Вингс (лакрос). Освен ова организира и еден куп други настани. Во една ситуација имаат 8 сосема различни настани закажани за организирање 8 дена по ред.

Дај му на маж риба и ќе го нахраниш за еден ден. Дај му на маж работа и само чекај да почне да кенка дека нешто не бива кај него на работа.

После 15 години блажена изолација од цивилизацијата, човек се враќа во општество во кое луѓе се кодошат едни со други преку мобилни телефони (државата наградува за тоа), забранети се цигари, алкохол и пцуење и речиси секаде има камери. „За ваше добро“, како што тоа обично се кажува. Малку „на прва топка“ раскажано, ама па не е лошо да се види.

Пред Меморијалниот центар Линколн во Вашингтон се одржа „Марш против задолжителноста (на вакцините)“, зборуваа неколкумуина угледни медицински и научница авторитети од алијансата ФЛЦЦЦ (Front Line COVID-19 Critical Care Alliance) кои веќе две години се во војна со големата фармација и здравствената бирократија, првенствено околу инсистирањето на вакцини а комплетното игнорирање на лековите за кои тврдат дека се ефикасни.  

Мало потсетување за тоа како Џо Бајден ја условуваше помошта од една милијарда долари за Украина со барање да го сменат јавниот обвинител. Инаку, Украина им е добро позната на Бајденовци, некои од нив таму на гурбет одеа.

Има едно правило што вика „секој е крив за тоа што му го прават“, и за волја на вистината правилово знае да згреши, ама па знае и да погоди. Дај некако десертов масовно да се популаризира, да можеме да се преброиме кои сме и што сме.

„Изгубен ли си во овој свет како и јас?“ е брилијантна црно-бела анимација на младиот Стив Катс, изведена во стилот на 1920-тите години и легендарниот Макс Флејшер (Бети Буп). За најголемиот парадокс на нашето време: никогаш не сме биле поврзани колку што сме сега, и никогаш не сме биле толку дисконектирани едни од други. Песната, нормално, на Моби.

На страна политичкиот дел од средбата, посетата на Ибрахим Раиси на Кремљ ја обележаа и една многу човечка работа, намаз сред церемонијалната сала во Кремљ.

Геј двојка решава да ја апгрејдира својата врска на традиционален начин, со клекнување и нудење прстен. Видеото може да се гледа како а) мотивационо (штом него има кој да го го запроси, ќе се најде и за мене) или б) демотивационо (еј, него го запросија, ја уште ништо). За да знаете што е спорно со запросениот, пуштете звук.

Треј Гауди објаснува дека ја изгубил вербата во математиката кога му рекле дека три по нула е - нула. „Како може да имаш нешто трипати а на крај да немаш ништо? Кај се изгуби тоа три? Тоа никако не ми влегуваше во глава“ се исповеда Гауди кој не треба многу да го мислите- подоцна стана федерален јавен обвинител и политичар.

Ако уште не сте дигнале раце да го разберете светов (топло препорачуваме), фаќајте чекор со виртуелниот универзум во кој цените на недвижнини растат побрзо од Скопје. Ќе доживееме ли кавги за дигитални меѓи?

Ако многу се потрудиме да го ставиме во некои легални рамки, овој бизнис гранично би се класификувал во фелата клучари, бидејќи тоа му е основната намера - продавање на клучеви. Да ја прашаш руската полиција ќе ти каже дека овие од класификување може да се само меѓу: лесна и тешка робија.

За разликите меѓу генерациите можат да се пишуваат долги есеи и томови анализи и истражувања. А може да се скоцка и едно луцидно видео од дваесетина секунди и некои работи да станат многу појасни.

Еден од најголемите порази што модерниот живот го нанесе општо на животот е што почна да се закажува шишање во берберница. Навидум целосно неважна работа, меѓутоа седењето во берберница и чекањето ред, е суштински столб на чакалење на секој маж (веројатно исто е и за жени во фризерница) и на квалитетен и содржински маалски живот.

Британскиот премиер најави укинување на две железни ставки во ковид пандемијата: маските и ковид сертификатите. Ај за арно нека е. Само, како што порачува Рамбо во неговото последно послание, гледајте да не примите гол во последните секунди од играта. 

Лекцијава е од далечната 1937 година и е анимирана, за да можат наравоучението да го разберат и деца и наивни Снежани.

Ликот што го гледате е на еден од регрутите на Воената академија во Алма ата, Казахстан, преплашен за време на немирите („терористичкиот обид за пуч“) во земјата. Дечкото се наоѓа во академијата во време кога напаѓачите се обидуваат да ја освојат. Тој носи униформа, стравот и зборовите му се без униформа.

Скромна рекламна порака на компанија за ролетни од Флорида, компанија за која, очигледно, не е сè во парите. На крајот од пораката викаат: „Ако ги подржувате Џо Бајден и либералите, ич да не ни се јавувате“.

Денешниот систем на производство, политичка економија и политика, на површина го вади најлошото од луѓето. Богатството на богатите зависи од сиромаштијата на сиромашните. Културата на богатите зависи од некултурата на сиромашните. Самодовербата на богатите зависи од класната несвесност на оние другите.

На овие првите во тоа време да им покажеш видео од овие вторите, ќе помислат дека дошле вонземјани сосе алат и работат на менување гуми во пит-стоп.

Совршената сценографија за постапокалиптичен филм во Америка всушност се снимки од дел од товарната железничка пруга што минува низ Лос Анџелес, која без разлика како изгледа, сè уште е во употреба и тоа, крајно фреквентно.